Omaa Ewuhrẹ Odibọgba

MUẸROHỌ: Evaọ etoke na kpobi nọ a te rọ t’ẹme kpahe ividio Society na evaọ Ewuhrẹ Odibọgba na, ma te kẹ eme efa nọ a sai ro nwene ẹta rai. A rẹ rehọ enana ro ruiruo evaọ eria nọ iwhowho-uvie na buobu a te jọ rri ividio na ha, yọ a sai ti rri rai hi bọwo ẹdẹ nọ a fihọ na.

Oka nọ O rọ October 9 Muhọ

Ole avọ 11

8 min: Iwhowhovia obonẹ. Salọ Iwhowhovia no Odibọgba Uvie Mai ze.

12 min: “Kpohọ Ikokohọ Evaọ Eria nọ Ukoko Jihova O Ruẹrẹfihọ.” Ẹmeọta-kugbe ọrọ enọ gbe iyo nọ ọkpako o re ru. Se edhe-ẹme avọ 5.

25 min: “Odu-Ikpe Ọkpokpọ Na—Eme Obaro na O Kru kẹ Owhẹ?” Ẹme ọjaja nọ ọsẹro usiuwoma ota o re ru. Who te se owhowhovia nọ ọ rọ ileta July 3, 2000, nọ Society o kere se ekpako na no, ghale Usi Uvie ọrọ Avọ 36 ọvuọvo kẹ omomọvo nọ ọ rọ ewuhrẹ na. Kẹsena whọ vẹ rehọ enọ gbe iyo ro ru uzoẹme na. Fodẹ ọruẹrẹfihotọ nọ ukoko na u ru re a ru ẹkwotọ na re. Jiroro kpahe epanọ a re ro fiobọhọ kẹ ahwo ọkpokpọ gbe emaha na re a te wọhọ iwhowho-uvie nọ e te họ-ame he. Ru odhesẹvia ọkpẹkpẹe. Fiẹgbahọ ẹgwọlọ nọ ohwo kpobi o re ro w’obọ vọvọ evaọ usi ovravra onana.

Ole avọ 53 gbe olẹ ekuhọ.

Oka nọ O rọ October 16 Muhọ

Ole avọ 104

10 min: Iwhowhovia obonẹ. Iyẹrẹ epanọ igho e nya. Kareghẹhọ iwhowho-uvie kpobi nnọ evaọ etoke iruo urere-oka a re fi emagazini Uwou-Eroro gbe Awake! na họ ada kugbe Usi Uvie ọrọ Avọ 36 na.

15 min: “Ekwakwa nọ I Re Wuhrẹ, Kẹ Ọwhọ, jẹ Bọ Ga.” (Edhe-ẹme 1 gbe ọrọ avọ 2 ọvo) Ẹmeọta. T’ẹme kpẹkpẹ kpahe ikuigbe epanọ Society o ro mu ekasẹte ividio họ eru. (Rri obe Proclaimers, ẹwẹ-obe avọ 600-601.) Tuduhọ ahwo kpobi awọ re a rri ividio na Jehovah’s Witnesses—The Organization Behind the Name evaọ oma oruẹrẹhọ kẹ ẹmeọta eva Ewuhrẹ Odibọgba oka ọ October 30. Ahwo nọ a wo ekasẹte ividio na a sae rehọ iẹe kẹ amọfa nọ a wo ho, hayo a sae rri rie kugbe. HAYO “Ẹyọrọ Ẹme Uzẹme na Ziezi.” Eme nọ a re ru no Uwou-Eroro Na ọrọ January 1, 1996 (ọrọ Oyibo), ẹwẹ-obe 29-31 ze.

20 min: Mai Kpobi A rẹ Sai Dhesẹ Ẹzi Ọkobaro Na. Ẹmeọta-kugbe ọrọ owuhrẹ ọ uwuhrẹ obe ukoko avọ ethabọ riẹ, rono Uwou-Eroro ọ November 1, 1997, ẹwẹ-obe avọ 18-19 ze. T’ẹme te oware nọ u je woma re a wo ekobaro efa evaọ ukoko na gbe epanọ ohwo kpobi ọ rẹ rọ zọhọ fihọ ute nana. A rẹ jẹ ta kpahe idhere nọ a rẹ rọ tuduhọ enọ e rọ iruo ọkobaro na enẹna awọ re a gbẹ jariẹ gbe epanọ ahwo kpobi evaọ ukoko na a sae rọ bọ ọwhọ kẹ odibọgba na.

Ole avọ 131 gbe olẹ ekuhọ.

Oka nọ O rọ October 23 Muhọ

Ole avọ 150

10 min: Iwhowhovia obonẹ.

15 min: “Wo Erere No Ọruẹrẹfihotọ Ewuhrẹ Jihova Ze.” Ẹmeọta. Fi uduotahawọ kugbei kẹ ahwo kpobi re a kpohọ iwuhrẹ isoi erọ ukoko na kẹse kẹse.

