Ọkiẹkpemu Isukulu Odibọgba Ọghẹnẹ
Obe ọkiẹkpemu ọrọ eme nọ a ru eva Isukulu Odibọgba Ọghẹnẹ evaọ eka ọ September 7 rite December 21, 1998. Rehọ ẹwẹ-obe ọfa kere iyo enọ na nọ whọ sae kẹ kpobi evaọ umutho oke nọ a kẹ na.
[Muẹrohọ: Evaọ etoke ọkiẹkpemu na, Ebaibol na ọvo whọ rẹ sae rri rọ kẹ iyo enọ kpobi. Ebe nọ a fodẹ nọ i lele enọ na e rọ kẹ ekiakiẹ omobọ ra. Inọmba ẹwẹ-obe gbe edhe-ẹme e sae te rehọ oma via evaọ idhesẹ Uwou-Eroro Na kpobi hi.]
Kẹ iyo enọ nọ e rọ obotọ na Uzẹme hayo Ọrue:
1. Eva 2 Timoti 1:6, “okẹ” na u dhesẹ ẹgba nọ a rẹ rọ jẹ evẹrẹ sa-sa nọ a rọ kẹ Timoti ẹkwoma iruẹru ẹzi ọfuafo Ọghẹnẹ. [Isase Ebaibol ẹkpoka; rri w85-E 5/1 ẹwẹ. 16 edhe. 15.]
2. Oleleikristi nọ ọ kpako o re ‘wuhrẹ ẹgba iroro riẹ re o hẹriẹ uwoma no uyoma’ ẹkwoma uruemu ọ efihiruo ọrọ umutho eriariẹ Ẹme Ọghẹnẹ nọ o wo. (Hib. 5:14) [Isase Ebaibol ẹkpoka; rri w85-E 6/15 ẹwẹ. 9 edhe. 7.]
3. Setan ọ rẹ rehọ ẹghẹ rọ bẹbẹ ahwo họ re a rọ edhere ọthọthọ wo emamọ isiuru t’obọ. [uw-IS ẹwẹ. 65 edhe. 9]
4. Jemis okere ọ Ebaibol na họ Jemis ọvo na nọ ọ jọ ọtota kẹ “ikọ avọ ekpako na” eva oke ọ oziẹbro kpahe oyawo. (Iruẹru 15:6, 13; Jem. 1:1) [Isase Ebaibol ẹkpoka]
5. Sheol, Hedis, gbe Gehenna aikpobi i dhesẹ uki ohwo-akpọ. [uw-IS ẹwẹ. 72 edhe. 6]
6. Ẹme na “e nọ e rọ suọ Kristi e be tha” eva 1 Jọn 2:18 na u dhesẹ ikọ-erue na ọvo. [Isase Ebaibol ẹkpoka; rri rs ẹwẹ. 32 edhe. 3.]
7. ‘Ikpahwo akpọ’ nọ a fodẹ eva Ahwo Ẹfẹsọs 6:12 na yọ isu ọ egọmeti nọ e hẹrioma no aruoriwo Ọghẹnẹ. [uw-IS ẹwẹ. 63 edhe. 4]
8. Ima ahwo buobu nọ a te kpare no iwhuowhu ze na a ti gu ai ẹdhọ wọhọ epanọ iruo nọ a ru taure a te ti whu e jọ. [uw-IS ẹwẹ. 75 edhe. 12]
9. Eviavia 13:11-15 u dhesẹ oghẹrẹ nọ Ogaga-Esuo Akpọ Britain gbe America na o ro zihe ruọ ọthuke gbe ọkẹ-uzuazọ rọkẹ Ọvọ Erẹwho gbe onọ u nwene i rie, Okugbe Erẹwho na. [Isase Ebaibol ẹkpoka; rri w88-E 12/15 ẹwẹ. 19 edhe. 3.]
