Ọkiẹkpemu Isukulu Odibọgba Ọghẹnẹ
Obe ọkiẹkpemu ọrọ eme nọ a ru eva Isukulu Odibọgba Ọghẹnẹ evaọ eka ọ May 4 rite August 24, 1998. Rehọ ẹwẹ-obe ọfa kere iyo enọ na nọ whọ sae kẹ kpobi evaọ umutho oke nọ a kẹ na.
[Muẹrohọ: Evaọ etoke ọkiẹkpemu na, Ebaibol na ọvo whọ rẹ sae rri rọ kẹ iyo enọ kpobi. Ebe nọ a fodẹ nọ i lele enọ na e rọ kẹ ekiakiẹ omobọ ra. Inọmba ẹwẹ-obe gbe edhe-ẹme e sae te rehọ oma via evaọ idhesẹ Uwou-Eroro Na kpobi hi.]
Kẹ iyo enọ nọ e rọ obotọ na Uzẹme hayo Ọrue:
1. Ẹkwoma iruo egaga gbe omarọkẹ Ọghẹnẹ riẹriẹriẹ, uvi Oleleikristi ọ rẹ sai wo uvẹ uzuazọ ebẹdẹ bẹdẹ. [uw-IS ẹwẹ. 36 edhe. 13]
2. Owojẹ kpohọ ame-ọhọ Oleleikristi u re muhọ no eriariẹ egbagba Jihova Ọghẹnẹ gbe Jesu Kristi nọ ma re si te udu ze. [kl-IS ẹwẹ. 173 edhe. 7]
3. Otofa Ahwo Ẹfẹsọs 5:13 na họ iruemu akpọ i dhesẹ oma via wọhọ nọ e vọ avọ emuemu yọ ere o rẹ jọ nọ a tẹ rọ eriwo elo Ẹme Ọghẹnẹ ro rri rie. [Isase Ebaibol ẹkpoka; rri it-2-E ẹwẹ. 254 edhe. 3.]
4. Ma rẹ sai wo osohwa uzuazọ ẹkwoma ẹgọ Jihova Ọghẹnẹ. [kl-IS ẹwẹ. 182 edhe. 4]
5. Ẹme nọ ọ rọ Ahwo Galesha 5:26 na o whaha aroza omahrowo kpobi kẹ Ileleikristi uzẹme. [Isase Ebaibol ẹkpoka; rri g95-E 12/8 ẹwẹ. 15 edhe. 8.]
6. Okenọ ebẹbẹ e tẹ roma via evaọ orọo, Oleleikristi uzẹme ọ rẹ rehọ iruthọ ọrivẹ-orọo riẹ na foma siọ owha-iruo riẹ ba ha. [uw-IS ẹwẹ. 140-141 edhe. 4, 5]
7. Ẹsejọ urusio re a duoma họ iruemu akpọ na u re no obọ ohwo nọ ọ ta nọ ọ be gọ Jihova ze. [uw-IS ẹwẹ. 43 edhe. 11]
8. Wọhọ epanọ a fodẹ evaọ 1 Timoti 3:16, a jọ “eva Ẹzi dhesẹ [Jesu] vevẹ,” ẹkwoma uzuazọ ẹzi nọ a rọ hwa ae osa eva oke ẹkparomatha riẹ; onana u dhesẹ owhowhovia Ọghẹnẹ inọ Jesu o kiẹrẹe riẹriẹriẹ je te kẹ iruo ikpehru efa. [Isase Ebaibol ẹkpoka; rri w90-E 1/15 ẹwẹ. 13 edhe. 12.]
9. Ababọ-avro, “nyawa” nọ a fodẹ evaọ Ahwo Filipai 1:23 na yọ irẹro ọ Pọl re o lele Kristi jọ nọ ọ tẹ nwani whu no. [Isase Ebaibol ẹkpoka; rri w95-E 3/1 ẹwẹ. 30 edhe. 4.]
10. Ma re rri uruemu uyoma kakao ho o tẹ make rọnọ o dafia evaọ akpọ na. [uw-IS ẹwẹ. 53 edhe. 13]
Kẹ iyo enọ nọ e rọ obotọ na:
11. Evaọ edhere vẹ otujọ evaọ Kọrint a jẹ rọ re ebrẹdi jẹ da udi na yọ ‘a te he’ evaọ okenọ a kuomagbe re a koko Ekareghẹhọ uwhu Kristi na? (1 Kọr. 11:27) [Isase Ebaibol ẹkpoka; rri w90-E 2/15 ẹwẹ. 19 edhe. 17.]
