Iwuhrẹ Odibọgba Ọrọ October
MUẸROHỌ: Odibọgba Uvie Mai o te m’omaa Ewuhrẹ Odibọgba kẹ oka kpobi evaọ etoke okokohọ na. Ikoko e rẹ sai ru inwene wọhọ epanọ o gwọlọ re o k’uvẹ kẹ ekpohọ Okokohọ Ubrotọ “Ẹme Eruẹaruẹ Ọghẹnẹ” na jẹ k’uvẹ kẹ iminiti 30 ọrọ ọkiẹriwo ọ igogo-eme ọruẹrẹfihotọ na evaọ Ewuhrẹ Odibọgba oka nọ u lele i rie. A rẹ kake rehọ ọkiẹriwo ọ n’ẹdẹ t’ẹdẹ ọruẹrẹfihotọ okokohọ na kẹ inievo ivẹ hayo esa nọ i te kpahe otọ no re a tẹro vi igogo-eme nọ i w’uzou. Ọkiẹriwo ọnana nọ a ruẹrẹ oma kpahe kẹ ziezi na u ti fiobọhọ kẹ ukoko na kareghẹhọ igogo-eme nọ a re ro ruiruo kẹ omobọ rai gbe enọ a re ro ruiruo evaọ obọ otafe. Ọkpahe-fihọ ogbotu na gbe eware nọ e via nọ a gbiku rai e rẹ jọ kpẹkpẹe jẹ nwani dhobọ te igogo-eme na.
Oka nọ O rọ October 4 Muhọ
Ole avọ 147
10 min: Iwhowhovia obonẹ. Salọ Iwhowhovia no Odibọgba Uvie Mai ze.
15 min: “Ẹnya Lele Isiuru nọ A Duku—O r’Oja Evaọ Eruo Ilele.” Ru ẹme emuhọ ra kpẹre vi uminiti ovo, re who ru enọ gbe iyo lele iei.
20 min: “W’obọ Evaọ Usi-Ovravra ọ Ọkparedẹ Obokparọ.” Enọ gbe iyo nọ ọsẹro iruo usiuwoma ota o re ru. Fi ọwhọ họ iwhowho-uvie na oma re a fi ute họ kẹ efihada ọ ọkparedẹ. Fiẹgba họ epanọ u w’uzo te re a kere je vi ewẹ-obe ọ ọkparedẹ evaọ ẹruoke.
Ole avọ 130 gbe olẹ ekuhọ.
Oka nọ O rọ October 11 Muhọ
Ole avọ 194
10 min: Iwhowhovia obonẹ gbe eware nọ a rọ ẹro ruẹ evaọ usiuwoma-ota.
15 min: Ẹgwọlọ ukoko na.
20 min: Muọwhọ Kẹ Emagazini! Fodẹ unu emagazini kpobi nọ ukoko na u fihọ ada evaọ amara n’ukpo. Ohẹriẹ vẹ o rrọ onana avọ unu nọ Society o vi ze? Otẹrọnọ ohẹriẹ ulogbo o riẹ, eme u fo nọ a re ru? Zizie ogbotu na re a kpahe fihọ eme enana: (1) Owhowho-uvie kpobi o re vi buobu rekọ jọ i bu vrẹta ha. (2) Rehọ Ẹdẹ-Ọmaha kpobi wọhọ Ẹdẹ Emagazini. (3) Ruẹrẹ omaa odibọgba ra họ re who kuọ iruo emagazini ọ kamara kamara kugbe ei. (4) M’omaa re who ru isẹri-ise ọnyakuo ẹkwoma emagazini nọ who re ro mu ẹmeọta họ. (5) Rehọ obọdẹ izoẹme ro se ahwo ekiọthuọ gbe akiruo nọ a sai wo isiuru kpahe ae. (6) Kere ebe nọ who fihọ ada gbagba, je ru ejẹ emagazini, whọ vẹ hae rehọ uvitha ekpokpọ nya kẹse kẹse. (7) Rehọ emagazini nọ i lehie no ruiruo re e seba ekokohọ. Dhesẹ emagazini ekpokpọ, re whọ riobọhọ izoẹme nọ e rẹ kpare isiuru. Ru re ọkpako gbe uzoge jọ a ru odhesẹvia ọkpẹkpẹe efihọ ada emagazini.—Rri uko-obeva ọ Odibọgba Uvie Mai, ọrọ March 1996.
