Iwuhrẹ Odibọgba Ọrọ July
Oka nọ O rọ July 5 Muhọ
10 min: Iwhowhovia obonẹ. Salọ Iwhowhovia no Odibọgba Uvie Mai ze. T’ẹme kpahe iyẹrẹ usiuwoma ota ọ April ọrọ orẹwho na gbe ọrọ ukoko obonẹ. Usi Iruo Uvie.
20 min: “Lẹ kẹ Obufihọ Jihova.” Ru ẹme emuhọ ra kpẹre vi uminiti ovo, re who ru enọ gbe iyo lele iei. Dhesẹ epanọ elẹ oruọzewọ oghẹrẹ sa-sa i re ro w’abọ ologbo evaọ odibọgba nọ o re wo obokparọ. Zizie ogbotu na re a gbiku eware nọ i dhesẹ epanọ elẹ ẹruoke i ro fiobọhọ kẹ ai no evaọ odibọgba rai.—Rri Uwou-Eroro Na ọrọ October 15, 1996 (ọrọ Oyibo), ẹwẹ-obe avọ 32.
15 min: Rehọ Efihọ Ada Obọdẹ Ruiruo Ziezi. Ẹmeọta gbe odhesẹvia. Dhesẹ oware nọ osoriẹ nọ ebe na e jẹ rrọ ekwakwa eghaghae evaọ odibọgba mai. E rẹ t’ẹme ziezi kpahe izoẹme nọ i re si ahwo buobu urru, je dhesẹ iwuhrẹ Ikereakere na lọlọhọ. Dhesẹ enọ e rrọ ukoko rai. Ru idhesẹvia ivẹ hayo esa erọ ẹmeọta ọkpẹkpẹe ro no iroro-ejẹ nọ e rrọ otọ uzoẹme na “Presentations” ze evaọ Watch Tower Publications Index.
Ole avọ 181 gbe olẹ ekuhọ.
Oka nọ O rọ July 12 Muhọ
Ole avọ 103
10 min: Iwhowhovia obonẹ.
15 min: “Oma Okake Ruẹrẹhọ O rẹ Wha Oghọghọ Ze.” Ẹmeọta gbe ọkiẹriwo. Dhesẹ oware nọ omaruẹrẹhọ o jẹ r’oja evaọ iruo usiuwoma ota gbe epanọ u re ro fiobọhọ k’omai ruẹ oghọghọ nọ o mae rro evaọ oware nọ ma bi ru. (Rri School Guidebook, ẹwẹ-obe avọ 39, edhe-ẹme 1-3.) Kiẹ iwhowho-uvie ivẹ hayo esa nọ i te ziezi riwi re a ta kpahe epanọ a rẹ rọ ruẹrẹ oma họ taure a te ti kpohọ usiuwoma ota gbe epanọ oyena u ro fiobọhọ kẹ ai no. Gbiku eware nọ e via nọ e rrọ Uwou-Eroro Na ọrọ April 15, 1993 (ọrọ Oyibo), ẹwẹ-obe avọ 30, nọ i bi dhesẹ eroruiruo obọdẹ ọrọ obe Reasoning na evaọ omaruẹrẹhọ kẹ odibọgba na.
20 min: “Joma Duobọ họ Ugogo Ẹme Na!” Onọ ogbotu na ọ rẹ kpahe fihọ gbe odhesẹvia. Kiẹ iroro-ejẹ ọvuọvo riwi kpahe ẹme nọ a rẹ ta nọ o rẹ lẹliẹ ohwo nọ o wo uwou na gaviezọ. Ru re iwhowho-uvie nọ i wo ona a ru idhesẹvia ọ ẹme-emuhọ sa-sa nọ i re ruiruo. Zizie ogbotu na re a kẹ iroro-ejẹ efa je gbiku eware nọ e via nọ i dhesẹ enọ i re ghine ruiruo evaọ obonẹ.
Ole avọ 183 gbe olẹ ekuhọ.
Oka nọ O rọ July 19 Muhọ
Ole avọ 31
10 min: Iwhowhovia obonẹ. Iyẹrẹ epanọ igho enya.
