Iwhowhovia
◼ Ebe nọ a ti fihọ ada evaọ November: Ẹghale Usi Uvie ọrọ Avọ 36 na o te gbẹ nyaharo. Ikoko nọ e rehọ Usi Uvie ọrọ Avọ 36 na nya iwou nọ e rrọ ẹkwotọ rai reno, a rẹ sai fi ibroshọ Gwọlọ na hayo obe Eriariẹ na họ ada. Otẹrọnọ ahwo a wo ebe nana no, a rẹ sai fi obe ọ Ria Bẹdẹ Bẹdẹ na họ ada. December: Eriariẹ Nọ I Re Su Kpohọ Uzuazọ Ebẹdẹ Bẹdẹ. January: Obe ọ ewẹ-obe 192 kpobi nọ a kporo taure 1986 u te ti te nọ ukoko na u wo. February: Obe ewẹ-obe 192 kpobi nọ u lehie no nọ ukoko na u wo.
◼ Nọ usi ovravra na u te kuhọ no, ikoko nọ i gbe wo Usi Uvie ọrọ Avọ 36 na a rẹ sae tuduhọ iwhowho-uvie na awọ re a fi ai họ ada evaọ edhere ọvona nọ a re ro fi emebe-evẹvẹ họ ada na—te n’uwou ruọ uwou gbe evaọ eria efa. U te fo, iwhowho-uvie na e sae nya siọ ọvo jọ ba oria kpobi nọ a jọ di ohwo họ uwou hu, yọ a rẹ ruẹ nnọ ahwo nọ a be nya vrẹ a rẹ rue riẹ hẹ. A rẹ daoma re a ghale enọ i kiọkọ kpobi evaọ ovuẹ obọdẹ nana.
◼ Ọsẹro ukoko na hayo omọfa nọ o vi ọ rẹ kiẹ igho ukoko na riwi evaọ December 1 hayo oke ofa nọ o kẹle riẹ. A te ru onana no, a ve whowho iei kẹ ukoko na nọ a te se iyẹrẹ epanọ igho e nya n’otha na no.
◼ Eva e were omai inọ ma re su ahwo kpohọ ugheriwo orọ Ebẹtẹle no Ẹdọvo-Oka rite Ẹdẹ-Ọmaha. No umuo enẹna vrẹ, ma be yare nọ itu ahwo nọ i bu te 20 hayo viere nọ a m’oma nnọ a re weze ziọ uwou ogha ọ Society eva Igieduma a kaki kere s’omai tao. Ileta na e rẹ kẹ ovuẹ kpahe ẹdẹ iweze na, unu ahwo nọ a be nyaze na jegbe sọ ahwo nọ a kpako gaga no hayo enọ oma rai o ga ha a rrọ usu na. Onya ugheriwo na o rẹ rehọ oware wọhọ euwa ivẹ fikiere ma tuduhọ owhai awọ re wha m’omaa epanọ wha rẹ rọ kaki te obonẹ re iweze na e ruẹsi kiehọ owhai oma wha vẹ sai je zihe kpo ẹdọvo ọyena. Iviena jọ u mu owhai ẹro nnọ omoto nọ wha gwọlọ nọ ọ wọ owhai ze na o kiehọ re wha ruẹse nyaze je zihe kpo oma kọkọ. A re kere fihọ ẹnvẹlopu ileta kpahe iweze kpobi inọ ATTENTION: BETHEL OFFICE. Otẹrọnọ ifonu e kẹle owhai, wha rẹ sae rehọ ifonu kẹ evuẹ obehru na, o tẹ kpẹre edẹ ivẹ taure ẹdẹ iweze na o te ti te.
◼ Muhọ no oka February 5, 2001 vrẹ, a ti wuhrẹ obe na Ọzae nọ Ọ Mae Rro nọ Ọ Rria No eva Uwuhrẹ Obe Ukoko. Ikoko nọ e gwọlọ obe nana a rẹ yare iẹ eva oke nọ a te bi vi ebe amara n’otha rai.