Aria Ọ te Jọ Obọdẹ Amara Evaọ Ikuigbe Mai
Ma te Ghale Omobe-Ovẹvẹ Okpokpọ Jọ Evaọ Akpọ na Soso
1. Omobe-ovẹvẹ vẹ ma te ghale evaọ akpọ na soso nọ Uvie Ọghẹnẹ o joma su te ikpe udhusoi (100) no na?
1 O be kẹle ikpe udhusoi (100) no nọ Uvie Ọghẹnẹ u ro muhọ esuo na. U kiehọ kẹhẹ re ma kẹ Ọghẹnẹ orro ẹkwoma usi-uwhowho obọdẹ jọ. Evaọ Aria, ma te ghale omobe-ovẹvẹ okpokpọ evaọ akpọ na soso nọ uzoẹme riẹ o ta nọ Diẹse Ma Sae Jọ Ruẹ Iyo Enọ nọ I Wuzou Evaọ Uzuazọ? Omobe-ovẹvẹ na o tuduhọ ahwo awọ re a jọ Ebaibol na gwọlọ iyo na, u te je dhesẹ epanọ jw.org o sai ro fiobọhọ kẹ ai.
2. Ẹvẹ ma sai ro fiba “edo ologbo” nọ ma ti ro jiri Jihova evaọ Aria?
2 Edo Ologbo nọ Ma ti ro Jiri Jihova: Re ma sai w’obọ vọvọ evaọ usiuwoma ota na, a ru ọruẹrẹfihotọ obọdẹ ọrọ ọkobaro obufihọ evaọ Aria. Evaọ amara yena, iwhowho-uvie nọ e họ-ame no a ti wo uvẹ nọ a re ro ru ọkobaro obufihọ euwa 30. Nọ orọnọ Aria o wo Edisoi-Oka isoi, Ẹdẹ-Ọmaha isoi, gbe Ẹdoka isoi na, inievo nọ i bi ru iruo gbe enọ i bi kpohọ isukulu a te sai ru ọkobaro obufihọ. Otẹrọnọ who rri nọ ohwo nọ who bi wuhrẹ obe kugbe hayo ọmọ ra o te owhowho-uvie no, vuẹ ọnọ o re koko iruẹru ugboma ekpako na họ ababọ okioraha. U ti woma kẹhẹ re a kuomagbe omai evaọ amara obọdẹ nana. Dede nọ evaọ erẹwho jọ ekobaro oke-kpobi buobu a rẹ gwọlọ rọ oke jọ serihọ evaọ Aria nọ a te ru euwa ẹgbukpe rai gba no, a rẹ sae ruẹrẹ oke rai họ re a w’obọ vọvọ evaọ okenọ ma te ghale omobe-ovẹvẹ na. Enẹna họ oke nọ iviuwou a rẹ rọ jiroro epanọ a ti ro fiba “edo ologbo” nọ ma ti ro jiri Jihova evaọ Aria.—Ẹzra 3:11; Itẹ 15:22.
3. Eme ma bi rẹro riẹ nọ ma te ghale omobe-ovẹvẹ na?
3 Dede nọ onana họ orọ ọsosuọ nọ ma ro mu usi-uwhowho họ họ, ma bi rẹro nọ ọnana ọ te jọ ọrọ obọdẹ evaọ ikuigbe mai. Kọ ma sae jọ Aria na daoma re iwhowho-uvie, euwa gbe ekobaro obufihọ i bu vi enọ ma wo vẹre? Nọ ma bi ku ukpe iruo 2014 họ na, ma lẹ nọ Jihova ọ ghale omodawọ ahwo riẹ evaọ akpọ na soso re amara Aria na ọ jọ ọnọ ma jọ ta usiuwoma kpaobọ.—Mat. 24:14.