20 min: Ruẹrẹ Oma Kpahe Ziezi kẹ Iwuhrẹ. Ẹme gbe iroro-ejẹ ogbotu. Erere nọ ma re wo no iwuhrẹ ze o mae roma hwa epanọ ma daoma te evaọ omaruẹrẹhọ. Kiẹ ezọhọfihọ nọ i re fiobọhọ nọ a kẹ evaọ Uwou-Eroro ọ March 1, 1998, ẹwẹ-obe avọ 27-28, edhe-ẹme avọ 8-11 riwi. Zizie ogbotu na re a dhesẹ epanọ a be rọ j’owọ nọ u fo je duku oke nọ o gwọlọ re a ruẹrẹ oma kpahe ziezi.

Ole avọ 211 gbe olẹ ekuhọ.

Oka nọ O rọ October 30 Muhọ

Ole avọ 167

8min: Iwhowhovia obonẹ. Kareghẹhọ iwhowho-uvie re a n’iyẹrẹ usiuwoma ota October rai.

12 min: Eware nọ a rọ ẹro ruẹ evaọ ẹghale Usi Uvie ọrọ Avọ 36. Nọ iwhowho-uvie sa-sa re a gbiku iyẹrẹ uduotahawọ nọ a reawere rai no evaọ ẹghale Usi Uvie ọrọ Avọ 36 na. Zizie ekobaro oke-kpobi gbe erọ obufihọ re a dhesẹ ovuhumuo rai kẹ ẹvi iruo evaọ etoke usi ovravra nana gbe uvẹ nọ a ro ruiruo kugbe iwhowho-uvie sa-sa buobu.

25 min: Jehovah’s Witnesses—The Organization Behind the Name. Ẹmeọta ogbotu. Ta kpahe enọ nọ e rọ edhe-ẹme avọ 3 orọ uzoẹme na “Ekwakwa nọ I Re Wuhrẹ, Kẹ Ọwhọ, jẹ Bọ Ga.” Kẹ iroro-ejẹ kpahe epanọ a sae rọ rehọ ividio nana ro fiobọhọ kẹ enọ i wo isiuru re a riẹ ukoko mai ziezi. Gbiku oware ovo hayo ivẹ nọ e via kugbei.—Rri Uwou-Eroro ọ October 1, 1992 (ọrọ Oyibo), ẹwẹ-obe avọ 30-31. HAYO “Omosasọ gbe Uduotahawọ—Ekwakwa Eghaghae Abọ Buobu.” Eme nọ a re ru no Uwou-Eroro Na ọrọ January 15, 1996 (ọrọ Oyibo), ẹwẹ-obe avọ 21-23 ze.

Ole avọ 15 gbe olẹ ekuhọ.

Oka nọ O rọ November 6 Muhọ

Ole avọ 198

15 min: Iwhowhovia obonẹ. Kiẹ ẹnyaharo ẹghale Usi Uvie ọrọ Avọ 36 na riwi. Fodẹ unu ekwotọ nọ a ru no gbe oware nọ o te gwọlọ re a ru ekwotọ na re eva November 17.

20 min: Eme Ma Rọwo? Oniọvo ọmọzae o re ru ozihebro kugbe ohwo nọ ọ nọ onọ nọ, “Eme Isẹri Jihova a bi wuhrẹ nọ u ru rai wo ohẹriẹ no egagọ efa?” T’ẹme kpahe igogo-eme nọ e rọ ẹkpẹti nọ ọ rọ ẹwẹ-obe avọ 6 evaọ Uwou-Eroro ọ October 1, 1998 na. Dhesẹ epanọ egagọ efa a bi ro gbabọkẹ hayo siọ igogo izẹme Ebaibol enana fiki iwuhrẹ ahwo-akpọ.

10 min: Ile-Esuọ—Abọ Ologbo ọrọ Egagọ Mai. Owuhrẹ ọ uwuhrẹ obe ukoko ọ rẹ t’ẹme kugbe iwhowho-uvie ivẹ kpahe ile-esuọ rai eva iwuhrẹ ukoko. O muẹrohọ no inọ o wọhọ nọ ile-esuọ rai i kie kpotọ no. Ọ rẹ rehọ igogo-eme jọ rono Uwou-Eroro ọ February 1, 1997 (ọrọ Oyibo), ẹwẹ-obe 27-28 rọ t’ẹme kugbe ai. A vẹ t’ẹme kpahe eme ọ ole jọ evaọ ile nọ a te so eva Uwuhrẹ Uwou-Eroro oka na, wọhọ epanọ a jiroro riẹ evaọ Uwou-Eroro ọ July 1, 1999, ẹwẹ-obe avọ 26, edhe-ẹme avọ 12. Ma te se ile-esuọ gboja, yọ ma bi fi ajọwha họ ajiri udu mai rọkẹ Jihova.

Ole avọ 223 gbe olẹ ekuhọ.