Kọ Who bi Thihakọ?
1 “Evawere nọ me wo vi onana o rọ họ, . . . [inọ] emọ mẹ e rọ kpahe uzẹme na.” (3 Jọn 4) Akothiho emọ abọ-ẹzi Jọn o wha oghọghọ ulogbo sei. Ẹvẹ o rẹ were Ọsẹ obọ odhiwu mai te re ọ ruẹ ima ahwo buobu nọ e te jọ emọ riẹ nọ “e rọ kpahe uzẹme na”!—Itẹ 23:15, 16; 27:11.
2 Nọ ahwo Ọghẹnẹ wọhọ utu a be ruabọhọ iruo ọwhọ Ileleikristi na, ejọ i serihọ no ẹmẹrera. Dede nọ o sae jọ nọ enana e vọ avọ ẹgba evaọ okenọ a kaki wuhrẹ uzẹme na, nọ ikpe e be vrẹ na, a te ti wo uruemu ọ ehoo hayo a tẹ rọ godogodo evaọ iruo ilele-iruo na.
3 U re vevẹ, ejọ e sai serihọ ẹmẹrera fikiọ ọnyaba ugboma gbe okpomahọ owho. Rekọ, a re jiri ae fiki akothiho rai. A bi ru utho ẹgba rai. Rekọ k’ohwo k’ohwo nọ ọ rehọ uzuazọ riẹ mudhe kẹ Ọghẹnẹ no ọ rẹ nọ omariẹ nọ: ‘Kọ mẹ k’oma mẹ uvẹ re mẹ tẹro vi ilale omobọ mẹ ga te epanọ isiuru Uvie na e rọ rehọ oria kakao ọvo evaọ uzuazọ mẹ? Kọ mẹ rọ ‘sinẹsinẹ’ evaọ oghẹrẹjọ, hayo kọ mẹ be ghinẹ “ya” gaga? (Evia. 3:15, 16; Luk 13:24) J’omai kpobi ma rọ oma olẹ roro kpahe onọ ma bi ru je ru ẹnyaharo nọ o gwọlọ, je woi fihọ iroro nnọ Jihova ọ y’eyaa nọ ọ te rehọ ‘oruaro avọ adhẹẹ gbe udhedhẹ kẹ enọ i ru uwoma.’—Rom 2:10.
4 Epanọ A re ro Thihakọ: Eme o fiobọhọ kẹ Jesu thihakọ? Pọl o ru rie vevẹ nọ: “Ọ rehọ fiki oghọghọ nọ a kẹ riẹ ro thihakọ [ure oja, NW ], ọ daozọ omovuọ họ, ọ tẹ keria obọze akaba uvie Ọghẹnẹ.” (Hib. 12:1-3) Oghọghọ nọ a fihọ aro Jesu o rro vi edawọ ubroke nọ ọ rẹriẹ ovao ku. Efihiroro ọ oghọghọ nọ a ruẹrẹhọ k’omai o rẹ sai fiobọhọ k’omai thihakọ re. (Evia. 21:4, 7; 22:12) Otẹrọnọ ma rẹroso Jihova re ọ k’omai ẹgba ẹkwoma uwuhrẹ omobọ-ohwo, iwuhrẹ enya ẹsikpobi, gbe olẹ ikẹse kẹse, koyehọ ma te sai thihakọ evaọ iruo nọ ọ k’omai nọ ma ru na.
5 Jihova ọ rẹ ghọghọ fikiọ akothiho erọ omarokpotọ riẹ. Fikiere joma ru oghọghọ riẹ rro viere ẹkwoma ‘ẹrọkpahe uzẹme na.’