15 min: Ewuhrẹ Emọ Evaọ Usiuwoma Ota. Ẹmeọta nọ ọkpako ukoko o re ru. No oke emaha ze, u fo re emọ mai a kuomagbe omai ruiruo evaọ usiuwoma ota na. Ewuhrẹ gbe eware nọ a ruẹ e rẹ lẹliẹ ẹrọwọ gbe ọwhọ rai jọ gaga evaọ obaro. O r’oja re a wo ovuhumuo ọrọ ẹgwọlọ nọ a re ro se odibọgba na gboja jẹ sẹro oma rai ziezi. Emọ e rẹ whaha uruemu edo oruo; usiuwoma yọ oke aroza ha. O rẹ mai woma kẹ ae re a lele enọ e kpako no ruiruo. U fo re a fiobọhọ kẹ ai w’obọ evaọ usiuwoma ota na wọhọ epanọ ẹgba rai o te. O rrọ owha-iruo esẹ gbe ini re a rẹrote ai; u fo re a daoma kaki ru ọruẹrẹfihotọ ọrọ ohwo nọ a rẹ gbẹ nyusu. Jiri emọ evaọ okenọ a tẹ riẹ ru. Ru re ọsẹ o ru odhesẹvia epanọ ọ rẹ rọ ruẹrẹ emọ riẹ họ kẹ usiuwoma ota.
20 min: Kọ Me re Du Ruọ Egagọ Jọ? Ẹmeọta ogbotu ro no obe ọ Reasoning na ze, ẹwẹ-obe avọ 280-284. Ẹsibuobu ma rẹ nyaku ahwo nọ a rẹ jẹ ovuẹ Uvie na rehọ rekiyọ a wo omukpahe kẹ “ẹruọ” ukoko egagọ jọ. T’ẹme kpahe otofa “ukoko” gbe ekwakwa ihrẹ nọ a re ro vuhu ukoko Jihova nọ a rẹ rẹro ruẹ. Ru oware nọ u je wo ohẹriẹ no efa vevẹ gbe oghẹrẹ nọ usu onya kugbe ei o rẹ rọ wha uvi eghale ze.
Ole avọ 189 gbe olẹ ekuhọ.
Oka nọ O rọ July 26 Muhọ
Ole avọ 184
15 min: Iwhowhovia obonẹ. Kareghẹhọ ahwo kpobi re a n’iyẹrẹ usiuwoma ota ọ July. T’ẹme ọ “Kọ Whọ te Jariẹ?”
10 min: Ẹkpẹti Onọ.
20 min: Kọ Ma Bi Ru Ilele? Ọsẹro usiuwoma ota ọ rẹ rọ eme ọ Uwou-Eroro Na ọrọ February 15, 1996 (ọrọ Oyibo), ẹwẹ-obe avọ 19-22 rọ t’ẹme kugbe odibo oruiruo ọvo hayo ivẹ. Fiẹgba họ ẹjiroro Ikereakere nọ o soriẹ nọ ma jẹ gwọlọ enọ i wo isiuru evaọ ẹkwotọ mai je ru ai fihọ ilele. (Mat. 10:11) Enana yọ enọ i bi dimẹ fiki iyero imuomu gbe erọ ababọ omorọkẹ Ọghẹnẹ nọ a be ruẹ nọ e wariẹ e rai họ gbe enọ i wo isiuru re a gwọlọ Jihova taure ẹdẹ ofu riẹ ọ tẹ roma via. (Izik. 9:4; Zef. 2:2, 3) ‘Enọ i wo uvi ẹgwọlọ kẹ uzuazọ ebẹdẹ bẹdẹ’ e rọ udevie rai. (Iruẹru 13:48) Iruo nọ a k’omai họ re ma ru ilele, wuhrẹ ahwo kpahe eware kpobi nọ Jesu o j’uzi rai na. (Mat. 24:14; 28:19, 20) Nọ ma rẹ sae kpare isiuru ọsosuọ erọ ahwo nọ ma nyaku evaọ usiuwoma n’uwou ruọ uwou, okenọ ma bi se-isẹri ọnyakuo, gbe isẹri-ise iyẹrẹ na, ma re ru ilele evaọ odibọgba ọwariẹ-nya na—evaọ izihebro gbe iwuhrẹ Ebaibol. Fodẹ obọdẹ iroro-ejẹ jọ kpahe epanọ a sai ro ru onana.
Ole avọ 14 gbe olẹ ekuhọ.