Omaa Ewuhrẹ Odibọgba
Oka nọ O rọ February 14 Muhọ
Ole avọ 113
10 min: Iwhowhovia obonẹ. Salọ Iwhowhovia no Odibọgba Uvie Mai ze. Kiẹ “Ọruẹrẹfihotọ Ẹdẹ Okokohọ Obọdẹ Ọkpokpọ” riwi.
15 min: ‘Vuẹ Ẹme na Ovovẹrẹ.’ Ru ẹme emuhọ ra kpẹre vi uminiti ovo, re who ru enọ gbe iyo lele iei. Ku eme nọ e rọ obe ọ Our Ministry kugbe ei, ẹwẹ-obe avọ 170. Kẹ uvi ẹjiroro jọ nọ a re ro ru ẹvi fihọ iruo usiuwoma ota na evaọ oke uvewhru na kpobi.
20 min: “Epanọ A Sae rọ Bọ Ẹgba Iroro-Ejẹ.” Ẹme gbe odhesẹvia. Dhesẹ oware nọ ẹgba iroro-ejẹ u ro w’uzou tere evaọ odibọgba na gbe epanọ a re ro woi. Ru re iwhowho-uvie ivẹ nọ i te ziezi a ta epanọ a rẹ rọ ruẹrẹ oma kpahe kẹ odibọgba na ẹkwoma elele owojẹ nọ o rrọ edhe-ẹme avọ 3 ọrọ uzoẹme na a ve je ru odhesẹvia rai.
Ole avọ 182 gbe olẹ ekuhọ.
Oka nọ O rọ February 21 Muhọ
Ole avọ 17
10 min: Iwhowhovia obonẹ. Iyẹrẹ epanọ igho e nya.
15 min: “Eme ọ Eruẹaruẹ Ọghẹnẹ Kpobi I Ti Rugba!” Ru ẹme emuhọ ra kpẹre vi uminiti ovo, re who ru enọ gbe iyo lele iei. Fodẹ eware jọ no obe okpokpọ na ze nọ i dhesẹ epanọ oke mai na u w’uzou te.
20 min: “Eme Ọ rẹ Sai Fiobọhọ k’Omai Dikihẹ Ga Evaọ Ẹrọwọ Na?” Ẹme nọ ọkpako o re ru. Ma be rria oke ẹbẹbẹ, yọ mai kpobi a gwọlọ obufihọ evaọ edhere jọ. Kiẹ oware nọ ekpako gbe idibo iruiruo a rẹ sai ru rọ bọ enọ i wo ebẹbẹ nọ e rẹ sae kẹ ewhrehe ga. (Rri uzoẹme na “Ẹruorote nọ Ọ rẹ Bọga” evaọ Uwou-Eroro Na ọrọ September 15, 1993 (ọrọ Oyibo), ẹwẹ-obe avọ 21-23.) Dhesẹ epanọ ma sae rọ tuduhọ ohwohwo awọ evaọ idhere nọ e rẹ bọ omai ga evaọ abọ-ẹzi.—Rom 1:11, 12.
Ole avọ 82 gbe olẹ ekuhọ.
Oka nọ O rọ February 28 Muhọ
Ole avọ 46
10 min: Iwhowhovia obonẹ. Kareghẹhọ ahwo kpobi re a n’iyẹrẹ usiuwoma ota ọ February. Rehọ oke kpẹkpẹe kiẹ “Owọjẹ Elọlọhọ Ene” nọ a rẹ rọ rehọ emebe-evẹvẹ ro muọ ẹmeọta họ, onọ a dhesẹ evaọ ẹwẹ-obe avọ 4 ọrọ Odibọgba Uvie Mai ọrọ amara n’okpo. Dhesẹ epanọ a rẹ rọ rehọ omobe-ovẹvẹ na Peaceful New World ro ruiruo ro dhesẹ obe Eriariẹ na kẹ ahwo. Whọ tẹ nọ onọ nọ o rọ edhe-ẹme emuhọ omobe-ovẹvẹ na no, se edhe-ẹme ọsosuọ evaọ ẹwẹ-obe avọ 3 na, kugbe Olezi 37:29. O te dhesẹ isiuru, rovie obe Eriariẹ na kpohọ ẹwẹ-obe avọ 5, se ẹkpẹti na, jẹ ta kpahe uwuhrẹ kẹe. Amara nana, ahwo kpobi a rẹ daoma gaga re a muọ iwuhrẹ Ebaibol họ.
