Iwuhrẹ Odibọgba Ọrọ August
Oka nọ O rọ August 2 Muhọ
Ole avọ 39
10 min: Iwhowhovia obonẹ. Salọ Iwhowhovia no Odibọgba Uvie Mai ze. T’ẹme kpahe iyẹrẹ iruo April orọ orẹwho na gbe ukoko obonẹ. Tuduhọ iwhowho-uvie kpobi awọ re a w’obọ evaọ usiuwoma ota evaọ August.
17 min: “Riwi Odẹ Ezi Jihova Ghaghae.” Ru ẹme emuhọ ra kpẹre vi uminiti ovo, re who ru enọ gbe iyo lele iei. Ru ikereakere nọ a fodẹ na vevẹ.—Rri obe ọ Ria Bẹdẹ Bẹdẹ, ẹwẹ-obe avọ 184-185.
18 min: “Ewuhrẹ Akpọ Avọ Ute Abọ-Ẹzi Ra.” Ọsẹ o re lele ọmọzae hayo ọmọtẹ riẹ ta kpahe uzoẹme na. A rẹ jẹ kiẹ eme nọ i kiekpahe iẹ evaọ Awake! ọ December 22, 1995, ẹwẹ-obe avọ 7-11 riwi.
Ole avọ 148 gbe olẹ ekuhọ.
Oka nọ O rọ August 9 Muhọ
Ole avọ 138
8 min: Iwhowhovia obonẹ.
12 min: Ekobaro A re Fiobọhọ k’Amọfa—Ẹnyaharo vẹ A Ru No? Ẹmeọta gbe ọkiẹriwo nọ ọsẹro iruo usiuwoma ota o re ru. Kiẹ ọkpọvio nọ a kẹ evaọ Odibọgba Uvie Mai ọrọ September 1998, ẹwẹ-obe avọ 8. Ta kpahe ọruẹrẹfihotọ nọ a ru evaọ obonẹ, jẹ kẹ iyẹrẹ kpahe ẹnyaharo nọ ahwo nọ a ro mu a ru rite oke onana. Kiẹ ọkobaro ọvo hayo ivẹ gbe iwhowho-uvie jọ nọ i wo erere no obufihọ rai ze no riwi. Tuduhọ amọfa nọ a bi ti fiobọhọ kẹ awọ re a wo erere vọvọ no ọruẹrẹfihotọ nana ze.
25 min: “Kọ Ẹthẹ Iruo Ọkobaro O Rovie Fihọ k’Owhẹ no Enẹna?” Ẹme nọ ọkpako ukoko ọ rẹ rehọ enọ gbe iyo ru. Evaọ edhere eriwo ọliọliọ, dhesẹ epanọ o rọ lọhọ re iwhowho-uvie efa i ru iruo ọkobaro na. Kiẹ ekobaro nọ e rẹ sai gbiku epanọ o via k’omobọ rai kpahe oghẹrẹ nọ a sae rọ dadamu kẹ ezadhe nọ e rrọ kẹ ahwo kpobi jẹ kparobọ. Kiẹ “Oriruo Omaa ọ Iruo Ọkobaro Oke-Kpobi” na riwi, re who fiẹgbahọ epanọ emamọ omaa o sai ro fiobọhọ re a nyate ute euwa na. Whowho nnọ ohwo kpobi nọ ọ gwọlọ mi obe iruo ọkobaro ọ rẹ sai wo ovo jọ nọ ewuhrẹ na ọ tẹ fa no.
Ole avọ 202 gbe olẹ ekuhọ.
Oka nọ O rọ August 16 Muhọ
Ole avọ 131
10 min: Iwhowhovia obonẹ. Iyẹrẹ epanọ igho e nya. Urere eka ivẹ ọvo i kiọkọ evaọ August, fikiere tuduhọ ahwo kpobi awọ re a w’obọ evaọ odibọgba na taure amara o te ti re.
15 min: Whọ Thomakpahe No Re Whọ Riobe?” Ẹmeọta ogbotu, onọ ọsẹro Isukulu Odibọgba Uvie na o re ru.
20 min: Kọ Who Bi w’Obọ Evaọ Eruo Ilele? Ẹmeọta ogbotu. Evaọ eriwo unu ebe buobu nọ a bi fihọ ada na, ẹjiroro mai ọ rẹ jọ re ma muọ iwuhrẹ Ebaibol họ re ma sai fiobọhọ kẹ ahwo wo erere no ebe nọ a rehọ na ze. Ta kẹ iwhowho-uvie jọ re a ta ebẹbẹ nọ e be whaha ae nọ a gbe bi ru iwuhrẹ buobu hu: (1) O rrọ bẹbẹ re a duku ahwo nọ u re n’evaze re a wuhrẹ. (2) Ahwo jọ nọ a dhesẹ isiuru a rẹ ta nọ a w’uvẹ nọ a re ro wuhrẹ hẹ. (3) Nọ a te muọ uwuhrẹ na họ no, o rẹ jọ bẹbẹ re a di ohwo na họ uwou re ewuhrẹ na ọ nyaharo. Jẹ ta kpahe iroro nọ iwhowho-uvie jọ e rẹ sai wo kpahe iruo uwuhrẹ Ebaibol na: (1) ‘Me te wọhọ owuhrẹ hẹ.’ (2) ‘Me wo uvẹ nọ me re ro ru uwuhrẹ ọ k’oka k’oka ha.’ (3) ‘Mẹ gwọlọ gba owha kpahe omọfa fihọ uzou mẹ hẹ.’ (4) Abọ ọfa ọ odibọgba na nọ mẹ be jọ w’obọ na o te k’omẹ.’ Kẹ iroro-ejẹ erọ eriwo ọliọliọ kpahe epanọ a re ro fi ezadhe enana kparobọ re ohwo ọ ruẹsi w’obọ evaọ iruo aru-ilele na. Ru re iwhowho-uvie nọ e be kparobọ a gbiku oghọghọ nọ a rẹro ruẹ no evaọ iruo uwuhrẹ Ebaibol na.—Rri uko-obeva ọ Odibọgba Uvie Mai ọrọ December 1998, edhe-ẹme avọ 3-8, 15.