12. Amono a jọ awa-enwoma kẹ omokpokpọ ukoko Kọrint, nọ o lẹliẹ Pọl kere ileta avivẹ riẹ kpobọ Kọrint? (2 Kọr. 11:5, 13, 14) [Isase Ebaibol ẹkpoka]
13. Ẹvẹ Jihova ọ te rọ hwosa ọ oware kpobi nọ o sai vru mi omai fiki egagọ riẹ? [kl-IS ẹwẹ. 169 edhe. 20]
14. Didi oghẹrẹ ufuoma Jesu ọ jẹ t’ẹme kpahe eva Jọn 8:32? [uw-IS ẹwẹ. 40 edhe. 6]
15. Evaọ Ẹme Ọghẹnẹ nọ o ro ruiruo, ẹvẹ Pọl ọ rọ rehọ uvi oriruo kẹ egbodibo Ileleikristi nẹnẹ? [si-E ẹwẹ. 217 edhe. 19]
16. Eme họ otọ ẹme ọ Pọl ukọ na okenọ ọ ta nnọ ‘fiki uzioraha a je fi uzi na họ’? (Gal. 3:19) [Isase Ebaibol ẹkpoka; rri uw-IS ẹwẹ. 147 edhe. 3-4.]
17. Eva Ahwo Filipai 1:3-7, fikieme Pọl o je jiri inievo na, kọ ẹvẹ ma sai ro wo erere no oriruo rai ze? [Isase Ebaibol ẹkpoka]
18. Ono “aye na” eva Emuhọ 3:15 o dikihẹ kẹ? [uw-IS ẹwẹ. 30 edhe. 3]
19. Eme họ otọ ẹme ọ Pọl ukọ na okenọ ọ ta nọ ọ gwọlọ re eyae na a “gọ umutho-ẹgọ . . . avọ omaurokpotọ”? (1 Tim. 2:9) [Isase Ebaibol ẹkpoka; rri g90-E 6/22 ẹwẹ. 19 edhe. 2.]
20. Fikieme Ileleikristi i je yoẹme kẹ unuovẹvẹ Pọl nọ o rọ 1 Timoti 6:4 kpahe “avro kpahọ eme”? [si-E ẹwẹ. 236 edhe. 15]
Fodẹ ẹme hayo eme nọ a gwọlọ re uhie-eme obotọ na e tẹ gb’unu:
21. Jesu yọ Ọmọ _________________________ Ọghẹnẹ keme ọyọvo họ ọnọ Jihova ọvo ọ rọ obọ riẹ ma. [uw-IS ẹwẹ. 29 edhe. 1]
22. Ileta ọsosuọ Pọl ro se ahwo Kọrint o rẹ mae kẹ erere evaọ erukẹre otoriẹ mai kpahe _________________________ na, onọ ileta na o t’ẹme no ze ẹsibuobu. [si-E ẹwẹ. 213 edhe. 23]
23. Evaọ ileta riẹ se ahwo Galesha, Pọl ọ k’imuẹro nnọ ẹrẹreokie ọ rẹ jọ ẹkwoma _________________________ fihọ Kristi Jesu, orọnikọ ẹkwoma iruo _________________________ na ha, jegbe nnọ fikiere _________________________, u du fo kẹ Ileleikristi hi. [si-E ẹwẹ. 219 edhe. 15]
24. Evaọ ileta ọsosuọ riẹ se ahwo Tẹsalonika, Pọl ọ fodẹ _________________________ Jesu Kristi isiane, ababọ-avro fiki isiuru ukoko na kpahe ewuhrẹ ọnana. [Isase Ebaibol ẹkpoka]
25. Nọ Setan ọ ta ọrue re ọ sai su ọsẹ gbe oni ọsosuọ mai kpohọ uzioraha na, Jesu o te sei _________________________. [uw-IS ẹwẹ. 53 edhe. 13 (1)]
Salọ uyo ogbagba evaọ uhie-ẹme ovuovo nọ e rọ obotọ na:
