Iwuhrẹ Odibọgba Ọrọ June
Oka nọ O rọ June 7 Muhọ
Ole avọ 45
10 min: Iwhowhovia obonẹ. Salọ Iwhowhovia no Odibọgba Uvie Mai ze. Ta kpahe “Fiobọhọ k’Amọfa re A wo Erere no Ibroshọ Eme Ọ rẹ Via k’Omai Okenọ Ma te Whu? na Ze.”
15 min: “Jihova O Bi Wuhrẹ Omai.” Ru ẹme emuhọ ra kpẹre vi uminiti ovo, re who ru enọ gbe iyo lele iei. Zizie ogbotu na re a fodẹ irere jọ nọ a wo no Isukulu Odibọgba Ọghẹnẹ, Isukulu Iruo Ọkobaro, Isukulu Odibọgba Uvie, gbe efa ze no. Fiẹgba họ epanọ enana i ro fiobọhọ kẹ ahwo Jihova ru odibọgba rai woma viere no.
20 min: “Rehọ Oke Ra Ruiruo Ziezi.” Ẹmeọta-kugbe ọ owuhrẹ Uwuhrẹ Obe Ukoko avọ owhowho-uvie ọvo hayo ivẹ nọ i re gbiku epanọ a be raha oke rai re a w’obọ vọvọ ziezi evaọ usiuwoma ota na. A re dhesẹ epanọ omaa nọ u re ruiruo u wuzou te je fiẹgba họ ẹgwọlọ nọ a re ro wo omaa jọ. A rẹ ta oghẹrẹ nọ a rọ whaha eware okioraha wọhọ seba emuhọ evaọ ẹruoke, omaa uwhrewhrehe, hayo oke oraha vrẹta kugbe amọfa evaọ etoke usiuwoma ota na. Wo iyero obonẹ fiho iroro, re whọ jẹ uvi iroro jọ kpahe oghẹrẹ nọ a rẹ rọ rehọ oke ruiruo ziezi.
Ole avọ 48 gbe olẹ ekuhọ.
Oka nọ O rọ June 14 Muhọ
Ole avọ 63
10 min: Iwhowhovia obonẹ. Usi Iruo Uvie. Otẹrọnọ ukoko na u wo ebe ọ Young People Ask na hayo Youth, dhesẹ epanọ a sae rọ rehọ ae ruiruo ziezi evaọ odibọgba na evaọ etoke ehọlide ọ isukulu na, okenọ o wọhọ nọ ma rẹ mai ro diọ izoge họ uwou na.
15 min: Ẹgwọlọ ukoko na.
20 min: “Kọ Whọ Sai Fiobọhọ?” Ẹmeọta ogbotu nọ ọkpako ukoko o re ru. Kuọ iroro-ejẹ kpahe obufihọ kẹ eyewọ omọvo nọ a kẹ fihọ Awake! ọ October 8, 1995, ẹwẹ-obe avọ 8-9, na kugbei. Zizie otujọ re a dhesẹ ovuhumuo rai kẹ uketha uyoyou nọ amọfa a kẹ rai no evaọ ukoko na.
Ole avọ 53 gbe olẹ ekuhọ.
Oka nọ O rọ June 21 Muhọ
Ole avọ 72
10 min: Iwhowhovia obonẹ. Iyẹrẹ epanọ igho e nya.
17 min: Rehọ Ividio gbe Ekasẹte Edrama ro ru Emamọ Iruo. Kọ a sae rehọ ividio 10 gbe ekasẹte unu erọ edrama 11 nọ Society o kporo no na ruiruo woma viere? Kọ whẹ avọ uviuwou ra wha rri hayo gaviezọ kẹ ai kpobi no? Kiẹ edẹ ọ ejọ riwi, re whọ fodẹ oghẹrẹ nọ i re ro fi ẹnyaharo họ isase Ebaibol mai, bọ abọ-ẹzi mai ga, je se emamọ isẹri kẹ uzẹme na. Ta kẹ ogbotu na re a fodẹ ividio hayo edrama unu nọ e mai ruiruo no evaọ uduotahawọ uviuwou rai hayo evaọ ahwo ọkpokpọ nọ a rẹ kpọ ziọ ukoko na. Gbiku jọ nọ i dhesẹ emamọ iyẹrẹ. (Rri 1999 Yearbook na, ẹwẹ-obe avọ 51-52.) Tuduhọ ahwo kpobi awọ re a rehọ ividio gbe edrama unu na ro ruiruo ziezi.
