Omaa Ewuhrẹ Odibọgba

Oka nọ O rọ December 11 Muhọ

Ole avọ 50

10 min: Iwhowhovia obonẹ. Salọ Iwhowhovia no Odibọgba Uvie Mai ze. Otẹrọnọ ukoko na u wo ebe Ọzae nọ Ọ Mae Rro na hayo Great Teacher, dhesẹ epanọ a sae rọ rehọ ae ruiruo ziezi evaọ odibọgba na evaọ etoke ehọlide na. Tuduhọ ahwo kpobi awọ re a rri ividio na The Bible—Accurate History, Reliable Prophecy evaọ oma oruẹrẹ kpahe kẹ ẹmeọta eva Ewuhrẹ Odibọgba oka ọ December 25 na. Ahwo nọ a wo ekasẹte ividio nana a sae rehọ iẹe kẹ amọfa nọ a wo ho, hayo a sai rri rie kugbe.

15 min: “Dhozọ Jihova Ẹdẹ Okikpo.”a Fi oruvẹ kpahe ozodhẹ Ọghẹnẹ ọnọ a kẹ evaọ ẹwẹ-obe avọ 26 ọrọ Awake! ọ January 8, 1998 na kugbei. Fiẹgba họ irere ezi nọ i re no ozodhẹ Jihova ze.

20 min: “Otunyẹ Ọhwa gbe Uvẹ-Ọghọ Usiuwoma Ota Ra.” Ẹme gbe ekiẹriwo. Zizie ahwo nọ a ruẹ otunyẹ ọhwa no re a gbiku epanọ a gbẹ sae rọ jọ jajaja evaọ iruo usiuwoma ota na ghelọ otunyẹ ọhwa na.

Ole avọ 78 gbe olẹ ekuhọ.

Oka nọ O rọ December 18 Muhọ

Ole avọ 94

15 min: Iwhowhovia obonẹ. Iyẹrẹ epanọ igho e nya. Dhesẹ ọruẹrẹfihotọ usiuwoma ota obọdẹ rọkẹ December 25 gbe January 1. Kpahe fihọ onọ na: Kọ o thọ re a w’abọ evaọ ehaa nọ i no ẹrọwọ Ileleikristi ze he otẹrọnọ a bi ru ei fiki ẹjiroro egagọ họ?—Rri obe Reasoning, ẹwẹ-obe 178-180.

12 min: “Isukulu Odibọgba Ọghẹnẹ ọrọ 2001.” Ẹme nọ ọsẹro isukulu o re ru. Tuduhọ ahwo kpobi awọ re a nya lele isase Ebaibol ẹkpoka rai je se eme nọ a kẹ rae evaọ isukulu na gboja.

18 min: “Kọ Whọ be Ta Usiuwoma avọ Aruọwha?” Yare ọkpahefihọ ogbotu na no ikereakere nọ e rọ uzoẹme na ze. Ẹkwoma obe ọ Our Ministry na, ẹwẹ-obe avọ 86, dhesẹ epanọ ma sai ro wo aruọwha gbe ẹgba viere evaọ usiuwoma ota na.

Ole avọ 124 gbe olẹ ekuhọ.

Oka nọ O rọ December 25 Muhọ

Ole avọ 126

10 min: Iwhowhovia obonẹ. Zizie ogbotu na re a gbiku eware nọ a rọ ẹro ruẹ kẹle na evaọ iruo isẹri-ise rai. Kiẹ ebe nọ a ti fihọ ada evaọ January riwi.

10 min: “Ọruẹrẹfihotọ Okokohọ Okogho Ọkpokpọ.” Enọ gbe iyo. Whowho ẹdẹ okokohọ okogho n’ọtha, jẹ tuduhọ ahwo kpobi awọ re a jariẹ edẹ ivẹ na. Tuduhọ ahwo kpobi awọ re a ru omodawọ obọdẹ re a zizie emọ-uwuhrẹ Ebaibol ze. Ekpohọ okokohọ na o rẹ sae kpare isiuru rai re a kuomagbe ukoko na ẹsikpobi.

