Iwhowhovia

◼ Ebe nọ a ti fihọ ada evaọ May: Efihọ ada ọ Uwou-Eroro Na gbe Awake! Fiọ ibroshọ Gwọlọ na họ ẹkpa kẹ ahwo nọ a wo isiuru, jẹ daoma muọ iwuhrẹ Ebaibol họ. June: Eme Ọghẹnẹ Ọ Gwọlọ Mi Omai? T’ẹrovi emuhọ iwuhrẹ Ebaibol. July gbe August: A rẹ sai fi ibroshọ ewẹ-obe 32 enana jọ họ ada: Egọmeti Nọ Ọ te Rehọ Aparadase Tha, Eme họ Ẹjiroro Uzuazọ—Ẹvẹ Whọ Sai Ro Duku Ei?, Eme Ọ rẹ Via k’Omai Okenọ Ma te Whu?, Kọ Ọghẹnẹ Ọ Be Ghinẹ Daezọ Mai?, Okenọ Ohwo nọ Who You O te Whu, Reawere Uzuazọ Otọakpọ Bẹdẹ Bẹdẹ!, Should You Believe in the Trinity?, gbe The Divine Name That Will Endure Forever. Oria nọ u je fo a rẹ sai fi ibroshọ enana họ ada: A Book for All People, Izi Ahwo nọ Awhuno—Kọ E Rẹ Sai Fiobọhọ K’owhẹ Manikọ E Rẹ Nwa Owhẹ Oma? Kọ Eghinẹ Rọ?, Our Problems—Who Will Help Us Solve Them?, gbe Will There Ever Be a World Without War?

◼ Ọsẹro ukoko na o re fonu Ẹko-Iruo Emagazini obọ Igieduma na eva edẹ 25 amara kpobi otẹrọnọ Odibọgba Uvie Mai ọrọ amara nọ o lele i rie o ri te ukoko na obọ họ.

◼ Evaọ Odibọgba Uvie Mai ọrọ July 1994, ma ta nọ a ti su ahwo kpohọ ughe-uriwo ho evaọ Ẹdẹ-Ọmaha urere amara kpobi. Enẹna ma bi ru enwene jọ kpahe onana. Enẹna uwou Ebẹtẹle ọ Igieduma u ti rovie fihọ kẹ ughe-uriwo ọ ukoko hayo omomọvo evaọ Ẹdẹ-Ọmaha kpobi evaọ amara na. A re su ahwo kpohọ ughe-uriwo no ighọjọ 8 rite ighọjọ 11 evaọ ohiohiẹ je no ughọjọ 1 evaọ uvo rite ighọjọ 4 evaọ owọwọ, no Ẹdọvo-Oka rite Ẹdẹ-Ọmaha. Wha re te obonẹ evaọ ẹruoke rọkẹ ughe-uriwo na re wha ruẹsi zihe kpo evaọ ẹdẹ ọvona. A ru uvumọ ọruẹrẹfihọ kẹ oria nọ ahwo nọ a ziọ ughe-uriwo a rẹ wezẹ evaọ Ebẹtẹle he. Iviena wha muẹrohọ nnọ ughe-uriwo o te jariẹ evaọ Ẹdoka ha.

◼ Ọsẹro ukoko na hayo omọfa nọ o vi ọ rẹ kiẹ igho ukoko na riwi evaọ June 1, hayo oke ofa nọ o kẹle riẹ. Nọ a te ru onana no, whowho kẹ ukoko na nọ a te se iyẹrẹ epanọ igho e nya n’otha na no.