Iwuhrẹ Odibọgba Ọrọ October
MUẸROHỌ: Odibọgba Uvie Mai o te m’omaa kẹ Ewuhrẹ Odibọgba oka kpobi evaọ etoke okokohọ na. Ikoko e rẹ sae ru inwene wọhọ epanọ o gwọlọ re o k’uvẹ kẹ ekpohọ Okokohọ “Edhere Uzuazọ Ọghẹnẹ” na jẹ k’uvẹ kẹ iminiti 30 ọrọ ọkiẹriwo ọ igogo-eme ọruẹrẹfihotọ na evaọ Ewuhrẹ Odibọgba oka nọ u lele i rie. A rẹ kake rehọ ọkiẹriwo ọ n’ẹdẹ t’ẹdẹ ọruẹrẹfihotọ okokohọ na kẹ inievo esa nọ i te nọ e rẹ sae tẹro vi igogo-eme nọ i w’uzou. Ọkiẹriwo ọnana nọ a ruẹrẹ oma kpahe kẹ ziezi na o re fiobọhọ kẹ ukoko na kareghẹhọ igogo-eme nọ a re ro ruiruo kẹ omobọ ohwo gbe enọ a re ro ruiruo evaọ obọ otafe. Ọkpahe-fihọ ogbotu na gbe eware nọ e via nọ a gbiku rai e rẹ jọ kpẹkpẹe jẹ nwani dhobọ te igogo-eme na.
Oka nọ O rọ October 5 Muhọ
Ole avọ 199
10 min: Iwhowhovia obonẹ. Salọ Iwhowhovia no Odibọgba Uvie Mai ze.
15 min: “Ọnowo họ Ọthuke Mẹ.” Ẹme ọruọruọ, avọ uduotahawọ nọ ọkpako o re ru.
20 min: “ ‘Ẹkọ Ubi Uvie Na’ Fihọ Ejẹ Emagazini.” Ẹmeọta ogbotu. Ta kẹ ahwo jọ re a dhesẹ epanọ a ro muọ ejẹ emagazini họ no jẹ sẹro riẹ. Ru odhesẹvia ọrọ efihọ ada ọ emagazini evaọ oria nọ a jọ ru ọruẹrẹfihotọ re a zihe avọ ivitha ekpokpọ.
Ole avọ 133 gbe olẹ ekuhọ.
Oka nọ O rọ October 12 Muhọ
Ole avọ 42
5 min: Iwhowhovia obonẹ. Kiẹ eme jọ nọ a rẹ rọ ta usiuwoma riwi evaọ emagazini ekpokpọ na. Gbiku eware nọ e via no 1997 Yearbook ze, ẹwẹ-obe avọ 45, gbe Awake! ọ October 22, 1996, ẹwẹ-obe avọ 32. Tudu họ ahwo kpobi awọ re a w’obọ evaọ ẹghale emagazini evaọ urere ọ oka nana.
10 min: “Esẹro nọ E be k’Obaro—Okere-Obe Na.” Ẹme nọ okere-obe ukoko na o re ru, ọ rẹ kiẹ owha-iruo riẹ. O re fiẹgba họ iẹ inọ ahwo kpobi a sai dhesẹ ẹmeoyo ẹkwoma iyẹrẹ usiuwoma ota nọ a re siobọno evaọ ẹruoke.
10 min: A Wo Ẹzi Ajọwha ọrọ Iruo Ọkobaro. Ẹme uduotahawọ nọ a re ru no 1998 Yearbook ze, ẹwẹ-obe avọ 104-107. Dhesẹ oware nọ ekobaro e jẹ rọ Japan bu te ere, oware nọ o kẹ eyae uwou-orọo obei uvẹ nọ a je fi isiuru abọ-ẹzi h’obaro, oware nọ o rọ emu ọ obe iruo ọkobaro kpobi nọ a fihọ, gbe ahwo nọ a mai bu evaọ udevie ekobaro na. Kẹ oriruo ọrọ emamọ okpomahọ nọ eyewọ nọ e rọ ekobaro a dhesẹ. Fielo họ imuẹro nọ o gwọlọ re a ru inwene nọ i fo evaọ uzuazọ ohwo re a ruiruo ọkobaro. Tudu họ ahwo kpobi awọ re a roro gaga, avọ olẹ kpahe ẹwariẹ kiẹ riwi ọrọ irẹro rai kẹ iruo ọkobaro.
20 min: “Kọ Who bi Se Emagazini Na?” Enọ gbe iyo. Kiẹ obọdẹ ẹjiroro nọ a rẹ rọ ruẹrẹ oke họ kẹ isase omobọ ohwo riwi nọ e rọ School Guidebook, uwuhrẹ avọ 4, edhe-ẹme avọ 5-6.
Ole avọ 107 gbe olẹ ekuhọ.
Oka nọ O rọ October 19 Muhọ
Ole avọ 16
10 min: Iwhowhovia obonẹ. Iyẹrẹ epanọ igho e nya.
15 min: Ẹgwọlọ ukoko na.
