Omaa Ewuhrẹ Odibọgba
Oka nọ O rọ November 13 Muhọ
Ole avọ 4
10 min: Iwhowhovia obonẹ. Salọ Iwhowhovia no Odibọgba Uvie Mai ze.
13 min: Ẹkpẹti Onọ. Ẹme nọ ọkpako ọ rẹ ta.
22 min: “Ẹbọ Isiuru nọ Usi Uvie orọ Avọ 36 na O Kpare.” Ẹmeọta-kugbe ọ enọ gbe iyo ọrọ edhe-ẹme 1-5. Fodẹ ọruẹrẹfihotọ obonẹ kẹ eru-reno ọrọ ẹkwotọ kpobi nọ a ti ru hu. Kiẹ idhere ẹmeọta kẹ eruo ozihebro nọ e rrọ edhe-ẹme avọ 7 gbe 8 riwi, re who ru odhesẹvia ọvuọvo rai. Fiẹgbahọ epanọ u w’uzou te re a nya lele isiuru kpobi jẹ daoma muọ ebe iwuhrẹ Ebaibol họ. Rehọ ẹmeọta kpahe edhe-ẹme avọ 9 gbe ikereakere nọ a fodẹ na ro kuhọ.
Ole avọ 63 gbe olẹ ekuhọ.
Oka nọ O rọ November 20 Muhọ
Ole avọ 111
10 min: Iwhowhovia obonẹ. Iyẹrẹ epanọ igho e nya.
15 min: Eware Nọ A rọ Ẹro Ruẹ Evaọ Ẹghale Usi Uvie ọrọ Avọ 36 na. Ta kpahe obokparọ evaọ eru-reno ẹkwotọ na. Kọ ohwo jọ evaọ ukoko na o w’obọ evaọ usiuwoma ota na wọhọ orọ ọsosuọ riẹ? Gbiku eme ezi nọ enọ i wo iwou e ta. Kọ iwhowho-uvie jọ e sai muọ ebe iwuhrẹ Ebaibol họ? O tẹ rrọ ere, ru re a ta hayo ru odhesẹvia oghẹrẹ nọ a ro ru ei. Kareghẹhọ ahwo kpobi re a bọ isiuru nọ a duku na.
20 min: “Gbẹ Hae Ta Usiuwoma Na!” Ẹmeọta gbe ọkiẹriwo. Ahwo jọ a rrọ ukoko Jihova jẹ ruabọhọ iruo usiuwoma ota na no evaọ etoke uzuazọ rai kpobi. Avọ iroro eliọliọ, a duku oghọghọ no evaọ ere oruo. [Rri obe Eriariẹ na, ẹwẹ-obe avọ 179, edhe-ẹme avọ 20, gbe Uwou-Eroro ọ May 1, 1992 (ọrọ Oyibo), ẹwẹ-obe avọ 21-22, edhe-ẹme avọ 14-15.] Zizie owhowho-uvie jọ nọ ọ ta usiuwoma te ikpe buobu no re ọ ta oware nọ o soriẹ nọ ọ jẹ gbẹ ruabọhọ iruo usiuwoma ota na.
Ole avọ 141 gbe olẹ ekuhọ.
Oka nọ O rọ November 27 Muhọ
Ole avọ 153
10 min: Iwhowhovia obonẹ. Kareghẹhọ iwhowho-uvie re a n’iyẹrẹ usiuwoma ota November. Obe nọ a ti fihọ ada evaọ December họ obe Eriariẹ na.
15 min: Rehọ Obe ọ Reasoning na Ruiruo Ziezi. Ẹmeọta-kugbe enọ gbe iyo ọrọ ẹwẹ-obe avọ 7-8. Dhesẹ epanọ a rọ ruẹrẹ obe nana họ re u fiobọhọ k’omai ruẹrẹ oma kpahe kẹ usiuwoma ota nọ u re ruiruo ziezi. Dhesẹ epanọ a sae rọ rehọ obe na ruiruo evaọ okenọ ma te bi ru isẹri-ise ifonu. Ru odhesẹvia epanọ a sai ro duku evuẹ nọ i re fiobọhọ evaọ ẹkẹ uyo onọ. Tuduhọ ahwo kpobi awọ re a riẹ obe nana ziezi, re a fi ei họ evaọ ẹkpa usiuwoma ota rai, jẹ rehọ iẹ ruiruo ẹsikpobi.
20 min: “Whaha Owha ọ Iruemu-Ẹwho nọ E Wọso erọ Ileleikristi.” Ẹme enọ gbe iyo ọrọ edhe-ẹme 1-9 orọ uko-obeva na. Ọkpako ukoko o re ru ei.
Ole avọ 175 gbe olẹ ekuhọ.
Oka nọ O rọ December 4 Muhọ
Ole avọ 54
10 min: Iwhowhovia obonẹ.
20 min: “Whaha Owha ọ Iruemu-Ẹwho nọ E Wọso erọ Ileleikristi.” Ẹme enọ gbe iyo ọrọ edhe-ẹme avọ 10-21. Ọkpako ukoko o re ru ei.
15 min: ‘Ẹme nọ A Ta Evaọ Ẹruoke.’ Ẹmeọta-kugbe ogbotu gbe idhesẹvia. Ibuobu i re roro nọ a te he evaọ okenọ a tẹ be daoma re a muọ ẹmeọta họ, bi roro thọthọ inọ a gwọlọ ona obọdẹ jọ re a te ti wo emamọ iyẹrẹ. Dhesẹ oghẹrẹ nọ mai kpobi, kugbe iwhowho-uvie ekpokpọ gbe erọ uzoge, a sai ro muọ ẹmeọta họ ẹkwoma umutho omodawọ jọ. Kiẹ idhere ẹmeọta nọ a jiroro rai na riwi, je dhesẹ ẹlọhọ rai vevẹ, who ve ru re iwhowho-uvie ivẹ hayo esa a ru odhesẹvia rai. Riobọ kpohọ Odibọgba Uvie Mai ọrọ March 1998, ẹwẹ-obe avọ 8, rọkẹ idhere ẹmeọta efa nọ a sai ro ruiruo. Tuduhọ ahwo kpobi awọ re a wo iroro eliọliọ re a sai duku oghọghọ buobu evaọ odibọgba rai.
Ole avọ 218 gbe olẹ ekuhọ.