Iwhowhovia

◼ Ebe nọ a ti fihọ ada evaọ December gbe January: Efihọ-ada obọdẹ ọrọ ekru ebe ivẹ evaọ ₦40 gbe ekru ebe ene evaọ ₦80 nọ a re vi no uwou-ogha ze wọhọ epanọ o rọ ileta mai ọrọ March 23, 1998. Ofariẹ, a rẹ sai fi obe ẹwẹ-obe 192 evaọ ẹvẹrẹ kpobi nọ ukoko na u wo họ ada evaọ azọhọ obọdẹ ₦20, ajokpa ọ Eriariẹ Nọ I Re Su Kpohọ Uzuazọ Ebẹdẹ Bẹdẹ, Edidi Evawere Uviuwou, Okugbe Evaọ Egagọ Ọghẹnẹ Uzẹme Ọvo Na, Theocratic Ministry School Guidebook, gbe Organized to Accomplish Our Ministry. Wọhọ epanọ o rọ ileta mai na, wha rẹ sae yare ugho nọ a re si no. February: Edidi Evawere Uviuwou. Enọ a sai ro nwene iei họ: Obe ọ ẹwẹ-obe 192 anwae kpobi nọ wha wo. March: Eriariẹ Nọ I Re Su Kpohọ Uzuazọ Ebẹdẹ Bẹdẹ. Enọ a sai ro nwene ei họ: Obe ẹwẹ-obe 192 kpobi evaọ unuigho rai na. Ma te daoma re ma mu ebe uwuhrẹ Ebaibol họ.

◼ Ọsẹro ukoko na hayo omọfa nọ o vi ọ rẹ kiẹ igho ukoko na riwi evaọ December 1 hayo oke ofa nọ o kẹle riẹ. Nọ a te ru onana no, whowho kẹ ukoko na nọ a te se iyẹrẹ epanọ igho e nya n’otha no.

◼ Enẹna ma kuvẹ re a vi obe-edadẹ rọkẹ ekasẹte ọ ividio (PAL) evaọ ẹvẹrẹ Obọ rọ t’Ẹme Amerika nọ uzoẹme riẹ o ta nọ Suile Ujiro Kẹ Jihova, Uko 1. Ikoko nọ e gwọlọ onana a sai vi ẹkwoma ọ Literature Order Form (S-14) na. Iviena muẹrohọ nnọ onana yọ obọdẹ ayare. Unuigho riẹ họ ₦800 rọkẹ iwhowho-uvie gbe ₦640 rọkẹ ekobaro.