25 min: “Ewuhrẹ no Ividio na The Bible—Accurate History, Reliable Prophecy.” Ẹmeọta ogbotu. Kẹ iroro-ejẹ kpahe epanọ a sae rọ rehọ ividio nana fi ọwhọ họ amọfa oma. (1999 Yearbook, ẹwẹ-obe avọ 51-52) Evaọ February ma te kiẹ ọrọ avivẹ ividio nana riwi, The Bible—Mankind’s Oldest Modern Book.

HAYO: “Oware nọ Who Je Fievahọ Eruẹaruẹ Ebaibol.” Ẹme gbe ẹkpahefihọ ogbotu, no uzoẹme nọ o rọ Uwou-Eroro ọ July 15, 1999 (ọrọ Oyibo), ẹwẹ-obe avọ 4-8 ze.

Ole avọ 151 gbe olẹ ekuhọ.

Oka nọ O rọ January 1 Muhọ

Ole avọ 171

8 min: Iwhowhovia obonẹ. Otẹrọnọ ukoko ra u ti nwene oke iwuhrẹ rai evaọ ukpe okpokpọ na, tuduhọ ahwo kpobi awọ re a yọrọ uruemu uwuhrẹ onya eva oke okpokpọ na. Vuẹ emọ-uwuhrẹ Ebaibol gbe amọfa nọ a wo isiuru kpahe enwene kpobi, je mu obe-uzizie nọ u dhesẹ omaa okpokpọ na họ eroruiruo. Dh’unu te iyẹrẹ usiuwoma ota ọ August orọ orẹwho na gbe ukoko na. Kareghẹhọ iwhowho-uvie re a niyẹrẹ usiuwoma ota rai ọrọ December.

12 min: Epanọ A rẹ rọ Ruẹrẹ Oma Kpahe kẹ Izihebro. Ọsẹ ọ rẹ t’ẹme kugbe emọ riẹ kpahe epanọ a sai ro w’ẹvi viere evaọ odibọgba rai. O re fiẹgba họ ẹjiroro Ikereakere nọ a rẹ rọ nya lele isiuru kpobi nọ a duku. A rẹ rehọ ekpọvio nọ a kẹ evaọ Uwou-Eroro ọ July 1, 1999, ẹwẹ-obe avọ 28, edhe-ẹme avọ 18 na, rọ ruẹrẹ oma kpahe re a ru izihebro. Aikpobi a vẹ rọwo tanọ a nyaku ahwo nọ u fo nọ a rẹ wariẹ weze bru no. Omomọvo rai o re dhesẹ isiuru nọ ọ ruẹ evaọ iweze ọsosuọ na, ahwo nọ a kiọkọ na a vẹ fodẹ ẹjiroro gbe ikereakere nọ o re ro ruiruo eva ozihebro. A rẹ gwọlọ igogo-eme evaọ ibroshọ Gwọlọ na nọ a sai ro ruiruo ziezi. Ọsẹ gbe oni na a ve ru re ọmọ jọ evaọ usu emọ na o ru odhesẹvia oware nọ ọ te ta evaọ iweze riẹ. A vẹ m’omaa oke fihọ nọ a ti ro ru izihebro evaọ oka n’otha na.

25 min: “Eriwo Othotha ọrọ Iruo Ekpakpata Ilele-Iruo Na.” Enọ gbe iyo. Se edhe-ẹme avọ 5, 10, gbe 11. Ta kpahe epanọ iruo uwuhrẹ Ebaibol na i bi ro wo ẹnyaharo evaọ ẹkwotọ na. Tuduhọ ahwo nọ a bi ru ebe iwuhrẹ awọ re a wariẹ se uko-obeva Odibọgba Uvie Mai ọrọ June 1996 na re a ruẹsi ru ẹnyaharo evaọ ona ewuhrẹ rai. T’ẹme kpahe edhe-ẹme avọ 5 gbe ọrọ avọ 25 ọrọ uko-obeva oyena.

Ole avọ 212 gbe olẹ ekuhọ.