Iwhowhovia

◼ Ebe nọ a ti fihọ ada evaọ March: Eriariẹ Nọ I Re Su Kpohọ Uzuazọ Ebẹdẹ Bẹdẹ evaọ ₦55. Tẹrovi emuhọ iwuhrẹ Ebaibol. April gbe May: Evẹrẹ kpobi—Ru ahwo vi Uwou-Eroro Na gbe Awake! June: Ebe ewẹ-obe 192 kpobi nọ ukoko na u wo. Happiness—How to Find It, “Let Your Kingdom Come,” Listening to the Great Teacher, Okugbe Evaọ Egagọ Ọghẹnẹ Uzẹme Ọvo Na, Survival Into a New Earth, True Peace and Security—How Can You Find It?, Worldwide Security Under the “Prince of Peace,” gbe Your Youth—Getting the Best out of It. MUẸROHỌ: Ikoko nọ e te gwọlọ ebe usi ovravra nọ a fodẹ evaọ obehru na a rẹ yare ae evaọ Literature Order Form (S-14) ọrọ amara notha rai.

◼ Iwhowho-uvie nọ e gwọlọ ruiruo ọkobaro ubroke evaọ April gbe May a rẹ m’oma rai enẹna re a kaki fi obe họ. Onana u re fiobọhọ kẹ ekpako na re a ru ọruẹrẹfihotọ nọ o fo kẹ usiuwoma ota je wo emagazini buobu gbe ebe efa fihọ obọ. A re whowho edẹ ekobaro ubroke nọ a kuenu kẹ kpobi kẹ ukoko na.

◼ Ọsẹro ukoko na hayo omọfa nọ o vi ọ rẹ kiẹ igho ukoko na riwi evaọ March 1 hayo oke ofa nọ o kẹle riẹ. Whowho kẹ ukoko na nọ a te ru onana no.

◼ Ikoko i re ru emamọ ọruẹrẹfihotọ kẹ ehaa Ekareghẹhọ enukpe ọnana evaọ Ẹdẹ-Ọmaha, April 11, nọ ọre o te kiediwi no. Dede nọ a sae kaki mu ẹme na họ, ẹwọ ebrẹdi gbe udi Ekareghẹhọ na i re muhọ họ bẹsenọ ọre o re kiediwi no. Nọ mi ahwo nọ a kẹle owhẹ re whọ riẹ oke nọ ọre o re ro kiediwi evaọ oria ra. Dede nọ o rọ oware isiuru re ukoko kpobi u ru ọvuọvuọ ehaa Ekareghẹhọ riẹ na, ẹsikpobi onana o rẹ lọhọ ere he. Oria nọ ikoko buobu e jẹ be jọ Ọgwa Uvie ọvo ru ewuhrẹ, ukoko ọvo hayo bu viere a rẹ sae gwọlọ oria ofa kẹ owọwọ oyena. U fo re ehaa Ekareghẹhọ na o muhọ evaọ aso te epanọ o rẹ rọ kẹ ahwo kpokpọ nọ i wo isiuru uye re a nyaze he. Yọ ọruẹrẹfihọ na ọ rẹ jọ kekeke te epanọ oke o gbẹ rọ jariẹ hẹ nọ a re ro yere erara taure ehaa na o te muhọ gbe nọ o te kuhọ no ho, ru ọruẹrẹfihotọ re uketha abọ-ẹzi o nyaharo kẹ enọ i wo isiuru, hayo reawere udu nọ a rẹ tahọ ohwohwo awọ. Nọ a te roro ẹme na ziezi no, ekpako na a rẹ j’iroro ọruẹrẹfihotọ nọ e rẹ mai fiobọhọ kẹ enọ e te ziọ ehaa Ekareghẹhọ na re a ruẹsi wo erere vọvọ no ehaa na ze.

◼ Anwọ January 1, 1998, a gbe bi se Igege Okokohọ mai odẹ oyena ha. Enana a re se iwou eyena Egwa Okokohọ.