10. Ame-ọhọ k’omariẹ, yọ imuẹro ọ esiwo. [uw-IS ẹwẹ. 100 edhe. 12]
Kẹ iyo enọ nọ e rọ obotọ na:
11. Eme u dhesẹ inọ ọsẹro ọ rẹ jọ “ọgba-ohọre” he? (Taitọs 1:7) [Isase Ebaibol ẹkpoka; rri w90-E 9/1 ẹwẹ. 27 edhe. 21.]
12. Nọ idibo ahwo-akpọ Jihova a te vuhumu nnọ ọ be ko evra je bi zuo idodo na avọ erru, awa vẹ u re sino ai oma? [uw-IS ẹwẹ. 87 edhe. 3]
13. Eme họ otọ ẹme Jesu na nọ ọ ta nọ, “Iwẹegọ gbe idhe whọ guọlọ erae he”? (Hib. 10:5) [Isase Ebaibol ẹkpoka; rri w96-IS 7/1 ẹwẹ. 20 edhe. 3.]
14. Ẹvẹ Ileleikristi a sai ro ‘fi akpọ na kparobọ’? (1 Jọn 5:3, 4) [Isase Ebaibol ẹkpoka]
15. Eme ẹme ọ Pita ‘esite-iroro ọrọ ẹdẹ Jihova’ o dhesẹ? (2 Pita 3:12) [Isase Ebaibol ẹkpoka; rri w97-IS 9/1 ẹwẹ. 25 edhe. 2.]
16. Eme ẹfuọ ẹzi u kugbe, kọ ẹvẹ onana u re ro fiobọhọ thọ uviuwou ohwo uke? (2 Kọr. 7:1) [fy-IS ẹwẹ. 46 edhe. 14]
17. Rọwokugbe Eviavia 1:7, ẹvẹ ahwo nọ a duwu Jesu a te rọ rue riẹ nọ ọ be ‘rehọ ẹgho mutha’? [Isase Ebaibol ẹkpoka; rri w93-E 5/1 ẹwẹ. 22 edhe. 7.]
18. Rọwokugbe Ahwo Ẹfẹsọs 5:3-5, fikieme Oleleikristi ọ orimuo ọ rẹ rọ siọ oghẹrẹ ile nọ i wo uvou awere, hayo ikporakporo urirẹ? [uw-IS ẹwẹ 67 edhe. 12]
19. Eme họ otọfa ẹme Ebaibol na eva Eviavia 20:14, nọ o ta nọ a ‘gbolo ẹri fihọ ẹtẹre erae’? [uw-IS ẹwẹ. 75 edhe. 12]
20. Eme u dhesẹ re a họ-ame evaọ odẹ Ọsẹ gbe Ọmọ gbe ẹzi ọfuafo na? [uw-IS ẹwẹ. 98 edhe. 9]
Fodẹ ẹme hayo eme nọ a gwọlọ re uhie-eme obotọ na e tẹ gb’unu:
21. Ọzae gbe aye uwou-orọo a rẹ _________________________ ohwohwo, a re woi fihọ iroro inọ oghẹrẹ nọ ohwo ọ rọ _________________________ o r’oja vi eriwo okafe. [fy-IS ẹwẹ. 26 etehe ọkiẹriwo]
22. Wọhọ epanọ o jọ kpahe Job, Setan o sikẹ nọ ekwakwa _________________________ e mae r’omai oja, omosasọ gbe evawere omobọ mai, gbe nnọ ẹjiroro ọ _________________________ ma be rọ gọ Ọghẹnẹ. [uw-IS ẹwẹ. 93 edhe. 13]
23. Rọwokugbe ẹme nọ _________________________ o dhesẹ vevẹ eva Luk 3:16, eva Pẹntikọst ọrọ 33 C.E., ilele Jesu a kake rẹro ruẹ ame-ọhọ _________________________; evaọ 70 C.E., a rehọ _________________________ họ ahwo Ju erọ ababọ-ekurẹriẹ ame. [uw-IS ẹwẹ. 96 edhe. 4]