26. Nọ ọ jẹ ta kpahe ẹkẹ-uvẹ riẹ re ọ ko oma riẹ ẹkwoma odibọgba na, Pọl ọ fodẹ (Talmud; Mishnah: Uzi Mosis), onọ o ta nnọ a rẹ fare enu ọ erao nọ i bi ruiruo ho gbe nnọ (ahwo Livai; Nẹtinim; orua ozerẹ Erọn) evaọ iruẹru etẹmpol a je wo ẹkẹ abọ rai no aruẹri na ze. [si-E ẹwẹ. 213 edhe. 24]
27. Ileta Pọl se ahwo Galesha o f’otọ Aizaya 54:1-6, dhesẹ aye ọ Jihova wọhọ (Jerusalẹm otọakpọ; Jerusalẹm obehru; Jerusalẹm Ọkpokpọ). (Gal. 4:21-26) [si-E ẹwẹ. 219 edhe. 16]
28. Avro ologbo nọ Setan ọ kpare via evaọ okenọ ọ siọ uvẹ Ọghẹnẹ nọ o re ro su gbe edhere esuo Riẹ na u ghine kpomahọ (ẹkẹ-uvẹ ohwo-akpọ; avro kpahe ohwo nọ ọ mae ga; esuo ehrugbakpọ Ọghẹnẹ). [uw-IS ẹwẹ. 46 edhe. 1]
29. A rẹ sai dhesẹ (ahwo egagọ Ju; utu isu-egagọ Kristẹndọm; Babilọn Ologbo na) kpahe “ohwo uzioraha” nọ a fodẹ eva 2 Ahwo Tẹsalonika 2:3 na. [Isase Ebaibol ẹkpoka; rri w90-E 1/15 ẹwẹ. 18 edhe. 11.]
30. Otẹrọnọ who wo avro ọgaga kpahe ohwo jọ evaọ etoke ẹga, oware areghẹ nọ who re ru họ (kuvẹ re iroro obẹlẹ ra i ruru avro ra; siọ usu na ba; fare aro ra kẹ ethobọ egaga re who rẹro nọ eware i ti woma okenọ wha tẹ ruọ orọo no). [fy-IS ẹwẹ. 23 edhe. 19]
Salọ ikereakere nọ i kiehọ uhie-eme obotọ na:
1 Kọr. 10:11, 12; 2 Kọr. 4:7; 2 Kọr. 8:14; Kọl. 3:18-20, 23, 24; 1 Pita 4:3, 4.
31. Okenọ ohwo ọ tẹ rọ odibọgba Ileleikristi na karo evaọ uzuazọ riẹ, o re wo ẹgba nọ Ọghẹnẹ ọ rẹ kẹ. [Isase Ebaibol ẹkpoka; rri w90-E 3/1 ẹwẹ. 29 edhe. 5.]
32. U fo re ma kezọ oriruo unuovẹvẹ ọrọ emọ Izrẹl nọ e jọ otọ Mosis re ma whaha evaifihọ omobọ omai. [si-E ẹwẹ. 213 edhe. 23]
33. Ekẹ unevaze nọ i re no obọ Ileleikristi nọ i wo ze e rẹ sai fiobọhọ rẹrote ẹgwọlọ enọ i wo ho, yọ ọwhọ gbe ithihakọ enọ e rọ uye o sae jọ ehri oghọghọ gbe uduotahawọ kẹ enọ e be kẹ ae na. [Isase Ebaibol ẹkpoka; rri w93-E 12/15 ẹwẹ. 21 edhe. 20.]
34. Dede nọ whọ sai ruiruo kugbe ahwo nọ a rọwo ho hayo lele ai kpohọ isukulu, who re dhesẹ nọ a rọ egbẹnyusu ra ha ẹkwoma usu rai nọ u fo ho kpobi nọ whọ rẹ whaha. [uw-IS ẹwẹ. 44 edhe. 13]
35. Ẹnyaharo evaọ usu uviuwou o rẹ roma via, orọnikọ ẹkwoma ọjọ nọ ọ rẹ r’abọ muoma hẹrẹ ọdekọ re o ru oware jọ họ, rekọ ẹkwoma ọvuọ ẹkẹ-abọ riẹ nọ omomọvo o re ru ziezi, ọ vẹ rọ ere dhesẹ nọ o bi wuhrẹ omarọkẹ Ọghẹnẹ eva obọ uwou. [uw-IS ẹwẹ. 143 edhe. 10]