Iwuhrẹ Odibọgba Ọrọ June
Oka nọ O Rọ June 2 Muhọ
Ole avọ 181
8 min: Iwhowhovia obonẹ. Salọ Iwhowhovia no Odibọgba Uvie Mai ze. T’ẹme kpahe iyẹrẹ usiuwoma ota March ọrọ orẹwho na gbe ọrọ ukoko na.
15 min: ‘Dao Ẹgba Ra Kpobi.’ Enọ gbe iyo.—Je rri Uwou-Eroro ọ April 15, 1993 (ọrọ Oyibo), ewẹ-obe 28-30.
22 min: “Eriariẹ Ọghẹnẹ E rẹ Kuyo Enọ Buobu.” Ọnọ o wo ẹme na ọ rẹ rehọ uzoẹme na jiroro kugbe iwhowho-uvie ivẹ hayo esa, nọ u kugbe uzoge. T’ẹme kpahe edhe-ẹme 1, fiẹgba họ oware nọ obe Eriariẹ na u ro woma evaọ obọ nọ o bi fihọ k’omai kiyo enọ. Ru odhesẹvia, jẹ kẹ ẹjiroro ẹnyaharo nọ a te ru abọ ọvuọvo no.
Ole avọ 200 gbe olẹ ekuhọ.
Oka nọ O Rọ June 9 Muhọ
Ole avọ 215
7 min: Iwhowhovia obonẹ. Fodẹ igogo-eme isiuru evaọ emagazini ekpokpọ na.
20 min: “Ta Usiuwoma na Evaọ Oria Kpobi.” Enọ gbe iyo. Ru edhe-eme 1-15. Se edhe-eme avọ 3 gbe 5. Fi oriruo eware nọ e jọ obonẹ via gbei erọ ahwo nọ i wo obokparọ no evaọ isẹri-ise eva iyẹrẹ hayo imoto.
18 min: Ewuhrẹ Amọfa—Ẹgwọlọ Ọkpakpata. Ẹme nọ ọkpako o re ru. Kiẹ iyẹrẹ iruo akpọ-soso 1996 riwi evaọ ẹwẹ-obe 33 ọrọ Yearbook 1997. Omodawọ nọ a bi ru re a se isẹri k’ahwo evaọ oria kpobi o be wha emamọ iyẹrẹ ze. Ẹgwọlọ ọkpakpata nọ o riẹ obọnana họ re a zihe kpohọ eria nọ a je fi obe họ ada re a je wuhrẹ ahwo uzẹme na. Nọ ma tẹ nyaku ai evaọ eria ẹgbede, rọ areghẹ rehọ odẹ gbe adrẹse rai re whọ ruẹse zihe bru ai. Ma re ru vi ubi Uvie na ọvo nọ ma rẹ kọ; ma re je ku ame ku ai. (1 Kọr. 3:6-8) Nọ a tẹ kọ ubi fihọ emamọ otọ, emamọ ewuhrẹ u re fiobọhọ k’ohwo na wo otoriẹ riẹ. (Mat. 13:23) Ma gwọlọ w’obọ vọvọ avọ ona iruo ewuhrẹ na. (Hib. 5:12a) Si eme no uko obeva ọ Odibọgba Uvie Mai ze ọrọ June 1996, edhe-eme avọ 25-26. Fiẹgba họ omodawọ emuhọ iwuhrẹ Ebaibol evaọ ibroshọ Ọghẹnẹ Ọ Gwọlọ hayo obe Eriariẹ na.
Ole avọ 204 gbe olẹ ekuhọ.
Oka nọ O Rọ June 16 Muhọ
Ole avọ 171
10 min: Iwhowhovia obonẹ. Iyẹrẹ epanọ igho e nya.
20 min: “Ta Usiuwoma na Evaọ Oria Kpobi.” Enọ gbe iyo. Ru edhe-eme avọ 16-33. Dhesẹ epanọ a rẹ sai ro fi ẹjiroro na h’iruo evaọ obonẹ. Ru odhesẹvia edhe-eme avọ 22-24. Se edhe-ẹme avọ 33.
