Iwuhrẹ Odibọgba Ọrọ May
Oka nọ O rọ May 3 Muhọ
8 min: Iwhowhovia obonẹ. Salọ Iwhowhovia no Odibọgba Uvie Mai ze. Usi Iruo Uvie.
17 min: “Wuhrẹ Amọfa re A Wo Erere k’Oma Rai.” Ru emuhọ ẹme ra kpẹre vi uminiti ovo, re who ru enọ gbe iyo lele iei. Ẹkwoma ọ uzou avọ 13 orọ obe ọ Eriariẹ na, dhesẹ oriruo ọ epanọ ahwo a re ro wo erere evaọ edhere nọ o w’iruo ro no ewuhrẹ, otoriẹ, gbe efihiruo ọ ehri-izi Ebaibol ze.
20 min: “Idhere nọ Whọ Sai ro Ru Odibọgba Ra Kẹre.” Ekpako ivẹ e rẹ t’ẹme no uzoẹme na ze evaọ uyo kẹ enọ nọ ahwo sa-sa a nọ evaọ ogbotu na. Owhowho-uvie uzoge, imava-orọo, gbe oniọvo nọ ọ kpako te ikpe ọ eriosehọ-n’iruo no a rẹ nọ kpahe idhere nọ a sai ro ru odibọgba rai kẹre. A vẹ jẹ iroro nọ i re fiobọhọ ro no uzoẹme na ze gbe uzou avọ 9 orọ obe ọ Our Ministry na, be tẹro vi “Eme họ Itee Abọ-Ẹzi Ra kẹ Obaro?,” ẹwẹ-obe avọ 116-118. Iwhowho-uvie na a re dhesẹ ovuhumuo kẹ ovuẹ obufihọ nọ Society ọ kẹ na nọ i dhesẹ epanọ a rẹ rọ m’omaa kẹ iruo ilogbo evaọ obaro.
Ole avọ 11 gbe olẹ ekuhọ.
Oka nọ O rọ May 10 Muhọ
Ole avọ 15
10 min: Iwhowhovia obonẹ.
15 min: “Kọ Uji O Ghinẹ Rrọ?” Ẹmeọta evaọ Uwou-Eroro Na ọrọ April 15, 1994 (ọrọ Oyibo), ẹwẹ-obe avọ 19-21. Fiẹgba họ eme efa nọ Webster’s New Dictionary of Synonyms o ro dhesẹ ẹrehọ gbe ẹtọlọ oware omọfa ababọ ọjọriẹ riẹ hayo ẹrọwokẹ riẹ. Fodẹ nnọ ‘oware omọfa nọ a rẹ rehọ ababọ ọjọriẹ riẹ hayo ẹrọwokẹ riẹ’ yọ uzi-othọ nọ a re ro si ohwo no ukoko.
20 min: “Okokohọ Ubrotọ ‘Ẹme Eruẹaruẹ Ọghẹnẹ’ ọ Isẹri Jihova ọrọ 1999.” (Edhe-ẹme 1-11) Okere-obe na ọ rẹ t’ẹme na. Enọ gbe iyo. Se edhe-ẹme avọ 4, 5 gbe 7. Fiẹgba họ oware nọ o soriẹ nọ u je fo re ma kpohọ okokohọ na kpobi, te abọ Edisoi-Oka na. Fiẹgba họ epanọ u w’uzou te re a nya lele ọkpọvio Society evaọ ẹme ọ iwou nọ a re wohọ. Jiri inievo na fiki ẹmeoyo rai rọ kẹ ọruẹrẹfihotọ Society.
Ole avọ 19 gbe olẹ ekuhọ.
Oka nọ O rọ May 17 Muhọ
Ole avọ 27
10 min: Iwhowhovia obonẹ. Iyẹrẹ epanọ igho e nya.
15 min: “M’omaa Kẹ Obaro!” Ẹme ọkiẹriwi ọ iruo uvie kpobi nọ a m’omaa rai fihọ kẹ emerae nọ e be tha na evaọ obonẹ. Tudu họ ahwo kpobi awọ re a kpoka họ edẹ na evaọ ukeledẹ rai re eware efa e se ae ba ẹwhaha.
20 min: “Okokohọ Ubrotọ ‘Ẹme Eruẹaruẹ Ọghẹnẹ’ ọ Isẹri Jihova ọrọ 1999.” (Edhe-ẹme avọ 12-19) Enọ gbe iyo. Se edhe-ẹme avọ 16-18. Rehọ ikereakere nọ a fodẹ je kere via na ro fiẹgba họ oware nọ o soriẹ nọ ẹgọ, osẹ, gbe uruemu e jẹ rọ eware nọ ma re muẹrohọ gaga.
Ole avọ 29 gbe olẹ ekuhọ.
Oka nọ O rọ May 24 Muhọ
Ole avọ 41
10 min: Iwhowhovia obonẹ. Whowho ọruẹrẹfihotọ kẹ usiuwoma ota ọ urere-oka na.
15 min: Ẹkpẹti Onọ. Ẹme nọ ọkpako ukoko ọ rẹ ta.
20 min: Kọ Ma bi w’Obọ Evaọ Iruo Ẹhẹriẹ Na? Ẹme ọjaja nọ ọsẹro iruo usiuwoma ota ọ rẹ ta, evaọ Uwou-Eroro Na ọrọ July 1, 1997 (ọrọ Oyibo), ẹwẹ-obe avọ 30-31.
Ole avọ 32 gbe olẹ ekuhọ.
Oka nọ O rọ May 31 Muhọ
Ole avọ 43
15 min: Iwhowhovia obonẹ. Kareghẹhọ ahwo kpobi re a n’iyẹrẹ usiuwoma ota ọ May. Kiẹ ebe nọ a ti fihọ ada evaọ June. Ru odhesẹvia ọrọ oriruo epanọ a re ru ei.
15 min: Ẹgwọlọ ukoko na.
15 min: Eme Ọ Thọ Evaọ Egagọ Mẹ? Ẹmeọta-kugbe ọrọ idibo iruiruo ivẹ. Ma rẹ nyaku ahwo buobu nọ a wo emamọ eva kpahe uzẹme na je wo isiuru kpahe Isẹri Jihova. Rekọ, usu nọ a wo kugbe ichọche rai u bi kru rai kpemu. O rẹ bẹbẹ kẹ ae re a rọwo nnọ egagọ mai ọvo họ ọrọ uzẹme na gbe nnọ oghẹrẹ egagọ rai yọ orọ ọrue. Onana o tẹ rrọ awhaha ologbo kẹ ẹnyaharo abọ-ẹzi rai. Inievo na e rẹ kiẹ eware ezeza nọ a fodẹ evaọ ẹwẹ-obe avọ 204 ọrọ obe ọ Reasoning na riwi, onọ u dhesẹ vevẹ nnọ egagọ efa i bi lele Ebaibol na ha. Tudu họ ogbotu na awọ re a rehọ owọ-eme enana ruiruo evaọ edhere areghẹ ro fiobọhọ kẹ ahwo oruọzewọ re a kiẹ ẹrọwọ egagọ rai riwi.
Ole avọ 50 gbe olẹ ekuhọ.