Iwuhrẹ Odibọgba Ọrọ January
Oka nọ O Rọ January 6 Muhọ
Ole avọ 6 (4)
15 min: Iwhowhovia obonẹ. Salọ Iwhowhovia no Odibọgba Uvie Mai ze. T’ẹme kpahe iyẹrẹ iruo usiuwoma ota September orọ orẹwho na gbe ukoko na. Kiẹ Ẹkpẹti Onọ riwi.
15 min: Okenọ A re ro Ru Ekade ọ Advance Medical Directive/Release na Kpokpọ. Ọkpako nọ o te ziezi ọ rẹ t’ẹme kpahe epanọ u wuzou te re a kere eme fihọ oria ekade na kpobi jẹ wha ae lele oma evaọ oke kpobi. Ekade nana ọ rẹ jọ amiunugu k’owhẹ otẹrọnọ whọ gbẹ be sae t’ẹme kẹ omobọ ra ha evaọ oke idudhe. (Wawo Itẹ 22:3.) O gwọlọ nọ a re kere eme fihọ ekade ọkpokpọ na kukpe kukpe re o kẹ ewhowho okpokpọ kpahe ẹse azẹ, fikinọ edọkita jọ gbe amọfa a ta nọ emebe nọ e who vi ukpe ovo no e sai dhesẹ imuẹro kpokpọ ohwo ọyena ha. Nọ ewuhrẹ na o te kuhọ no, a te ghale ekade ọ Advance Medical Directive/Release na kẹ iwhowho-uvie nọ e họ-ame no kpobi, yọ ahwo nọ i wo emọ nọ e re họ-ame he a ti wo Identity Card kẹ ọmọ kpobi. Dhesẹ nọ a re kere eme fihọ ekade na evaọ ewuhrẹ ọnana ha. U fo re a roma totọ kere eme fihọ ae evaọ obọ uwou rekọ a rẹ n’obọ họ iẹ HE. Obọ n’ẹhọ, isẹrise, gbe ẹdẹ kere fihọ ekade kpobi a ti ru ei evaọ Obe Uwuhrẹ Ukoko n’otha, evaọ iraro ọnọ o bi ru obe uwuhrẹ na. Ọ te kiẹ re ọ ruẹ nọ ahwo kpobi nọ e rọ utu riẹ a wo ekade gbe obufihọ nọ a gwọlọ. U fo nọ ahwo nọ a be n’obọ họ wọhọ isisẹri a ghinẹ ruẹ nọ ọnọ o wo ekade na ọ n’obọ họ obe na. Ohwo kpobi nọ ọ rriẹ evaọ oke oyena ha iwuhrẹ gbe ekpako na a ti fiobọhọ kẹe evaọ Ewuhrẹ Odibọgba nọ ọ kẹle riẹ bẹsenọ iwhowho-uvie nọ e họ-ame no kpobi a re ro kere eme fihọ jẹ n’obọ họ ekade rai no. (Kiẹ ileta ọ October 15, 1991, riwi.) Iwhowho-uvie nọ e re họ-ame he, o tẹ were ae, ẹkwoma enwene ẹvẹrẹ ekade nana kpohọ eyero gbe ẹrọwọ rai, a rẹ sai kere ẹkẹ rai re a ro ruiruo kẹ omobọ rai gbe emọ rai.
15 min: “Ete gbe Omaruẹrẹhọ re A Wuhrẹ Amọfa.” (Edhe-ẹme 1-6) T’ẹme kpẹkpẹe kpahe edhe-ẹme 1-2, fiẹgba họ ẹgwọlọ nọ ma re ro wo udufihọ inọ avọ obufihọ Jihova ma rẹ sai wuhrẹ amọfa ziezi. Ru re ẹko iwhowho-uvie ivẹ avọ ọnọ o wo uwou a ru idhesẹvia nọ e rọ edhe-eme 3-6 na, avọ ẹko ọvuọvo nọ o re dhesẹ epanọ a re ru iweze ọsosuọ gbe ozihebro.
Ole avọ 14 (6) gbe olẹ ekuhọ.
Oka nọ O Rọ January 13 Muhọ
Ole avọ 16 (58)
7 min: Iwhowhovia obonẹ. Riobọhọ igogo-eme jọ evaọ emagazini ekpokpọ. Kẹ ẹjiroro kpahe epanọ a re ro dhesẹ oma mai okenọ ma tẹ be nyabru ahwo re ma sisẹri ọnyakuo. Zizie ogbotu na re a gbiku eme emuhọ nọ a ro ruiruo no okenọ a jẹ t’ẹme kẹ amọfa evaọ iwou-eki, evaọ iyẹrẹ, evaọ oria nọ imoto e rẹ kpahe, evaọ ofa-edhere, gbe efa. Fodẹ oma usiuwoma ota evaọ urere oka na.