15 min: Evuhu Egagọ Ra sọ Uzẹme Hayo Ọrue. Ọkpako ọ rẹ kobaro ẹmeọta evaọ udevie iwhowho-uvie ivẹ hayo esa nọ i te ro no Awake! ọ December 22, 1989, ze, ẹwẹ-obe avọ 18. Ma bi weze bru ahwo evezi ẹsikpobi. Ghele, a re jẹ ewuhrẹ Ebaibol rehọ họ. T’ẹme te epanọ a sae rọ rehọ eme nọ e rọ uzoẹme Awake! nana ruiruo re a jae riẹ kpahe ẹgwọlọ nọ a rẹ rọ jowọ lele eriariẹ egbagba. Riobọ kpohọ igogo eme nọ e rọ obe Eriariẹ na, uzou 5: “Egagọ Ono Ọghẹnẹ Ọ rẹ Jẹrehọ?” Se edhe-ẹme avọ 20. A rẹ sai zihe bru ahwo itieye na re a rehọ ẹwo gbe areghẹ tudu họ ai awọ re a jẹ ewuhrẹ rehọ jẹ ziọ iwuhrẹ.
Ole avọ 201 gbe olẹ ekuhọ.
Oka nọ O Rọ June 23 Muhọ
Ole avọ 193
10 min: Iwhowhovia obonẹ. Fodẹ ọruẹrẹfihotọ usiuwoma ota evaọ urere oka nana.
15 min: Eme A be Ta Kpahe Omai? Ẹme nọ a rẹ ta no ovuẹ nọ o rọ Watch Tower Publications Index 1986-1995 ze, ewẹ-ebe avọ 341-343. Salọ obọdẹ “Statements by Others” (Eme nọ Amọfa A Ta) kpahe Isẹri Jihova—uruemu gbe iruo mai. Dhesẹ epanọ oware nọ ahwo a be jọ oma mai ruẹ o be were amọfa oma te. Fodẹ epanọ onana o rẹ tudu họ omai awọ ẹsikpobi re ma dhesẹ emamọ uruemu je thihakọ evaọ iruo mai. Riobọhọ epanọ a rẹ rọ rehọ emamọ eme itieye na ruiruo okenọ ma tẹ be t’ẹme kugbe egbẹrioma gbe ahwo nọ i wo isiuru enọ e gwọlọ riẹ kpahe omai viere.
20 min: “Esẹ gbe Ini—Wuhrẹ Emọ Rai re A Ta Usiuwoma.” Enọ gbe iyo. Fi ọkpọvio nọ a kẹ evaọ obe ọ Our Ministry gbei, ewẹ-obe 99-100, evaọ otọ uzoẹme ọ “Obufihọ kẹ Emoha Na.”
Ole avọ 211 gbe olẹ ekuhọ.
Oka nọ O Rọ June 30 Muhọ
Ole avọ 197
10 min: Iwhowhovia obonẹ. Kareghẹhọ ahwo na kpobi re a niyẹrẹ amara June rai.
20 min: “Izoge—Eme họ Ute Ẹzi Rai?” Esẹ ivẹ a rẹ rehọ uzoẹme na t’ẹme kugbe. A rẹ ta oghẹrẹ nọ a re ro fiobọhọ kẹ emọ rai wo ovuhumuo oware nọ o jẹ roja re a fi ute uvie na họ, onọ o rẹ wha eghale ẹzi ze, ukpenọ a re le isiuru efe.—Je rri obe ọ Our Ministry, ewẹ-obe 116-118.
15 min: Oma Ruẹrẹhọ kẹ Ebe Fihọ Ada ọ July. Salọ ibroshọ ọvo hayo ivẹ jọ enọ ahwo a be rehọ gaga evaọ ẹkuotọ na, whọ vẹ jẹ fodẹ igogo eme nọ e rọ eva ọvuọvo. Fodẹ idhere nọ a rẹ rọ rehọ ae t’ẹme. Kareghẹhọ ahwo na kpobi re a wo okerefihotọ unu nọ a fihọ ada, re a je zihe jẹ bọ isiuru na.
Ole avọ 109 gbe olẹ ekuhọ.