18 min: “Kọ Obọ Afe-Oma Ọvo Whọ rẹ Ruẹ?” Ẹme gbe iroro ejẹ ogbotu. Fiẹgba họ oware nọ ma gbẹ rọ rehọ okpakpa wo eriwo jọ kpahe ahwo nọ ma nyaku hu. Ta kpẹkpẹe kpahe oware nọ Jihova o wuhrẹ Jona, ọnọ o riwi ahwo nọ ọ nyaku inọ a te he. (Rri Uwou-Eroro Na ọrọ September 1, 1997, ẹwẹ-obe avọ 13, edhe-ẹme avọ 17-19.) Zizie ogbotu na re a ta kpahe oghẹrẹ ahwo sa-sa nọ a nyaku no evaọ ẹkwotọ na, re a ta epanọ a rọ yọrọ eriwo ọliọliọ kpahe ae jẹ se ẹdhoguo ba kẹ Jihova.
Ole avọ 77 gbe olẹ ekuhọ.
Oka nọ O rọ June 28 Muhọ
Ole avọ 85
12 min: Iwhowhovia obonẹ. Kareghẹhọ ahwo kpobi re a n’iyẹrẹ usiuwoma ota ọ June. Kiẹ ebe nọ a ti fihọ ada evaọ July. Dhesẹ ebe efihọ-ada obọdẹ nọ a ti ro ruiruo evaọ obonẹ na, jẹ jiroro ọ oware ovo hayo ivẹ jọ nọ ma rẹ sae fodẹ evaọ usiuwoma ota mai. Kuọ odhesẹvia jọ nọ a ruẹrẹ ziezi kugbe ei.
13 min: Fikieme Jihova Ọ jẹ Kuvẹ re A Kpokpo Ahwo Riẹ? Ẹme nọ ọkpako ukoko o re ru, ro no Jehovah’s Witnesses—Proclaimers of God’s Kingdom ze, ẹwẹ-obe avọ 676-677. Wọhọ epanọ Jesu ọ ruẹaro, ‘erẹwho kpobi a mukpahe’ omai. (Mat. 24:9) Ma sae rẹriẹ ovao ku ọwọsuọ evaọ okenọ ma te bi w’obọ evaọ odibọgba na, udevie imoni ọ obọ akpọ, hayo bi yeri kugbe ahwo nọ a rọ Isẹri hi evaọ oria iruo hayo obọ isukulu. Evaọ edhere abọ ewoma, ọnọ ọ be t’ẹme na o re dhesẹ oware nọ o soriẹ nọ Jihova ọ jẹ kuvẹ oghẹrẹ ukpokpoma hayo ọwọsuọ otiọye na gbe epanọ ithihakọ mai o rẹ rọ wha eghale ze evaọ ukuhọ riẹ.
20 min: Kpohọ Obonọ Ahwo na A Rrọ! Ẹme nọ a rẹ ta no 1997 Yearbook ze, ẹwẹ-obe avọ 42-48. Nọ u fo re ma ruabọhọ isẹri-ise ọ n’uwou ruọ uwou kẹse kẹse na, ma rẹ gwọlọ uvẹ ọ isẹri-ise ọnyakuo gaga—evaọ oke kpobi, gbe oria-kpobi. Gbiku eware nọ e via ro no Yearbook na ze nọ i dhesẹ epanọ amọfa a ro ru ere avọ obokparọ no evaọ okenọ a ruọ omoto, jẹ nya owotọ evaọ iyẹrẹ hayo unueri, bikẹle imoto nọ e kpahe, kpohọ eria nọ imoto i je fi ahwo h’otọ, gbe ẹkwoma ileta ikere. Nọ oke o tẹ riẹ, zizie ogbotu na re a gbiku eware jọ nọ ae ọvo a rọ ẹro ruẹ. Tuduhọ ahwo kpobi awọ re a rehọ uvẹ kpobi se-isẹri evaọ oria kpobi nọ ahwo na a rrọ.
Ole avọ 75 gbe olẹ ekuhọ.