Iwuhrẹ Odibọgba Ọrọ September

Oka nọ O rọ September 6 Muhọ

Ole avọ 190

7 min: Iwhowhovia obonẹ. Salọ Iwhowhovia no Odibọgba Uvie Mai ze.

18 min: “Fiobọhọ k’Amọfa re A Wo Eriariẹ Egbagba.” Enọ gbe iyo. Fiẹgba họ erere ọ ẹgwọlọ via oware nọ whai imava a jọ rọwo-kugbe. Ru odhesẹvia ọvo hayo ivẹ nọ a ruẹrẹ ziezi.

20 min: “Ikokohọ Ubrotọ ‘Ẹme Eruẹaruẹ Ọghẹnẹ’ ọrọ 1999.” (Edhe-ẹme 1-9) Enọ gbe iyo. Se edhe-ẹme avọ 6 gbe 8. Fiẹgba họ oware nọ o soriẹ nọ ma jẹ jọ oma okokohọ na soso, te abọ Edisoi-Oka na. Fiẹgba họ epanọ u w’uzou te re a nya lele ọkpọvio Society re a wha emu obọ ohwo ze okokohọ na kẹdẹ kẹdẹ.

Ole avọ 19 gbe olẹ ekuhọ.

Oka nọ O rọ September 13 Muhọ

Ole avọ 171

10 min: Iwhowhovia obonẹ gbe eware nọ a rọ ẹro ruẹ evaọ usiuwoma ota.

15 min: Ẹvẹ Ma Ru Evaọ Ukpe n’Ukpo? Ẹme nọ ọsẹro iruo usiuwoma-ota o re ru. Kiẹ abọ ologbo ọ iyẹrẹ ukoko na ọrọ ukpe iruo ọ 1999 riwi. Kẹ ahwo na ujiro fiki eware iwoma nọ a rugba. Fodẹ abọ nọ a jọ gwọlọ ẹnyaharo. Tẹro vi epanọ ukoko na u ru evaọ ekpohọ iwuhrẹ gbe evaọ iwuhrẹ Ebaibol nọ a ru. Dhesẹ ute nọ i re ruiruo rọkẹ ukpe n’otha na.

20 min: “Ikokohọ Ubrotọ ‘Ẹme Eruẹaruẹ Ọghẹnẹ’ ọrọ 1999.” (Edhe-ẹme avọ 10-21) Enọ gbe iyo. Se edhe-ẹme avọ 15 gbe 16. Rehọ ikereakere nọ a kere via gbe enọ a fodẹ na ro dhesẹ oware nọ o soriẹ nọ ẹgọ, osẹ, gbe uruemu e jẹ rrọ eware nọ e gwọlọ ẹromuhọ mai.

Ole avọ 29 gbe olẹ ekuhọ.

Oka nọ O rọ September 20 Muhọ

Ole avọ 193

12 min: Iwhowhovia obonẹ. Iyẹrẹ epanọ igho e nya.

15 min: “Esẹ gbe Ini—Wha Fi Oriruo Owoma h’Otọ kẹ Emọ Rai.” Ẹme emuhọ ọkpẹkpẹe nọ ọkpako ukoko ọ rẹ ta, inievo-emezae ivẹ nọ e rrọ eyewọ e vẹ rehọ uzoẹme na rọ jiroro. A re dhesẹ ọdawẹ kpahe ẹthọ emọ rai ro no iruemu enwoma nọ a rẹriẹ aro dhe eva obọ isukulu, ẹkwoma etẹlivisiọne, avọ imoni gbe amọfa nọ e rrọ Isẹri hi. Inievo na e rẹ ta kpahe uruemu orivo, ẹmeọta gbe osẹ akpọ na, gbe aroza ọ omawere nọ o kiehọ họ. Nọ a te roro kpahe ẹgwọlọ nọ a re ro fi emamọ oriruo h’otọ no, a vẹ ta kpahe idhere nọ a rẹ rọ bọ ọwhọ viere kẹ uwuhrẹ uviuwou, iwuhrẹ ukoko, gbe usiuwoma ota.—Rri Uwou-Eroro Na ọrọ July 1, 1999, ẹwẹ-obe avọ 14-28, gbe Awake! ọrọ September 22, 1991, ẹwẹ-obe avọ 8-9.

18 min: Ẹyọrọ Emamọ Odẹ. Ẹme nọ ọkpako o re ru. A rẹ bọ emamọ odẹ ẹkwoma iruemu esese evaọ unu oke jọ. Eware nọ ma ru eye e rẹ bọ odẹ mai. Evaọ abọdekọ riẹ, ọthobọ ọvuọvo ọ rẹ sai si aghare no odẹ mai. Umutho oware ugheghẹ jọ ọvo o rẹ sae raha iẹ—ẹsejọhọ okpofu, udi nọ a da vrẹoma, hayo uruemu ẹnwae-obro ovuọvo—u re gbe odẹ ezi mai ku. (Ọtausi. 10:1; Itẹ 6:32; 14:17; 20:21) Fikiere, ẹvẹ o r’oja te re ma daoma wo emamọ odẹ jẹ rehọ ọwhọ ruiruo rọ sẹro riẹ.—Wawo Eviavia 3:5.

Ole avọ 175 gbe olẹ ekuhọ.

Oka nọ O rọ September 27 Muhọ

Ole avọ 141

15 min: Iwhowhovia obonẹ. Kareghẹhọ iwhowho-uvie re a n’iyẹrẹ usiuwoma ota ọ September. Tuduhọ ahwo kpobi awọ re a m’omaa re a w’obọ vọvọ evaọ emagazini e ghale evaọ October. Kiẹ iroro-ejẹ jọ nọ e roma via evaọ Odibọgba Uvie Mai ọrọ October 1996, ẹwẹ-obe avọ 8 riwi, kpahe epanọ a rẹ rọ ruẹrẹ ẹmeọta họ. Ẹkwoma emagazini ekpokpọ na, fodẹ owọ-eme iwoma jọ je ru odhesẹvia ọ ẹmeọta ọkpẹkpẹe ọvo hayo ivẹ.

15 min: Ẹkpẹti Onọ. Ẹme nọ ọkpako ukoko ọ rẹ ta.

15 min: “Kọ Who Bi Ruiruo avọ Ẹjiroro?” Ru ẹme emuhọ ra kpẹre vi uminiti ovo, re who ru enọ gbe iyo lele iei. Ku eme kugbei evaọ obe ọ Our Ministry, ẹwẹ-obe avọ 88-89. Tuduhọ ahwo kpobi awọ re a ru odibọgba rai fihọ oware ikẹse kẹse gbe onọ a re ru fuafo.

Ole avọ 106 gbe olẹ ekuhọ.