24. Okenọ ọzae avọ aye a tẹ be t’ẹme kẹ ohwohwo, _________________________ e r’oja gaga. [fy-IS ẹwẹ. 36 edhe. 21]
25. Ame-ọhọ Jesu fihọ _________________________ u muhọ evaọ 29 C.E. rekọ u kuhọ họ bẹsenọ o ro ghine _________________________ ze no. [uw-IS ẹwẹ. 97 edhe. 6]
Salọ uyo ogbagba evaọ uhie-eme ovuovo nọ e rọ obotọ na:
26. Evaọ etoke uwou-odi ọsosuọ Pọl evaọ Rom, (Onesiforọs; Onesimọs; Onan), ọrigbo nọ ọ dhẹ no uviuwou ọ (Filip; Fẹstọs; Filimon), ọ jọ udevie ahwo nọ a kezọ kẹ usiuwoma ota riẹ. [Isase Ebaibol ẹkpoka]
27. A fotọ (Uyoyou; Adhẹẹ; Ọrara-ọghọ) wọhọ “ororokẹ amọfa, ọghọ rọ kẹ ai.” [fy-IS ẹwẹ. 30 edhe. 7]
28. Eva Luk 14:28, Jesu ọ t’ẹme kpahe (eroro kparo; igho nọ a rẹ raha kufiẹ hẹ; ẹwhaha igho-imomo). [fy-IS ẹwẹ. 40 edhe. 4]
29. Otẹrọnọ ma ruẹ uye ugboma hayo ma te ku eyero akpọ mai fiẹ, Ẹdhọ ọ rẹ gwọlọ re ma (kẹ Jihova adhẹẹ je ru Ẹdhọ fihọ ọtọrue; fo Ọghẹnẹ je dhesẹ ababọ-ẹrọwọ; thihakọ wọhọ epanọ Job o ru). [uw-IS ẹwẹ. 60 edhe. 13]
30. Eva Eviavia 11:11, “edẹ esa gbe ubro” na, nọ okiọkotọ nọ a wholo na a rọ jọ wọhọ iwhuowhu evaọ aro ọ ewegrẹ rai na, u dhesẹ (ikpe esa gbe ubro; etoke ọkpẹkpẹe; emerae esa gbe ubro). [Isase Ebaibol ẹkpoka; rri re-E ẹwẹ. 167 edhe. 21.]
Salọ ikereakere nọ i kiehọ uhie-eme obotọ na:
Itẹ 8:30; Mat. 19:13-15; Hib. 2:1; Jem. 4:15; 1 Pita 3:4
31. Re ma ruẹse whaha okpomahọ nọ ma be rẹriẹ aro ku no akpọ na ze kẹse kẹse, u fo re ‘ma yọrọ onọ ma yo’ no Ẹme Ọghẹnẹ ze na whawha ẹkwoma emamọ uruemu ọ ewuhrẹ gbe emamọ omaa ọ isase Ebaibol. [Isase Ebaibol ẹkpoka; rri w98-IS 1/1 ẹwẹ. 15 edhe. 9.]
32. Oke kpobi nọ ma be m’omaa kẹ obaro, u fo re ma roro epanọ e rọwokugbe ẹjiroro Ọghẹnẹ te. [Isase Ebaibol ẹkpoka; rri w97-IS 12/1 ẹwẹ. 17 edhe. 10-11.]
33. “Omaurokpotọ avọ ẹzi udhedhẹ” orọ aye gbe oni ọ Oleleikristi na orọnikọ ọzae riẹ ọvo o rẹ were he rekọ mai w’uzou na o rẹ were Ọghẹnẹ. [Isase Ebaibol ẹkpoka; rri w89-E 5/15 ẹwẹ. 19 edhe. 12.]
34. Nya lele oriruo Jihova, emamọ ọsẹ ọ rẹ daoma wo usu oruọruọ, uyoyou kugbe ọmọ riẹ no emuhọ uzuazọ ọmọ na ze.[fy-IS ẹwẹ. 54 edhe. 7]
35. Nọ Jesu o dhesẹ ọriẹwẹ evaọ ẹghale emaha ha na, a re rri emaha emezae kpehru vi emaha emetẹ hẹ. [fy-IS ẹwẹ. 52 edhe. 4]