Omaa Ewuhrẹ Odibọgba
Oka nọ O rọ April 10 Muhọ
Ole avọ122
10 min: Iwhowhovia obonẹ. Salọ Iwhowhovia no Odibọgba Uvie Mai ze. Jọ ovuẹ ogbotu obọdẹ evaọ April 16 na o thọrọ owhẹ ẹro ho, onọ uzoẹme riẹ o ta nọ “Oware nọ Ohwo-Akpọ Ọ jẹ Gwọlọ Ẹtanigbo.” Tuduhọ ahwo kpobi awọ re a lele isase Ebaibol Ekareghẹhọ nọ a m’omaa riẹ kẹ April 14-19 na, wọhọ epanọ a ruẹre riẹ fihọ Ẹkiẹriwo Ikereakere na Kẹdẹ Kẹdẹ—2000. Kiẹ “Ọjọriẹ Ehaa Ekareghẹhọ” na riwi, evaọ ẹwẹ-obe avọ 4 ọrọ uko-obeva na.
15 min: “Kọ Whọ be j’Owọ kẹ Uyoyou Kristi?” Ru ẹme emuhọ ra kpẹre vi uminiti ovo, re who ru enọ gbe iyo lele iei. Ku eme gbe ei rono Uwou-Eroro ọ May 1, 1998 na ze, ẹwẹ-obe avọ 22-23, edhe-ẹme avọ 12-13. Tuduhọ ahwo kpobi awọ re a daoma gaga zizie ahwo kpohọ Ekareghẹhọ na.
20 min: “April—Okenọ A Re Ro w’Ọwhọ kẹ Iruo Ezi!” Enọ gbe iyo. Ẹme ọruọruọ ọrọ oware nọ ma gwọlọ rugba evaọ April.
Ole avọ 199 gbe olẹ ekuhọ.
Oka nọ O rọ April 17 Muhọ
Ole avọ 25
13 min: Iwhowhovia obonẹ. Iyẹrẹ epanọ igho e nya. Urere-oka ivẹ ọvo i kiọkọ evaọ April, fikiere tuduhọ ahwo kpobi awọ re a w’obọ evaọ odibọgba na taure amara na o te ti kuhọ. Ru odhesẹvia ọkpẹkpẹe ọrọ efihọ ada emagazini ekpokpọ. Nọ o rẹ sae gb’omai họ re ma kpahe ẹme kẹ ahwo nọ a gwọlọ nọ ma lele ai ru iruemu ehaa Isita rai na, kiẹ eme nọ a dhesẹ fihọ obe ọ Reasoning na, ẹwẹ-obe avọ 179-180.
16 min: “Kọ Who Wo Ẹzi Oma-Urodheidhe?” Enọ gbe iyo. U fo re ma fi ute eware nọ e mae r’oja họ, ma vẹ rehọ eware nọ i w’uzou rọ karo. O rẹ gwọlọ unevaze gbe oma usuo re ma ruabọhọ eruo oware nọ o rẹ k’omai erere evaọ abọ-ẹzi. Dhesẹ oware nọ ma rẹ sai wuhrẹ no oriruo Jesu ze.—Rri Insight, Uko avọ 2, ẹwẹ-obe avọ 68, edhe-ẹme avọ 3-5.
16 min: Fi Emagazini Họ Ada Evaọ Oria nọ E jẹ Mae Wha Erere Ze. Ẹmeọta, avọ ẹkpahefihọ ogbotu. Kiẹ iroro-ejẹ nọ e rrọ Awake! ọrọ January 8, 1995 ẹwẹ-obe avọ 22-24 na riwi. Dhesẹ oware nọ o soriẹ nọ u je woma re a gwọlọ ahwo nọ a rẹ sae j’owọ kpahe obọdẹ izoẹme jọ nọ e rrọ emagazini na. Ta kpahe iriruo jọ rono ivitha nọ e vrẹ no ze avọ oghẹrẹ ahwo, ekiọthuọ, hayo ikoko nọ izoẹme na e rẹ sai siuru evaọ ẹkwotọ rai. Zizie ogbotu na re a gbiku eware nọ a rọ ẹro ruẹ nọ i dhesẹ epanọ a ro wo emamọ iyẹrẹ ẹkwoma edhere nana ze.
Ole avọ 71 gbe olẹ ekuhọ.
Oka nọ O rọ April 24 Muhọ
Ole avọ 137
10 min: Iwhowhovia obonẹ. Whowho unu ahwo nọ a kpohọ Ekareghẹhọ na evaọ ukoko rai. Zizie ogbotu na re a gbiku eme nọ ahwo nọ a nyaze evaọ orọ ọsosuọ rai a ta.
