Iwuhrẹ Odibọgba Ọrọ September
MUẸROHỌ: Odibọgba Uvie Mai o te ma-oma kẹ Ewuhrẹ Odibọgba oka kpobi evaọ etoke okokohọ na. Ikoko a rẹ sae ru inwene wọhọ epanọ o gwọlọ re o k’uvẹ kẹ ekpohọ Okokohọ Ubrotọ ọ “Ẹrọwọ Fihọ Ẹme Ọghẹnẹ” na jẹ k’uvẹ kẹ iminiti 30 ọrọ ọkiẹriwo ọ igogo-eme ọruẹrẹfihotọ na evaọ Ewuhrẹ Odibọgba oka nọ u lele i rie. A rẹ kake rehọ ọkiẹriwo ọ n’ẹdẹ t’ẹdẹ ọruẹrẹfihotọ okokohọ ubrotọ na kẹ inievo ivẹ hayo esa enọ i te nọ e rẹ sae tẹro vi igogo-eme nọ i w’uzou. Ọkiẹriwo ọnana nọ a ruẹrẹ oma kpahe kẹ ziezi na u re fiobọhọ kẹ ukoko na kareghẹhọ igogo-eme nọ a re ro ruiruo kẹ omobọ ohwo gbe enọ a re ro ruiruo evaọ obọ otafe. Ọkpahe-fihọ ogbotu na gbe eware nọ e via nọ a gbiku rai e rẹ jọ kpẹkpẹe jẹ nwani dhobọ te igogo-eme na.
Oka nọ O Rọ September 1 Muhọ
Ole avọ 26
10 min: Iwhowhovia obonẹ. Salọ Iwhowhovia no Odibọgba Uvie Mai ze.
15 min: “Fiọ Eware nọ E Mae r’Oja Họ Obaro.” Enọ gbe iyo. Uvẹ o tẹ riẹ, t’ẹme kpahe “Setting Proper Priorities” (“Efihọ Ute nọ U Fo”) no Awake! ze, ọrọ February 22, 1987, ẹwẹ-obe avọ 8-9.
20 min: “Ghale Obe ọ Edidi Evawere Uviuwou na Kugbe Amọfa.” Ẹme nọ a re ru no edhe-ẹme 1 gbe 6-8 ze. Ru odhesẹvia ọrọ edhe-ẹme avọ 2-5. Fiẹgba họ eroro kpahe eruo ilele gbe ẹnya te ute ọ emuhọ iwuhrẹ Ebaibol.
Ole avọ 107 gbe olẹ ekuhọ.
Oka nọ O Rọ September 8 Muhọ
Ole avọ 27
10 min: Iwhowhovia obonẹ.
10 min: Ẹgwọlọ Ukoko na.
10 min: “Obe-Uwuhrẹ Ebaibol nọ O rẹ Wha Ilele Ze.” Ẹmeọta.
15 min: Ọkpako ọ rẹ t’ẹme ọ “Fi Ọwhọ họ Emọ-Uwuhrẹ Kpahe Omaromudhe gbe Ame-Ọhọ” (uko-obeva ọrọ km-IS 6/96, edhe-ẹme avọ 20-22) ro kugbe iwhowho Uvie nọ i wo ona ebe-iwuhrẹ.
Ole avọ 109 gbe olẹ ekuhọ.
Oka nọ O Rọ September 15 Muhọ
Ole avọ 30
10 min: Iwhowhovia obonẹ. Iyẹrẹ epanọ igho e nya.
15 min: Rehọ Ividio Ru Emamọ Iruo. Ru ọkiẹkpemu iroro nọ a jẹ kpahe ero-ruiruo ọ ividio Ukoko-Ulogbo je gbiku eware nọ e jọ obonẹ via nọ i dhesẹ oghẹrẹ nọ a rẹ rọ rehọ ividio na ruiruo, te evaọ iviuwou mai gbe evaọ odibọgba mai.
20 min: “Okokohọ Ubrotọ ọ ‘Ẹrọwọ Fihọ Ẹme Ọghẹnẹ’ ọrọ 1997.” (Edhe-ẹme 1-13) Enọ gbe iyo. Se edhe-ẹme avọ 8, 10 gbe 13 na. Fiẹgba họ epanọ u w’uzou te no Ikerakere ze re ma sẹro osẹ gbe uruemu okpakpatiẹ Oleleikristi mai kugbe ẹro-omuhọ emọ mai ziezi.
Ole avọ 162 gbe olẹ ekuhọ.
Oka nọ O Rọ September 22 Muhọ
Ole avọ 165
8 min: Iwhowhovia obonẹ.