20 min: Epanọ A rẹ Ruẹrẹ Oma Kpahe kẹ Uwuhrẹ Uwou-Eroro Na. Ẹmeọta ogbotu nọ owuhrẹ ọ Uwuhrẹ Uwou-Eroro Na o re ru, ro no Uwou-Eroro Na ze, ọrọ May 15, 1986 (ọrọ Oyibo), ẹwẹ-obe avọ 19-20, edhe-ẹme avọ 16-18 gbe School Guidebook, uwuhrẹ avọ 7, edhe-ẹme avọ 11, gbe uwuhrẹ avọ 18, edhe-ẹme avọ 4-6. Yare ọkpahefihọ ọrọ enọ enana: (1) Fikieme o jẹ r’oja re ma wo erere vọvọ no uzoẹme uwuhrẹ kpobi ze evaọ Uwou-Eroro Na? (2) Eme ma re ru evaọ okenọ uvitha okpokpọ u te t’omai obọ? (3) Edhere owoma jọ vẹ a rẹ rọ ruẹrẹ oma kpahe kẹ Uwuhrẹ Uwou-Eroro Na? (4) Oghẹrẹ vẹ a re muẹrohọ ikereakere nọ a fodẹ gbe uzoẹme ọ uwuhurẹ na? (5) Ẹvẹ ma sae rọ kiẹ eware nọ ma wuhrẹ na riwi? (6) Ugogo-eme vẹ u fo nọ ma roro kpahe ziezi evaọ okenọ ma te kuọ ewuhrẹ omobọ mai ọrọ uzoẹme na họ no? (7) Ẹvẹ ma rẹ ruẹrẹ uyo nọ ma rẹ kẹ? (8) Ẹvẹ a sae rọ kẹ oghẹrẹ iyo sa-sa evaọ onọ ovo? Ru re ahwo jọ a gbiku oware nọ a ru no re u fiobọhọ kẹ ae wo erere nọ ọ mae rro no Uwuhrẹ ọ Uwou-Eroro Na ze.—Je rri Organized to Accomplish Our Ministry, ẹwẹ-obe avọ 65-67.
Ole avọ 95 gbe olẹ ekuhọ.
Oka nọ O rọ October 26 Muhọ
Ole avọ 98
10 min: Iwhowhovia obonẹ. Fodẹ ebe anwae nọ ukoko na u wo nọ a sai fihọ ada evaọ usiuwoma ota nọ uvẹ na u te rovie. Nọ etoke ehọlide ọ be tha evaọ December na, onana o te jọ emamọ oke kẹ izoge nọ e họ-ame no gbe amọfa nọ a sai ro roro kpahe iruo ọkobaro ubroke.
20 min: Ẹmeoyo Ọghẹnẹ Evaọ Uviuwou nọ O Hẹriẹ Oma Evaọ Egagọ. Ẹme nọ a re ru no Uwou-Eroro Na ze, ọrọ June 1, 1995 (ọrọ Oyibo), ẹwẹ-obe avọ 26-29. Kẹ uduotahawọ gbe ohrẹ ẹwo nọ u re fiobọhọ kẹ ahwo nọ a wo ezae hayo eyae nọ e rọwo ho re a yọrọ uruemu oliọliọ je kuomagbe ukoko na jaka jaka.
15 min: Ete Obọ Iwuhrẹ na Evaọ Ẹruoke. Ẹmeọta-kugbe ọrọ iwuhrẹ ivẹ hayo esa erọ Uwuhrẹ Obe Ukoko hayo idibo iruiruo kpahe ẹbẹbẹ ọ iwuhrẹ nọ a rẹ nyaze whremu. A re vuhumu nọ iyero aghẹruẹ, kugbe eware idudhe, oso, uhie-imoto uthethe, gbe eware efa, e rẹ sae lẹliẹ ohwo nọ o je whremu. Dede na, ẹnyaze whremu o reriẹ ahwo jọ obọ no. Evaọ edhere ọliọliọ, utu ọ ahwo na a vẹ t’ẹme kpahe jẹ kẹ iriruo oware nọ o gwọlọ re a nyaze ẹruoke: (1) ovuhumuo unevaze rọkẹ uvẹ-ọghọ iwuhrẹ enya gbe emu abọ-ẹzi gbe ọnyakugbe nọ ọ rọ obei, (2) emamọ omaa nọ a rẹ kaki ru gbe ọkprẹhọ eware ohwo, (3) ọrọwokugbe unevaze evaọ udevie ahwo uviuwou, (4) ẹkake kparoma n’uwou jẹ kuvẹ kẹ eware idudhe nọ e rẹ sae via, gbe (5) edhesẹ obọdẹ ọdawẹ re ma siọ ezọgaviẹ amọfa ba ẹwhaha evaọ iwuhrẹ na. Ai kpobi a rẹ rọwo nnọ a rẹ sai furie ẹbẹbẹ ọ ẹnyaze whremu ọnana ẹkwoma omodawọ ẹsikpobi re ma wo ẹnyaharo.
Ole avọ 86 gbe olẹ ekuhọ.