17 min: Fiobọhọ kẹ Ahwo Ọkpokpọ Re A Kpohọ Iwuhrẹ. Ẹme nọ a re ru no obe Eriariẹ na ze, ẹwẹ-obe avọ 161-163, edhe-ẹme avọ 5-8. Nọ a te wuhrẹ te oke jọ no, o r’oja inọ ahwo ọkpokpọ a re muọ iwuhrẹ họ ẹnyaze. Re a ru ai nyaze o rẹ sae jọ use-abọ. Kọ eme whọ rẹ sai ru ro fi ọwhọ họ ae oma? Ahwo nọ a bi ru ebe iwuhrẹ a rẹ rehọ oma totọ kiẹ ẹme na kugbe emọ-iwuhrẹ rai evaọ obe Eriariẹ na a ve ru ugogo ọruẹrẹfihotọ rọ thae uke re a kuomagbe omai evaọ egagọ uzẹme.
18 min: “Kọ Whẹ Yọ Owhowho Uvie ọ Ikẹse Kẹse?” Ẹme gbe iroro-ejẹ ogbotu nọ okere-obe ukoko na o re ru. Dhesẹ oware nọ o soriẹ nọ ma jẹ n’iyẹrẹ iruo usiuwoma ota mai. (Rri obe na Our Ministry, ẹwẹ-obe avọ 106-108.) Ta kpahe ebẹbẹ jọ nọ e rẹ roma via evaọ okenọ ma gbẹ n’iyẹrẹ mai evaọ ẹruoke he. Zizie ogbotu na re a ta oware nọ a bi ru re a ruẹ nọ a n’iyẹrẹ rai ẹruoke. Riobọhọ epanọ iwuhrẹ ọ Uwuhrẹ Obe Ukoko a sai ro fiobọhọ. Urere-oka ovuọvo u kiọkọ evaọ April, fikiere fiẹgbahọ epanọ u w’uzou te re ohwo kpobi o w’obọ evaọ usiuwoma ota jẹ n’iyẹrẹ iruo na evaọ urere amara na.
Ole avọ 200 gbe olẹ ekuhọ.
Oka nọ O rọ May 1 Muhọ
Ole avọ 213
12 min: Iwhowhovia obonẹ. Kareghẹhọ ahwo kpobi re a n’iyẹrẹ usiuwoma ota ọ April. Iwuhrẹ ọ Uwuhrẹ Obe Ukoko a rẹ nọ mi ohwo kpobi nọ ọ rrọ utu na re a sai kuọ iyẹrẹ kpobi kugbe evaọ May 6. Kiẹ Ẹkpẹti Onọ na riwi, re who dhesẹ epanọ a re ro fi ei họ iruo evaọ obonẹ.
15 min: “Yare Obufihọ.” Ẹme gbe iroro-ejẹ ogbotu nọ ọkpako ukoko o re ru. Dhesẹ oghẹrẹ nọ mai kpobi ma ro wo ẹgwọlọ oghẹrẹ uketha jọ n’oke ruoke. Uzẹme, omomọvo ọ rẹ wọ owha riẹ. (Gal. 6:5) Dede na, evaọ okenọ ma gbẹ be sae dadamu hu, u fo nọ ma re sioma hemu hu re ma gwọlọ obufihọ rono obọ omọvo jọ ukoko na nọ ọ kpako evaọ abọ-ẹzi ze. Zizie ogbotu na re a gbiku eware nọ e via nọ i dhesẹ epanọ uketha uyoyou nọ amọfa a kẹ o rọ tuduhọ ae awọ.
18 min: “Ruẹ Nọ Who Zihe!” Ẹmeọta ogbotu. Ta kpahe eware jọ nọ e rẹ so ẹe nọ ma gbẹ sae ru izihebro ho. Dhesẹ oware nọ o soriẹ nọ evuẹ egbagba nọ a re kere gbe unevaze re a zihe i je wuzou. J’iroro oke nọ a rẹ ruẹrẹ fihọ k’oka k’oka ro ru izihebro. Kiẹ oware nọ a ta evaọ obe ọ Our Ministry na riwi, ewẹ-obe avọ 88-89. Gbiku eware nọ e via nọ a n’iyẹrẹ rai fihọ 1995 Yearbook, ẹwẹ-obe avọ 45.—1 Kọr. 3:6, 7.
Ole avọ 68 gbe olẹ ekuhọ.