Ole avọ 100 gbe olẹ ekuhọ.
Oka nọ O rọ August 23 Muhọ
Ole avọ 94
10 min: Iwhowhovia obonẹ.
15 min: Fiobọhọ kẹ Ahwo Ọkpokpọ re A Wo Ovuhumuo kẹ Ẹfuọ Orọo. Ọkpako ukoko o re lele ogbotu na t’ẹme no obe ọ Reasoning na ze, ẹwẹ-obe avọ 248-250. Ma rẹ nyaku ezae avọ eyae nọ e rẹ j’owọ kẹ ovuẹ Uvie na rekiyọ ẹnyaharo rai ọ vẹrẹ hẹ fikinọ a be rria kugbe ababọ erere ọ orọo uzi. Ta kpahe epanọ a re ro fiobọhọ kẹ ae w’otoriẹ oware nọ o soriẹ nọ Ileleikristi a jẹ tha orọo adhẹẹ uke. (Rri Awake! ọrọ January 8, 1992, ẹwẹ-obe avọ 26-27.) Kẹ iroro-ejẹ kpahe oware nọ ma rẹ sae rehọ areghẹ ta ro fiobọhọ kẹ imava-orọo re a ruẹ oware nọ o soriẹ nọ a gbẹ sae jọ abọjọ ukoko na ha bẹsenọ a re ru orọo rai fihọ orọ uzi no.
20 min: “Ru Uzizie Kẹre te Ohwo Kpobi nọ Uruame U Bi Kpe.” Kiẹ uzoẹme na, fodẹ epanọ a ro ru idhere ẹmeọta nọ a jiroro rai na re e kpare isiuru je fi ọwhọ họ enọ e be kezọ. Ru re ohwo nọ ọ kpako no o ru odhesẹvia ọ edhe-ẹme avọ 2-3 hayo 4-5 je ru re uzoge jọ o ru odhesẹvia edhe-ẹme avọ 6.
Ole avọ 208 gbe olẹ ekuhọ.
Oka nọ O rọ August 30 Muhọ
Ole avọ 99
10 min: Iwhowhovia obonẹ. Kareghẹhọ ahwo kpobi re a n’iyẹrẹ usiuwoma ota ọ August. Iwuhrẹ ọ Uwuhrẹ Obe Ukoko a rẹ kiẹ mi ohwo kpobi evaọ utu rai re a sai kuọ iyẹrẹ na kpobi kugbe evaọ September 6.
17 min: Ma You Inievo Mai. Ẹme nọ ọkpako ukoko ọ rẹ ta, avọ ẹmeọta ogbotu evaọ Uwou-Eroro Na ọrọ December 1, 1995, ẹwẹ-obe avọ 15-17, edhe-ẹme avọ 7-11. Fiẹgba họ irere ọ oyeri-kugbe ohwohwo nọ ma rẹ reawere riẹ evaọ okenọ ma tẹ riẹ inievo mai ziezi, wo uduotahawọ kugbe, je fiobọhọ kẹ ohwohwo thihakọ edawọ. Jiroro kpahe epanọ a sai ro ru onana vọvọ viere. Zizie ogbotu na re a gbiku nọ i dhesẹ epanọ uduotahawọ uyoyou nọ amọfa a kẹ rai u ro ru ai oma kpokpọ jẹ bọ ae ga.
18 min: Kẹ Ẹjiroro nọ Who ro Wo Ẹruore Ra. Ọkpako ukoko ọ rẹ kiẹ uzoge oriruo ọvo hayo ivẹ nọ i bi kpohọ isukulu egọmeti riwi. Ẹsikpobi a be rẹriẹ ovao dhe iyero nọ ehwa obọ akpọ rai a be rọ nọ ae oware nọ o soriẹ nọ izoge mai a gbẹ gwọlọ kuomagbe ai evaọ iruẹru rai hi. Nọ a bi wo erere no uvẹ itieye na ze re a dhesẹ ẹrọwọ rai nọ o no Ebaibol ze na, o gwọlọ re izoge mai a dikihẹ ga evaọ ẹdadamu rai. Utu na o rẹ ta kpahe uyo nọ a rẹ kẹ otẹrọnọ a kẹ rae isigareti hayo ibi-imu. Kiẹ iroro-ejẹ nọ a kẹ fihọ obe ọ Young People Ask na, ẹwẹ-obe avọ 277-281. Dhesẹ epanọ ẹthọ ọtamuo rai re a ru oware nọ o gba o rẹ rọ jọ ọthọwẹ je se emamọ isẹri.
Ole avọ 129 gbe olẹ ekuhọ.