Omaa Ewuhrẹ Odibọgba
Oka nọ O Rọ May 8 Muhọ
Ole avọ 36
12 min: Iwhowhovia obonẹ. Kiẹ Ẹkpẹti Onọ riwi.
20 min: “Wha Roro.” Ẹme enọ gbe iyo. Dhesẹ oware nọ o jẹ rrọ ovẹrẹ re ma jaja aro vi evaọ abọ-ẹzi makinọ ma riẹ ẹdẹ gbe auwa na ha.—Rri Uwou-Eroro ọ November 1, 1995 (ọrọ Oyibo), ẹwẹ-obe avọ 20.
13 min: Didi Omaa Who Wo kẹ Oke Eriosehọ Rono Iruo? Uviuwou jọ o rẹ t’ẹme kugbe kpahe oware nọ a ti ru evaọ etoke uvẹ rai na. A rẹ t’ẹme kpahe ekpohọ iwuhrẹ gbe ikokohọ na kpobi gbe iruo ọkobaro obufihọ evaọ amara ọvo hayo ivẹ. Uvẹ o rẹ jẹ sae jariẹ nọ a re ro weze kpohọ ogege ughe uriwo hayo wo obọ evaọ aroza oma-urukpokpọ jọ. Aikpobi a rọwo kugbe re a siọ omaa ọ iruẹru abọ-ẹzi rai ba erivo.
Ole avọ 83 gbe olẹ ekuhọ.
Oka nọ O Rọ May 15 Muhọ
Ole avọ 134
13 min: Iwhowhovia obonẹ. Iyẹrẹ epanọ igho e nya.
17 min: “Kọ Whọ Be Hae Kẹ Uyere?” Ẹme nọ ọkpako ukoko o re ru no Uwou-Eroro Na ze, ọrọ April 15, 1999 (ọrọ Oyibo), ẹwẹ-obe avọ 15-17.
15 min: “Okokohọ Ubrotọ ‘Enọ I Bi Ru Ẹme Ọghẹnẹ’ ọ Isẹri Jihova ọrọ 2000.” Okere-obe o re ru enọ gbe iyo uzoẹme nọ o rrọ uko-obeva na, edhe-ẹme 1-10. Rehọ ikereakere nọ a fodẹ na ro dhesẹ oware nọ o jẹ gwọlọ re mai kpobi ma nya lele ọkpọvio Society kpekpekpe.
Ole avọ 91 gbe olẹ ekuhọ.
Oka nọ O Rọ May 22 Muhọ
Ole avọ 125
10 min: Iwhowhovia obonẹ gbe Iwhowhovia nọ a salọ no Odibọgba Uvie Mai ze.
20 min: Ẹvẹ Ileleikristi i re rri ọtamuo orọo gbẹdẹ te. Ẹme nọ a re ru no Uwou-Eroro Na ze, ọrọ March 1, 2000, ẹwẹ-obe avọ 30-31.
15 min: “Okokohọ Ubrotọ ‘Enọ I Bi Ru Ẹme Ọghẹnẹ’ ọ Isẹri Jihova ọrọ 2000.” Ọkpako ukoko ọ rẹ rọ enọ gbe iyo ru uzoẹme nọ o rrọ uko-obeva na, edhe-ẹme 11-17. Fiẹgba họ epanọ u w’uzou te re ohwo kpobi ọ ruẹrẹ edẹ eriosehọ n’iruo fihọ evaọ ẹruoke re ọ sai kpohọ edẹ okokohọ ologbo na kpobi re, kugbe Edisoi-Oka. Jiri inievo na fiki ẹmeoyo rai rọkẹ ọruẹrẹfihotọ Society.
Ole avọ 56 gbe olẹ ekuhọ.
Oka nọ O Rọ May 29 Muhọ
Ole avọ 135
12 min: Iwhowhovia obonẹ. Kareghẹhọ ahwo kpobi re a n’iyẹrẹ usiuwoma ota ọ May. Ru odhesẹvia ọkpẹkpẹe ọrọ ebe nọ a bi fihọ ada evaọ June. Rehọ uwuhrẹ avọ 13 evaọ ibroshọ Gwọlọ na ro dhesẹ epanọ a rẹ kẹ ohwo obe uwuhrẹ Ebaibol.
15 min: “Eduku Oghọghọ Evaọ Iruo Efuafo Ra.” Ẹmeọta. Ta kpahe ẹjiroro nọ ma wo nọ ma rẹ rọ ghọghọ evaọ odibọgba mai.—Rri Insight, Uko avọ 2, ẹwẹ-obe avọ 120.
18 min: Isase Ebaibol nọ E rẹ Kẹ Erere. Ẹmeọta gbe odhesẹvia nọ a rono School Guidebook ze, ẹwẹ-obe avọ 34-35, edhe-ẹme avọ 6-7. Omaa isase Ebaibol, onọ a re si oruvẹ Ebaibol no ze, yọ abọjọ ọrọ ogha Isukulu Odibọgba Ọghẹnẹ na. (Odibọgba Uvie Mai ọrọ December 1999, ẹwẹ-obe avọ 7) Ru re uviuwou jọ u ru odhesẹvia epanọ uviuwou o hẹ sae rọ jiroro kpahe abọjọ isase ẹkpoka nana kẹ isukulu na. A rẹ salọ owọ-ẹme isiuru ọvo hayo ivẹ jọ a ve ru otokiẹ ofa jọ kpahe iẹe evaọ Watch Tower Publications Index hayo Insight on the Scriptures. Dhesẹ oghẹrẹ nọ isase Ebaibol na e sai ro wo otofa viere, nọ o sae rọ thomai oma kpahe viere re ma “yọrọ ẹme uzẹme na ziezi.”—2 Tim. 2:15.
Ole avọ 95 gbe olẹ ekuhọ.
Oka nọ O Rọ June 5 Muhọ
Ole avọ 37
5 min: Iwhowhovia obonẹ.
10 min: Ẹgwọlọ ukoko na.
15 min: “Uvẹ-Ọghọ nọ O Rrọ kẹ Izoge Na.” Ẹme gbe iroro-ejẹ ogbotu. Gbiku eware nọ e via nọ e rrọ Uwou-Eroro ọ December 1, 1996, ẹwẹ-obe avọ 23, edhe-avọ 15. Zizie izoge re a gbiku kpahe epanọ a rọ reawere ẹghale emagazini no. Ru re uzoge ọvo hayo ivẹ a ru odhesẹvia ọlọlọhọ ọrọ efihada emagazini ọ n’ẹthẹ ruẹ ẹthẹ. Tuduhọ esẹ gbe ini awọ re a wha emọ rai lele oma kpohọ iruo emagazini k’oka k’oka.
15 min: “ ‘Jawo Ae’—Evaọ Oghẹrẹ Vẹ?” Ẹme nọ ọkpako ukoko ọ rẹ ta. Kiẹ ọruẹrẹfihotọ Ikereakere kpahe ewo idibo iruiruo evaọ ukoko na. (Rri Insight, uko avọ 2, ẹwẹ-obe avọ 409.) Dhesẹ itee nọ a rẹ nya te hrọ re a tẹ rehọ ai mu. (Rri obe ọ Our Ministry, ẹwẹ-obe avọ 55-57.) Riobọhọ idhere nọ idibo iruiruo e sai ro fiobọhọ, jẹ tuduhọ inievo-emezae efa awọ re a te kẹ uvẹ-ọghọ onana.
Ole avọ 82 gbe olẹ ekuhọ.