Iwuhrẹ Odibọgba Ọrọ February
Oka nọ O rọ February 1 Muhọ
Ole avọ 154
10 min: Iwhowhovia obonẹ. Salọ Iwhowhovia no Odibọgba Uvie Mai ze. Kareghẹhọ ahwo kpobi re a n’iyẹrẹ usiuwoma ota ọ January.
17 min: “Fi Obe ọ Evawere Uviuwou na họ Ada kẹ Ahwo Unuikpe Kpobi.” Ọkpako ọ rẹ t’ẹme na kugbe iwhowho-uvie ivẹ hayo esa nọ i te ziezi. Tẹrovi ute ọ obufihọ kẹ amọfa re a vuhumu nọ edidi evawere uviuwou o roma hwa ithubro Ebaibol nọ a re lele. (Rri Evawere Uviuwou, ẹwẹ-obe avọ 9-12.) Ru odhesẹvia ọvo jọ evaọ enọ a jiroro rai na. Dhesẹ epanọ a rẹ rọ dabe ruẹrẹ oma kpahe kẹ ozihebro.
18 min: “Whẹ Uruemu Okpokpọ na Họ.” Ẹmeọta, nọ o re dhesẹ Ahwo Ẹfẹsọs 4:20-24 vevẹ. (Rri Uwou-Eroro Na ọrọ March 1, 1993 (ọrọ Oyibo), ẹwẹ-obe avọ 14-18, edhe-ẹme avọ 4-17.) Dhesẹ epanọ ma sae rọ ba uruemu anwae na no je fi uruemu okpokpọ na h’oma. T’ẹme kpahe ekwakwa jọ nọ ahwo nọ a le onana t’obọ no a re dhesẹ.
Ole avọ 4 gbe olẹ ekuhọ.
Oka nọ O rọ February 8 Muhọ
Ole avọ 12
10 min: Iwhowhovia obonẹ.
15 min: Ẹgwọlọ ukoko na.
20 min: “Ma Wo Erere no Ikokohọ ‘Edhere Uzuazọ Ọghẹnẹ’ na Ze.” Enọ gbe iyo. Dhesẹ obe gbe ibroshọ ekpokpọ na kẹ ogbotu na, jẹ riobọ họ idhere nọ ma sae rọ rehọ ae ru emamọ iruo.
Ole avọ 42 gbe olẹ ekuhọ.
Oka nọ O rọ February 15 Muhọ
Ole avọ 40
10 min: Iwhowhovia obonẹ. Iyẹrẹ epanọ igho e nya. Usi Iruo Uvie.
18 min: Ẹvẹ Odẹ-Ufihotọ Evaọ Isukulu Odibọgba Ọghẹnẹ na O rẹ rọ k’Omai Erere? Ẹmeọta ogbotu nọ ọsẹro isukulu na o re ru. Orọnikọ ewuhrẹ epanọ a rẹ rọ t’ẹme evaọ ogbotu ọvo họ ẹjiroro ọ isukulu na ha. Idhere efa e riẹ nọ o rọ k’omai erere dẹ. (Rri School Guidebook, ẹwẹ-obe avọ 12-13.) Ma re wuhrẹ epanọ ma rẹ rọ t’ẹme kugbe amọfa ziezi. A bi wuhrẹ omai re ma t’ẹme vevẹ, dhomamu, avọ udu. Ona nọ ma rẹ rọ k’iyo ọ enọ kpahe ẹrọwọ mai gbe eruvẹ iroro mai u re woma viere. Eriariẹ mai kpahe Ebaibol na i re vihọ, nọ u bi fiobọhọ k’omai se-isẹri obọdẹ kẹ amọfa. Ma bi wuhrẹ epanọ ma rẹ rọ rọwo ethobọ mai jẹ jẹ ehrẹ rehọ, nọ o be lẹliẹ omai yeri kugbe amọfa avọ udhedhẹ. Uwuhrẹ nọ isukulu na o be k’omai na kpobi u re fiobọhọ k’omai re ma gbe “te” wọhọ egbodibo Ọghẹnẹ.—2 Kọr. 3:5, 6.
17 min: “Epanọ Ahwo Uviuwou A rẹ rọ Rọwokugbe re A w’Abọ Vọvọ—Evaọ Uwuhrẹ Ebaibol.” Ẹmeọta ọ utu-uviuwou. A re dhesẹ epanọ a bi fi ọ iroro-ejẹ kpahe isase gbe uwuhrẹ Ebaibol uviuwou h’iruo enọ e rrọ Uwou-Eroro Na ọrọ June 1, 1996, ẹwẹ-obe avọ 12-13, gbe Uwou-Eroro Na ọrọ October 15, 1992 (ọrọ Oyibo), ẹwẹ-obe avọ 16-17.
Ole avọ 57 gbe olẹ ekuhọ.
Oka nọ O rọ February 22 Muhọ
Ole avọ 170
10 min: Iwhowhovia obonẹ.
15 min: “ ‘Jọ Ma Kpo Obọ Uwou Jihova.’ ” Ẹme uduotahawọ nọ ọkpako ọ rẹ ta.
20 min: Epanọ A rẹ rọ Ruẹ Oghọghọ Evaọ Eruo Ilele. Ẹme nọ ọ rrọ Uwou-Eroro Na ọrọ February 15, 1996 (ọrọ Oyibo), ẹwẹ-obe avọ 19-22.
Ole avọ 91 gbe olẹ ekuhọ.