Iwhowhovia

◼ Ebe nọ a ti fihọ ada evaọ August rite September: Efihọ-ada obọdẹ ọrọ ekru ebe ivẹ evaọ ₦40 gbe ekru ebe ene evaọ azọhọ ₦80 nọ a re vi no uwou-ogha ze wọhọ epanọ o rọ ileta mai ọrọ March 23, 1998. Ofariẹ, a rẹ sai fi obe ẹwẹ-obe 192 evaọ ẹvẹrẹ kpobi nọ ukoko na u wo họ ada evaọ azọhọ obọdẹ ₦20, ajokpa ọ Eriariẹ Nọ I Re Su Kpohọ Uzuazọ Ebẹdẹ Bẹdẹ, Edidi Evawere Uviuwou, Okugbe Evaọ Egagọ Ọghẹnẹ Uzẹme Ọvo Na, Theocratic Ministry School Guidebook, gbe Organized to Accomplish Our Ministry. Wọhọ epanọ o rọ ileta mai na, wha rẹ sae yare ugho nọ a re si no. October: Ru ahwo vi Awake! hayo Uwou-Eroro Na hayo emagazini ivẹ na. November: Eriariẹ Nọ I Re Su Kpohọ Uzuazọ Ebẹdẹ Bẹdẹ.

◼ Iyẹrẹ i no obọ Egbẹgwae Uruẹme Kugbe Iwou-Imu ze t’omai obọ no kpahe eware nọ a be ruẹ evaọ okenọ a te weze kpohọ obọ ẹsipito. Edọkita gbe enọso jọ a be ta nnọ evaọ okenọ Isẹri Jihova a te bi kpohọ usiwo a be wha ekade ọ Medical Directive rai lele oma ha. A n’iyẹrẹ re inọ evaọ okenọ a te bi kere efọmo ọ Hospital Registration hayo Admission na, inievo mai buobu a bi kere ẹme na “Oleleikristi” ro dhesẹ egagọ rai. Onana o wha ozighi ze no nọ a bi ro vuhu ahwo mai jọ wọhọ Isẹri Jihova nọ e wọso usiwo azẹ hẹ. Ukpoye, “Isẹri Jihova” ma re kere. Evaọ edhere nana, a vẹ nwani vuhu omai re a sae k’omai usiwo nọ u fo. Dede na, nọ ma tẹ nwani t’obei ma rẹ siọ edọkita na ba ẹvuẹ hẹ inọ mai yọ Isẹri Jihova. Ma be kpọ iroro rai kpohọ ẹme nọ a ta evaọ ileta mai ọrọ July 19, 1995, ro se ikoko kpobi, inọ ma rẹ wha ebẹbẹ se omobọ mai gbe esipito na nọ ma gbe lele uruemu nọ ma dhesẹ evaọ obehru na ha.

◼ Ma bi vi efọmo buobu ro se ukoko kpobi nọ a re ro ruiruo evaọ ukpe iruo ọ 1999 na. Iviena wha raha efọmo enana ha. Ẹjiroro nọ a ro vi ai na ọvo a rẹ rehọ ai ru.

◼ Efọmo ọ Literature Inventory (S-18) i ti te ukoko kpobi obọ. Okere-obe ukoko na ọ rẹ nyabru odibo nọ ọ be rẹro te ebe na evaọ emuhọ August a ve fi ẹdẹ họ nọ a re ro kele unu ebe nọ e rọ ukoko na evaọ urere amara na. A re kele ebe nọ a wo kpobi unọjọ utọjọ, yọ a re kere unu rai kpobi fihọ efọmo ọ Literature Inventory na. A rẹ sae riẹ unu emagazini kpobi nọ a wo no obọ odibo emagazini na ze. Iviena vi ọrọ ọsosuọ na se Society, u re lehie vi September 6 ha. Fi ọrọ avivẹ họ efale rai. A rẹ sae rehọ ọrọ avesa na ruiruo wọhọ obe iruo. U fo re okere-obe na ọ rẹro te ikelakele na, ọsẹro ukoko ọ vẹ kiẹ efọmo nọ a kere unu rai kpobi fihọ na. Okere-obe na gbe ọsẹro ukoko a rẹ whobọ họ efọmo na.

◼ No August 21, 1998, rite August 30, 1998, Society a ti kele ebe kpobi nọ a wo evaọ Igieduma. Fiki ikelakele nana, ebe nọ ikoko i vi a ti vi ai hayo ruẹrẹ ae họ kẹ ẹrehọ evaọ etoke edẹ eyena ha.

◼ Ogbẹgwae Iruo Ukoko na o rẹ rẹriẹ aro ku ebe kpobi nọ a fihọ kẹ iruo ọkobaro oke-kpobi vẹrẹ vẹrẹ. Ogbẹgwae iruo na u re kru ebe na re a rri sọ ohwo na ọ te sae nyate ute auwa na ha. Society ọ rẹ sai nwene ẹdẹ emuhọ nọ ohwo na o kere na otẹrọnọ efọmo na i t’obọ lehie vi ẹdẹ nọ ọ gwọlọ muhọ na. A re kere ẹdẹ nọ a ro muhọ zihe kpemu hu ajokpanọ iyero egaga jọ nọ a sae whaha ha e roma via. Otẹrọnọ iyero itieye e tẹ rrọ, a re kere ileta lele obe nọ a fihọ kẹ iruo ọkobaro na.—Rri uko-obeva Odibọgba Uvie Mai ọrọ September 1986 (ọrọ Oyibo), edhe-ẹme avọ 24-26.

◼ A bi vi efọmo ivẹ erọ S-10 Congregation Analysis Report na ro se ukoko kpobi. A rẹ romatotọ kere efọmo nana a ve vi ọrọ ọsosuọ na kugbe iyẹrẹ August ro se Society nọ u re lehie vi September 6, 1998, hi. Orọ avivẹ o rẹ jọ efale rai.