20 min: “Okokohọ Ubrotọ ọ ‘Ẹrọwọ Fihọ Ẹme Ọghẹnẹ’ ọrọ 1997.” (Edhe-ẹme avọ 14-20) Enọ gbe iyo. Se edhe-ẹme avọ 14 gbe 18 kugbe ikere nọ a fodẹ na. Fiẹgba họ ẹgwọlọ nọ a rẹ rọ jọ kpatiẹ gbe erorokẹ amọfa, maero evaọ ẹme ọ eria-ẹkeria. Rehọ ọkiẹriwo ọkpẹkpẹe ọrọ “Ọjọriẹ Okokohọ Ubrotọ” na ro kuhọ.
17 min: Kiẹ Iyẹrẹ Iruo Ukpe ọ 1997 ọrọ Ukoko na Riwi. Ọsẹro iruo usiuwoma ota o re jiri ukoko na fiki ọ emamọ omodawọ rai, maero evaọ etoke March, April, gbe May. J’iroro nọ i no obọ ugboma ekpako na ze je no iyẹrẹ ọ iweze urere ọsẹro ọnyawariẹ ze ro fi ẹnyaharo họ iruo usiuwoma ota gbe ebe iwuhrẹ. Dhesẹ ute jọ nọ u w’iruo rọ kẹ ukpe-iruo okpokpọ na, nọ u kugbe emuhọ gbe ewuhrẹ Ebaibol jegbe ẹruọ ọkobaro ubroke evaọ emerae nọ i wo urere-oka isoi na—November, May, August.
Ole avọ 113 gbe olẹ ekuhọ.
Oka nọ O Rọ September 29 Muhọ
Ole avọ 32
15 min: Iwhowhovia obonẹ. Kareghẹhọ ahwo kpobi re a niyẹrẹ iruo usiuwoma ota rai. Fodẹ nnọ ma te jọ obọ uwuhrẹ obe ukoko na muọ obe ọ Evawere Uviuwou na họ ewuhrẹ evaọ oka n’otha. Evaọ oma oruẹrẹhọ kẹ iruo emagazini evaọ October, ta kpahe ẹgwọlọ nọ a re ro “Riwi Ẹkwotọ Ra Wariẹ,” “Riẹ Eme nọ Erọ Emagazini na Eva,” “Ruẹrẹ Eme Emuhọ Ra Họ,” “Nwene lele Ọnọ O Wo Uwou Na,” je “Fiobọhọ Kẹ Ohwohwo,” ro no Odibọgba Uvie Mai ọrọ October 1996 na ze, ẹwẹ-obe avọ 8.
15 min: Epanọ A re ro Muọ Ẹmeọta Họ. Abọ ologbo obokparọ mai evaọ odibọgba na o roma hwa epanọ ma rẹ sai ru amọfa ta eme iroro. Okenọ ma tẹ sae t’ẹme jọ nọ olẹliẹ amọfa gaviezọ, yọ ma fi ẹbẹbẹ ologbo jọ nọ ma rẹriẹ aro dhe evaọ isẹri-ise na kparobọ no. Ta kẹ ogbotu na kpahe ẹjiroro jọ nọ o w’uzou evaọ School Guidebook na, uwuhrẹ avọ 16, edhe-ẹme avọ 11-14. Jọ iwhowhuvie nọ i wo ona je bi wo obokparọ evaọ emuhọ ẹmeọta kugbe ahwo a gbiku eme emuhọ nọ a ro ruiruo no evaọ okenọ a tẹ be t’ẹme kẹ ahwo wọhọ (1) ohwo nọ ọ be nya otọ evaọ iyẹrẹ, (2) ohwo nọ o bi kperẹ evaọ omoto, (3) ahwo iruo oyibo nọ a rẹ zẹ eki, (4) ohwo nọ a nya ku evaọ afe ọ imoto ọrọ iwou-eki ilogbo.
15 min: Kẹ Odibọgba Ra Orro. Ẹmeọta kugbe ogbotu ọrọ obe ọ Our Ministry na, ẹwẹ-obe avọ 81-83. Nọ enọ enana ro ru ugogo eme na vevẹ: (1) Oghẹrẹ vẹ ma ro wo erere ẹkwoma ẹnya lele oriruo Jesu? (2) Ẹvẹ owha-iruo mai re ma ta usiuwoma u w’uzou te? (3) Ẹjiroro vẹ o w’omai rehọ izuazọ mai mudhe kẹ Jihova? (4) Didi uruemu a gwọlọ otẹrọnọ ohwo ọ rẹ gọ Ọghẹnẹ? (5) Eme ma sai wuhrẹ no edhere nọ Jesu ọ rọ ta usiuwoma ze?
Ole avọ 121 gbe olẹ ekuhọ.