5 min: Ẹkpẹti Onọ. Ẹme nọ ọkpako o re ru.
12 min: Evuhumu Iruo Ogbẹgwae Ebabọ Ubrotọ Na. Ẹme nọ ọkpako o re ru no uko-obeva Odibọgba Uvie Mai ze ọrọ November 1995 (ọrọ Oyibo). Egbẹgwae Ebabọ Ubrotọ 25 nọ e rọ ẹkwotọ uwou-ogha Nigeria ruiruo obọnana i fiobọhọ evaọ ebabọ, ẹruẹrẹ gbe ẹruorote Egwa Uvie 530 no. Iruo buobu e gbẹ r’otọ. Dhesẹ iruo ogbẹgwae ebabọ na, jẹ bọ ọwhọ fihọ iruẹru ebabọ Ọgwa Uvie na. Dhesẹ oghẹrẹ ahwo nọ a rẹ sai te wọhọ iruiruo nọ e fialoma ze, jẹ tuduhọ amọfa awọ re a fialoma ze. (Rri uko-obeva Odibọgba Uvie Mai na ọrọ April 1998, edhe-ẹme avọ 12-14.) Kiẹ ejọ nọ i w’obọ no evaọ ebabọ Ọgwa Uvie na riwi, jẹ ta kpahe oghọghọ nọ a wo no.—Rri Uwou-Eroro Na ọrọ June 1, 1999 (ọrọ Oyibo), ẹwẹ-obe avọ 18-19, edhe-ẹme avọ 15-16.
18 min: “Ẹta Usiuwoma na avọ Imuẹro Egaga.” Rehọ iminiti ivẹ hayo esa ro mu ẹme na họ ziezi no uzoẹme na ze gbe ikereakere nọ a kere via gbe enọ a fodẹ evaọ edhe-ẹme 1 gbe ọrọ avọ 2 na. Whọ vẹ rehọ enọ gbe iyo ru edhe-ẹme avọ 3-12.
Ole avọ 61 gbe olẹ ekuhọ.
Oka nọ O rọ March 6 Muhọ
Ole avọ 116
5 min: Iwhowhovia obonẹ.
10 min: Ẹgwọlọ ukoko na.
15 min: “Muẹroh’otọ kẹ Epanọ Whọ Be Gaviezọ.” Ọnọ o wo uzou uviuwou o re lele aye gbe emọ riẹ t’ẹme kpahe oware nọ a re ru re a wo erere vọvọ no iwuhrẹ ukoko na gbe ikokohọ ze. O roro nọ ahwo uviuwou na kpobi a rẹ sae gaviezọ ziezi viere. A rẹ kiẹ iroro-ejẹ nọ a kẹ na riwi je roro kpahe epanọ a re ro fi ọvuọvo rai h’iruo, kugbe ẹgwọlọ nọ a rẹ rọ t’ẹme kpahe eware nọ a wuhrẹ na. A rẹ ta kpahe epanọ a rẹ rọ rria te ọtamuo rai re iwuhrẹ e se ae ba evo hayo re uvumọ abọ ikokohọ na ọ se ae ba evo.
15 min: “Ẹta Usiuwoma na avọ Imuẹro Egaga.” Who te ru ọkiẹkpemu ọkpẹkpẹe ọrọ idhe-ẹme 12 ọsosuọ uko-obeva na no, rehọ enọ gbe iyo ru edhe-ẹme avọ 13-24. Rehọ ikereakere nọ a kere via gbe enọ a fodẹ na ruiruo ziezi.
Ole avọ 186 gbe olẹ ekuhọ.