215,000!

Oye họ unu iwhowho-uvie nọ ma gwọlọ nọ e rẹ jọ Nigeria n’iyẹrẹ evaọ August 1998. Kọ ma wo imuẹro nọ ma sai ro te ere? Ẹhẹ, ma wo! Okerefihotọ mai ọrọ ikoko nọ e rọ Nigeria enẹna u dhesẹ unu ọ iwhowho-uvie 226,185. Dede na, unu nọ o mai bu kpobi nọ a n’iyẹrẹ riẹ no họ 207,193, evaọ April 1998. Kọ ẹvẹ ma sai ro kpehru vi unu oyena? Ma sai ru ei otẹrọnọ owhowho-uvie kpobi evaọ ukoko na o ru ọruẹrẹfihotọ re o w’obọ evaọ odibọgba na evaọ August jẹ n’iyẹrẹ iruo yena evaọ ẹruoke. August o wo urere-eka isoi. Daoma re whọ kaki muhọ evaọ amara na re whọ sae raha oke jọ evaọ iruo isẹri-ise na evaọ August. Ẹkwoma omodawọ okugbe, ma rẹ ruẹ unu iwhowho-uvie ekpokpọ nọ emai bu kpaobọ nọ i bu vi 215,000 evaọ orọ ọsosuọ riẹ evaọ Nigeria. Ẹvẹ ubo ujiro nọ o te jọ kẹ Jihova o te ga te!—Ol. 47:1.