Iwuhrẹ Odibọgba Ọrọ December
Oka nọ O rọ December 7 Muhọ
Ole avọ 186
10 min: Iwhowhovia obonẹ. Salọ iwhowhovia no Odibọgba Uvie Mai ze.
15 min: “Ma re Zihe Kẹse Kẹse Hrọ.” Enọ gbe iyo. Kpahe kpẹkpẹ fihọ Izikiẹl 3:17-19, fiẹgba họ owha-iruo mai re ma gbe whowho ovuẹ unuovẹvẹ na.
20 min: “ ‘Whọ Se Ae’ ba Ẹvuẹ Hẹ.” Oniọvo jọ ọ rẹ ta ẹme kugbe iwhowho-uvie ivẹ hayo esa nọ i te ziezi. Ru odhesẹvia epanọ a sai ro ru obe ufihọ ada evaọ December na.
Ole avọ 192 gbe olẹ ekuhọ.
Oka nọ O rọ December 14 Muhọ
Ole avọ 206
10 min: Iwhowhovia obonẹ. Zọhọ iroro jọ kpahe epanọ a rẹ rọ rehọ areghẹ za uyo kẹ uyere ehọlide akpọ. Otẹrọnọ ukoko na u wo ebe ọ Greatest Man hayo Great Teacher na, dhesẹ epanọ a sae rọ rehọ ai ruiruo nọ e jẹ kẹ erere evaọ usiuwoma ota evaọ etoke ehọlide Kresimesi na. Fodẹ ọruẹrẹfihọ obọdẹ usiuwoma ota rọkẹ December 25 gbe January 1.
15 min: “Esẹro nọ E be k’Obaro—Owuhrẹ ọ Uwuhrẹ Uwou-Eroro Na.” Ẹme nọ owuhrẹ ọ Uwuhrẹ Uwou-Eroro Na ọ rẹ ta. O re dhesẹ ewha-iruo riẹ gbe epanọ ahwo nọ a rọ ewuhrẹ na kpobi a sai ro fiobọhọ ru uwuhrẹ na jọ jajaja, dhesẹ eme erere, jẹ kẹ ọbọga abọ-ẹzi.—Rri Our Ministry, ẹwẹ-obe avọ 67.
20 min: “A rẹ Sae Ruẹ nnọ Ma Wo Ohẹriẹ.” Enọ gbe iyo. Kiẹ oware ovuovo nọ u ru omai rọ oghẹrẹsa riwi. Fodẹ epanọ a sae rọ rehọ evuẹ enana kpọ ohwo nọ o wo isiuru ziọ ukoko na je dhesẹ epanọ uzẹme na o rẹ rọ mọ ibi Oleleikristi evaọ oma ahwo nọ a bi yeri uzuazọ rai lele ei.
Ole avọ 146 gbe olẹ ekuhọ.
Oka nọ O rọ December 21 Muhọ
Ole avọ 163
10 min: Iwhowhovia obonẹ. Iyẹrẹ epanọ igho e nya. Otẹrọnọ ukoko rai u ti nwene oke iwuhrẹ evaọ ukpe okpokpọ na, wha ta udu họ ahwo kpobi awọ wowolẹ re a hai kpohọ iwuhrẹ ukoko na ẹsikpobi evaọ oke okpokpọ na. Kareghẹhọ iwhowho-uvie na re a vuẹ emọ-uwuhrẹ Ebaibol rai gbe amọfa nọ a wo isiuru kpahe enwene na. Tudu họ iwhowho-uvie na kpobi awọ re a sẹro Odibọgba Uvie Mai nọ a kẹ rai, maero kọ uko obeva na. Ẹsejọhọ ma te hae t’ẹme fodẹ ae evaọ obaro.
10 min: Kiẹ “Omaa Okpokpọ orọ Okokohọ Okogho” riwi.
25 min: “Ma Gwọlọ—Iwuhrẹ Ebaibol Efa.” Ẹme gbe iroro ejẹ ogbotu nọ ọsẹro iruo usiuwoma ota o re ru. Kiẹ iyẹrẹ ọ iwuhrẹ Ebaibol ukoko na riwi. Kẹ ujiro evaọ abọ nọ ukoko na o jọ riẹ ru. Fodẹ oware ofa nọ a rẹ gbẹ sai ru evaọ emuhọ gbe eruo iwuhrẹ Ebaibol, kugbe iwuhrẹ uviuwou. Kẹ odhesẹvia ọ edhe-ẹme avọ 5 ẹkwoma ẹkiẹriwi ọyewọ nọ o bi ru uwuhrẹ uviuwou ziezi. Se edhe-ẹme avọ 8, je fielo họ ẹjiroro eree nọ a fodẹ na. Ru edhe-ẹme avọ 13 vevẹ ẹkwoma ezizie owhowho-uvie nọ o bi ru ebe iwuhrẹ ziezi re o gbiku epanọ o rọ lọhọ re o wuhrẹ uzoẹme reno ababọ okioraha. Ku obọdẹ ikuigbe eware nọ e via kugbe ei nọ i dhesẹ epanọ a ro wo emamọ iyẹrẹ no evaọ obonẹ.
Ole avọ 109 gbe olẹ ekuhọ.
Oka nọ O rọ December 28 Muhọ
Ole avọ 178
10 min: Iwhowhovia obonẹ. Kareghẹhọ ahwo kpobi re a n’iyẹrẹ usiuwoma ota ọ December. Dhesẹ ekru ebe nọ wha wo kẹ ebe-ifihada ọ January. Tudu họ iwhowho-uvie awọ re a dẹ ejọ nọ a re fihọ ada evaọ urere oka onana.
20 min: Ẹgwọlọ ukoko na.
15 min: “Wo Erere no Omaa Isukulu Odibọgba Ọghẹnẹ ọrọ 1999 na Ze.” Ẹme nọ ọsẹro Isukulu Odibọgba Ọghẹnẹ na o re ru. Ru re iwhowho-uvie jọ e ta kpahe irere nọ a wo no ẹnya lele ọ Ofiba Oma Isase Ebaibol” k’oka k’oka na ze. Tudu họ ahwo kpobi awọ re a se Ẹme Ọghẹnẹ kẹdẹ kẹdẹ.
Ole avọ 91 gbe olẹ ekuhọ.