Ọjọriẹ Ehaa Ekareghẹhọ

Ekoko ehaa Ekareghẹhọ na u kie fihọ Ẹdẹ-Ọmaha, April 11. U re fo re ekpako na a rẹro te eware enana:

◼ Nọ a te bi fi oke họ kẹ omakokohọ na, jọ u mu owhai ẹro nọ a rẹ wọ ebrẹdi gbe udi na ha bẹsenọ ọre o re kiediwi no.

◼ Ahwo kpobi, kugbe ọnọ ọ te kẹ ovuẹ na, a rẹ riẹ uzedhe oke gbe oria ehaa na.

◼ A re wo oghẹrẹ ebrẹdi gbe udi nọ a gwọlọ na te obọ no a vẹ jẹ ruẹrẹ ai họ.—Rri Uwou-Eroro Na ọrọ February 15, 1985 (ọrọ Oyibo), ẹwẹ-obe avọ 19.

◼ A rẹ kake wha imidhe, egalase, gbe emẹjẹ avọ ohọ-emẹjẹ nọ u kiehọ ze ọgwa na a vẹ jẹ kake ruẹ rai họ oria rai.

◼ A re ru Ọgwa Uvie na hayo oria ofa nọ a ti kokohọ fo tẹtẹtẹ evaọ ẹruoke.

◼ Eruẹrẹahwohọ avọ enọ e te wọ emu na a rẹ kake salọ ae jẹ kẹ ae uthubro kpahe oghẹrẹ nọ a re ru gbe ẹkẹ-iruo rai.

◼ A re ru ọruẹrẹfihọ re a wọ ebrẹdi gbe udi se ọnọ a wholo kpobi nọ oma riẹ o ga ha nọ ọ sae nyaze he.

◼ Nọ ikoko nọ e te jọ Ọgwa Uvie ru ehaa na i te te ivẹ, emamọ ọruẹrẹfihọ ọ rẹ ja riẹ evaọ udevie ikoko na re a siọ ahwo ba ẹkeke evaọ unuẹthẹ, oria owotọ, gbe oria imoto.