Iwhowhovia
◼ Ebe nọ a ti fihọ ada evaọ February: Obe ewẹ-obe 192 kpobi nọ u lehie no nọ ukoko na u wo. March: Eriariẹ Nọ I Re Su Kpohọ Uzuazọ Ebẹdẹ Bẹdẹ. Ma te daoma gaga re ma mu iwuhrẹ Ebaibol họ. April gbe May: Emagazini ọ Uwou-Eroro gbe Awake! na. Oria nọ a jo duku isiuru evaọ ozihebro, a rẹ sae kẹ ọkparedẹ emagazini na. Fi obe Eriariẹ na hayo ibroshọ Gwọlọ na họ ada, avọ irẹro emuhọ iwuhrẹ Ebaibol.
◼ Ọsẹro ukoko na hayo omọfa nọ o vi ọ rẹ kiẹ igho ukoko na riwi evaọ March 1 hayo oke ofa nọ o kẹle riẹ. A te ru onana no, a ve whowho iei kẹ ukoko na nọ a te se iyẹrẹ epanọ igho e nya n’otha na no.
◼ Okere-obe avọ ọsẹro usiuwoma ota na a rẹ kiẹ iruo ekobaro oke-kpobi na riwi. Otẹrọnọ ejọ i bi wo ẹbẹbẹ evaọ ẹnyate euwa nọ a gwọlọ na, jọ ekpako na a ru ọruẹrẹfihotọ re a kẹ obufihọ. Rọkẹ iroro-ejẹ, kiẹ ileta k’ukpe k’ukpe Society na S-201 riwi. Je rri uko-obeva ọ Odibọgba Uvie Mai na ọrọ September 1986 (ọrọ Oyibo) edhe-ẹme avọ 12-20.
◼ Society o wo ẹgwọlọ ọkpakpata rọkẹ inievo-emezae nọ i wo ona evaọ ẹdhẹ imoto esese gbe ilogbo. Ohwo kpobi nọ o roro nọ o te yọ o wo isiuru re o ruiruo evaọ Ebẹtẹle, jọ o kere re ọ jọ Society riẹ, ọ vẹ jẹ yare kẹ efọmo Ebẹtẹle, ajokpanọ ọ rehọ efọmo jọ no evaọ okokohọ ologbo nọ a ru no obọ na. Enọ i re kere ze kpobi a rẹ jọ inievo-emezae nọ e te rọo ho nọ e rọ udevie ikpe 19-35.
◼ Ikoko i re ru emamọ ọruẹrẹfihotọ re a ru ehaa Ekareghẹhọ enukpe ọnana eva Ẹdoka, April 8, nọ ọre o te kiediwi no. Dede nọ a sae kaki mu ẹme na họ ẹta, ẹwọ ebrẹdi gbe udi na o re muhọ họ bẹsenọ ọre o re kiediwi no. Wha nọ mi ahwo nọ a kẹle owhai re wha riẹ okenọ ọre o re ro kiediwi evaọ oria rai. Nọ o rọnọ a re ru iwuhrẹ efa evaọ ẹdẹ ọyena ha na ajokpa ọrọ usiuwoma ota ọvo na, u fo re a ru enwene nọ o fo rọkẹ Uwuhrẹ Uwou-Eroro na evaọ oke ofa. O gwọlọ nọ esẹro okogho a ru enwene evaọ omaa ewuhrẹ oka na lele iyero oria na. Dede nọ o rọ oware isiuru re ukoko kpobi u ru ọvuọvuọ ehaa Ekareghẹhọ riẹ na, orọnikọ ẹsikpobi onana o rẹ lọhọ họ. Oria nọ ikoko buobu e jẹ be jọ Ọgwa Uvie ọvo ru iwuhrẹ, ukoko ovo jọ hayo bu viere e rẹ sae gwọlọ oria ofa kẹ owọwọ oyena. Oria nọ o jọ lọhọ, ma jiroro nọ o rẹ rehọ te iminiti 40 nọ ahwo jọ a te kuhọ no re amọfa a te mu ọrai họ re ahwo na kpobi a sai wo erere no ehaa na ze vọvọ, re uvẹ o jariẹ nọ a re ro yere erara jẹ tuduhọ ahwo ọkpokpọ awọ. Wha re je roro kpahe ebẹbẹ imoto buobu nọ e rẹ jọ edhere gbe oria nọ a rẹ dhẹ imoto fihọ, kugbe ẹwọ ze gbe ẹwọ kpo ahwo. Ugboma ekpako na a rẹ jiroro eruẹrẹfihotọ nọ e mai woma evaọ oborai.
◼ A te kẹ ovuẹ ogbotu obọdẹ rọkẹ ezi ọ Ekareghẹhọ 2001 na evaọ Ẹdoka, April 1. Uzoẹme ovuẹ na o te jọ “Ono A rẹ Sai Siwi?” A ti vi omaa-ẹmeọta na ze. Ikoko nọ i wo iweze ọsẹro okogho, okokohọ okogho, hayo ẹdẹ okokohọ obọdẹ evaọ urere oka oyena, a rẹ kẹ ovuẹ obọdẹ na evaọ oka ọ April 9. Uvumọ ukoko o rẹ kẹ ovuẹ obọdẹ na taure April 1, 2001, o te ti te he.
◼ Ebe Kpokpọ nọ E Riẹ:
Isaiah’s Prophecy—Light for All Mankind I—Efik, French, Gun, Igbo, Oyibo, Yoruba
Isẹri Jihova—Oghẹrẹ Ahwo Vẹ A Rrọ? Eme A Rọwo? —Oyibo
Whọ Rẹ Sae Jọ Ogbẹnyusu Ọghẹnẹ!—Efik, French, Gun, Hausa, Igbo, Isoko, Oyibo, Tiv, Yoruba