10 min: “Ete gbe Omaruẹrẹhọ re A Wuhrẹ Amọfa.” (Edhe-eme 7-9) Gbiku eware nọ e via kpahe e ru izihebro nọ a re duku evaọ 1995 Yearbook, ẹwẹ-obe avọ 45, fiẹgba họ epanọ u wuzou te re a nya lele isiuru kpobi nọ a ruẹ. Ru re owhowho-uvie nọ o wo ona o ru odhesẹvia evaọ edhe-eme 7-8. Dedenọ a fi ebe efa họ ada evaọ oke ọsosuọ, u fo re ma ta omodawọ mai vi eru ebe uwuhrẹ evaọ obe Eriariẹ na. Tudu họ ahwo kpobi awọ re a m’oma oke jọ evaọ oka n’otha na re a ru izihebro.
13 min: “Usiwo Imu Efa nọ E Kare-Azẹ.” Ọkpako nọ o te ziezi o re ru ẹme na. Se edhe-eme na kpobi. Fiẹgba họ epanọ edhe-eme avọ 3 gbe ọrọ avọ 4 na i wuzou te gbe ẹgwọlọ nọ a rẹ rọ nyabru ekpako na okenọ azẹ o te zihe ruọ avro evaọ usiwo.
15 min: “Ẹthọ Emọ Ra no E ro Ruiruo Thọthọ Azẹ.” Ọkpako ọ rẹ kẹ ovuẹ no edhe-ẹme 1-10 na ze. Ru ei vevẹ nọ ẹjiroro ọ ekuhọ ẹme na inọ esẹ gbe ini a rẹ sae rọwo kugbe ọbo re o siwi ọmọ rai evaọ otọ eyero nọ a dhesẹ fihọ edhe-eme 5-7 na o nwani dhesẹ nọ a re rri rie wọhọ oma fihọ otọ họ.
Ole avọ 15 (119) gbe olẹ ekuhọ.
Oka nọ O Rọ January 20 Muhọ
Ole avọ 21 (1)
10 min: Iwhowhovia obonẹ. Iyẹrẹ epanọ igho e nya.
15 min: “A Ti Siwi Eghẹrẹ Ahwo Kpobi.” Enọ gbe iyo. Zizie ogbotu na re a gbiku eware nọ e via kpẹkpẹe nọ i dhesẹ epanọ a ro wo uyo nọ u kiehọ no obọ ahwo nọ i no eria sa-sa ze.
20 min: “Ẹthọ Emọ Ra no E ro Ruiruo Thọthọ Azẹ.” Enọ gbe iyo nọ a re ro ru edhe-eme 11-20. Fiẹgba họ nọ oma kake ruẹrẹhọ nọ esẹ gbe ini a re ru re a wo ẹruọsa imu kẹ emọ rai oye họ usiavẹ obokparọ ẹsibuobu evaọ ẹwhaha azẹ se fihọ oma.
Ole avọ 23 (93) gbe olẹ ekuhọ.
Oka nọ O Rọ January 27 Muhọ
Ole avọ 20 (57)
10 min: Iwhowhovia obonẹ.
18 min: “Ma rẹ ‘Vuẹ Ovuẹ Ẹme Na.’ ” Enọ gbe iyo. Ku ẹmeọta jọ gbei nọ u dhesẹ oware nọ ma je vuhu aghare Ẹme Ọghẹnẹ mu didi.—Rri Awake!, March 22, 1984, ẹwẹ-obe avọ 9-11.
17 min: Kiẹ Ebe nọ A ti Fihọ Ada Evaọ February Riwi. Riobọhọ eware isiuru obe na, wọhọ: (1) Izoẹme nọ e rẹ da ruọ oma, (2) ifoto ezi, gbe (3) enọ nọ i re duobọ te iroro. Rọwo kugbe abọ ewuhrẹ nọ o vrẹ no na, tudu họ ero ruiruo ikereakere nọ a nabe-salọ evaọ odhesẹvia na. Ru re a ru odhesẹvia ọkpẹkpẹe ọvo hayo ivẹ. Kareghẹhọ ahwo kpobi re a dẹ ebe nọ a re ro ruiruo evaọ oka nana.
Ole avọ 26 (9) gbe olẹ ekuhọ.