Ole avọ 105 gbe olẹ ekuhọ.
Oka nọ O rọ October 18 Muhọ
Ole avọ 196
10 min: Iwhowhovia obonẹ. Iyẹrẹ epanọ igho enya.
15 min: “Kọ Whọ be Kwa?” Ẹme uduotahawọ nọ okere-obe na ọ rẹ ta. Nọ iwhowho-uvie e tẹ ruẹ nọ u fo re a kwa kpohọ ukoko ofa, u w’uzou re a dhomamu ziezi evaọ oria okpokpọ rai na re a whaha eware nọ i re si ohwo kpemu evaọ abọ-ẹzi. Fiẹgbahọ ẹgwọlọ nọ a rẹ rọ vuẹ ekpako ukoko kpahe omaa utioye na jẹ yare uketha rai evaọ ẹmeọta kugbe ukoko okpokpọ na.
20 min: “Epanọ A re ro Wo Oghọghọ No Iwuhrẹ Ze Viere.” Enọ gbe iyo. Fodẹ ugogo iriruo epanọ ma rẹ sai ro dhesẹ ororokẹ jẹ tuduhọ ohwohwo awọ evaọ iwuhrẹ na. Zizie ogbotu na re a gbiku iriruo no eware nọ a rọ ẹro ruẹ ze.
Ole avọ 152 gbe olẹ ekuhọ.
Oka nọ O rọ October 25 Muhọ
Ole avọ 179
15 min: Iwhowhovia obonẹ. Fiobọhọ kẹ ahwo kpobi ruẹrẹ oma họ re a fi ibroshọ Gwọlọ hayo obe Eriariẹ na họ ada evaọ etoke November. Fodẹ epanọ a rẹ rọ ruẹrẹ ẹmeọta nọ ọ rẹ t’ovao vi onọ na, “Kọ Ọghẹnẹ o re yo elẹ?” Rehọ eme no uwuhrẹ avọ 7 evaọ ibroshọ na ze hayo uzoẹme avọ 16, edhe-ẹme avọ 12-14, evaọ obe na. Ru odhesẹvia ọrọ ẹmeọta ọlọlọhọ nọ u kugbe ikereakere ọvuọvo.
15 min: Eduku Iyo kẹ Enọ Ebaibol. Owhowho-uvie jọ nọ ohwo jọ nọ o wo isiuru ọ nọ onọ Ebaibol jọ ọ nya bru odibo oruiruo jọ. Viukpenọ ọ kẹ uyo na, odibo oruiruo na o te dhesẹ epanọ a rẹ rọ gwọlọ iẹ ruẹ. Orọ ọsosuọ, ọ kiẹ iroro-ejẹ nọ e rrọ School Guidebook, uwuhrẹ avọ 7, edhe-ẹme avọ 8-9. Kẹsena, a tẹ kiẹ kpahe onọ jọ nọ a rẹ nọ gaga evaọ ẹkwotọ rai na. A rri eria jọ nọ a riobọhọ nọ e t’ẹme kpahe uzoẹme na je duku awọ-eme jọ nọ i ru ẹjiroro ọ uyo Ebaibol na vevẹ. Tuduhọ ogbotu na awọ re a ru oghẹrẹ uwuhrẹ nọ o rẹ kẹ erere onana rọ kiẹ enọ Ebaibol.
15 min: Ute nọ Ma Sai Fihọ. Ẹme gbe iroro ejẹ ogbotu. Kiẹ ute nọ u re w’iruo nọ a fodẹ evaọ ẹkpẹti nọ ọ rrọ Uwou-Eroro Na ọrọ March 15, 1997, ẹwẹ-obe avọ 11. Ku uduotahawọ obọ-uwo evaọ iruo ọkobaro obufihọ hayo ọrọ oke-kpobi kugbei. Dhesẹ epanọ ute nana nọ a re le t’obọ o sae rọ k’omai erere. Zizie ogbotu na re a gbiku oghọghọ jọ nọ a ruẹ no evaọ okenọ a sae nyate ute uvie jọ.
Ole avọ 151 gbe olẹ ekuhọ.