Omaa Ewuhrẹ Odibọgba
Oka nọ O rọ March 13 Muhọ
Ole avọ 118
10 min: Iwhowhovia obonẹ. Salọ Iwhowhovia no Odibọgba Uvie Mai ze.
15 min: “Usi Uwoma Ma Be Ta.” Ru ẹme emuhọ ra kpẹre vi uminiti ovo, re who ru enọ gbe iyo lele iei. Kẹ iriruo eme ọbọga Ikereakere nọ a re si no obe Eriariẹ na ze okenọ a te bi fi ei họ ada evaọ odibọgba na.
20 min: “Kọ Ma Sai Ru April 2000 Fihọ Amara nọ Ọ Mai Woma Kpaobọ k’Omai?” (Edhe-ẹme 1-11) Enọ gbe iyo. Fodẹ unu ekobaro obufihọ nọ o mai bu evaọ ukoko na. Ru re ahwo jọ nọ a jọ amara ọyena ru ọkobaro a fodẹ irere nọ a wo no ẹvi nọ a ruẹ evaọ odibọgba na ze. Tuduhọ ukoko na awọ re a le unu ekobaro obufihọ nọ o mai bu kpobi evaọ April. Kiẹ ute nọ a kere fihọ obe Our Ministry, ẹwẹ-obe avọ 113-114 na riwi. Iwhowho-uvie nọ e gwọlọ ru ọkobaro obufihọ a rẹ sae rehọ obe nọ ewuhrẹ na o te kuhọ no.
Ole avọ 187 gbe olẹ ekuhọ.
Oka nọ O rọ March 20 Muhọ
Ole avọ 21
10 min: Iwhowhovia obonẹ. Iyẹrẹ epanọ igho e nya.
15 min: “Eme Mẹ rẹ Sai Ru?” Owuhrẹ ọ obe uwuhrẹ ọ rẹ rehọ uzoẹme na t’ẹme kugbe odibo-oruiruo ọvo hayo ivẹ. Fiki awhaha sa-sa, iwhowho-uvie jọ a re roro nọ a bi fiba iruẹru ukoko na tere he. Kiẹ idhere ibuobu jọ nọ mai kpobi ma sai ro fiba ọbọga ukoko na gbe ẹnyaharo iruo Uvie na ziezi riwi. Ku ẹme na họ ẹkwoma edhesẹ epanọ omomọvo mai ọ sai ro “W’obọ Evaọ Iyẹrẹ Urere Na.”—Rri Our Ministry, ẹwẹ-obe avọ 108-110.
20 min: “Kọ Ma Sai Ru April 2000 Fihọ Amara nọ Ọ Mai Woma Kpaobọ k’Omai?” (Edhe-ẹme 12-18) Enọ gbe iyo. Ru odhesẹvia ọkpẹkpẹe ọrọ epanọ a re ro zizie ogbẹnyusu ziọ Ekareghẹhọ na. Kiẹ April riwi evaọ 2000 Calendar na, je dhesẹ ọruẹrẹfihotọ iwuhrẹ kẹ usiuwoma ota nọ a jọ ukoko na m’omaa rai. Kareghẹhọ ohwo kpobi re o wo omaa obọ riẹ nọ o re ro w’obọ ziezi evaọ odibọgba na evaọ amara na, re a ruẹ nọ ahwo kpobi a w’obọ vọvọ evaọ ukoko na. Tuduhọ enọ i te kpobi awọ re a ru ọkobaro obufihọ re a je mi obe nọ ewuhrẹ na ọ tẹ fa no.
Ole avọ 65 gbe olẹ ekuhọ.
Oka nọ O rọ March 27 Muhọ
Ole avọ 119
10 min: Iwhowhovia obonẹ. Kareghẹhọ ahwo kpobi re a n’iyẹrẹ usiuwoma ota ọ March. Whowho edẹ enọ i ti ru ọkobaro obufihọ evaọ April. Dhesẹ nọ u ti lehie hrọ họ re a fi obe họ. Dhesẹ omaa iwuhrẹ kẹ usiuwoma ota ọrọ amara na kpobi. Tuduhọ ahwo kpobi awọ re a w’obọ evaọ odibọgba na evaọ urere oka nana, re a riẹ April muhọ ziezi. Ma ti fi emagazini ọ Uwou-Eroro Na gbe Awake! họ ada evaọ amara na. Fielo họ uzoẹme jọ gbe eme isiuru nọ e rọ emagazini ekpokpọ na nọ a sai ro ruiruo ziezi evaọ efihọ ada. Ohwo kpobi o re wo ibroshọ Gwọlọ na jẹ daoma rehọ iẹe muọ iwuhrẹ Ebaibol họ kugbe ahwo nọ i wo isiuru.
10 min: Ẹgwọlọ ukoko na.
25 min: “Rehọ Ebe Mai Ruiruo avọ Areghẹ.” Ẹme ọ enọ gbe iyo. Whọ tẹ t’ẹme te edhe-ẹme avọ 7 no, ru idhesẹvia ekpẹkpẹe ivẹ hayo esa avọ obufihọ ẹjiroro nọ a kẹ evaọ edhe-ẹme avọ 4-7 na.
Ole avọ 195 gbe olẹ ekuhọ.
Oka nọ O rọ April 3 Muhọ
Ole avọ 72
10 min: Iwhowhovia obonẹ gbe eware nọ e jọ usiuwoma ota via. Fodẹ eware nọ e jọ oria rai via kẹle nọ e rẹ tuduhọ amọfa awọ w’obọ evaọ iruo usiuwoma ota na.
17 min: “Ewuhrẹ Obe ọ Eruẹaruẹ Daniẹl Na.” Enọ gbe iyo. Dhesẹ kpẹkpẹe irere nọ ma ti wo no ewuhrẹ obe Ebaibol ọrọ Daniẹl na ze. (Rri uzou 1, edhe-ẹme avọ 15-17, evaọ obe ọ Eruẹaruẹ Daniẹl na.) Tuduhọ ahwo kpobi awọ re a kpohọ Uwuhrẹ Obe Ukoko na ẹsikpobi.
18 min: Kọ Me Gu Oruthọ Ọgaga? Ẹme ọjaja nọ ọkpako o re ru, nọ a rẹ kpọ bru emoha. Ebẹbẹ buobu e roma via no kẹle na nọ e be raha emoha na: Egbeku itee uruemu ezi, evihọ ozighi, imu egaga elọ nọ e be reria obọ, gbe ababọ adhẹẹ kẹ udu-esuo. Izoge jọ a be rria uzuazọ agbava, be ko emuemu rai dhere. Onana u bi fi ewoma ukoko na kpobi họ awa. Ahwo jọ a rẹ thọ uzi ulogbo a vẹ gwọlọ ko ẹe dhere. Whọ tẹ riẹ nọ oniọvo jọ evaọ ukoko na ọ raha uzi Ọghẹnẹ jọ, eme who re ru? T’ẹme kpahe ehri-uzi nọ o rọ Iruo-Izerẹ 5:1 na. (Rri Uwou-Eroro Na ọrọ August 15, 1997 [ọrọ Oyibo], ẹwẹ-obe avọ 27-30.) Riobọ kpohọ obe ọ Young People Ask na, ẹwẹ-obe avọ 68-69, je dhesẹ oware nọ ohwo o re ru nọ o tẹ via ere.
Ole avọ 68 gbe olẹ ekuhọ.