Omaa Ewuhrẹ Odibọgba

Oka nọ O rọ March 12 Muhọ

Ole avọ 112

10 min: Iwhowhovia obonẹ. Salọ Iwhowhovia no Odibọgba Uvie Mai ze.

15 min: Ẹgwọlọ ukoko na.

20 min: “April—Okenọ Ma re ro ‘Ruiruo Gaga jẹ Daẹgba Mai Kpobi.’” (Edhe-ẹme 1-13) Ọsẹro ukoko na o re ru ẹme na. Ẹmeọta-kugbe ọwhọ kpahe oware nọ ma gwọlọ nọ ma ti rugba evaọ April. Tuduhọ ahwo kpobi evaọ ukoko na awọ re a ru ẹkẹ-abọ rai re a nyate ute umuo ẹgba rai kpobi evaọ odibọgba na evaọ amara ọyena.

Ole avọ 147 gbe olẹ ekuhọ.

Oka nọ O rọ March 19 Muhọ

Ole avọ 166

8 min: Iwhowhovia obonẹ. Iyẹrẹ epanọ igho e nya.

17 min: “Muẹrohọ Iruo Igbunu Ọghẹnẹ.”a Riobọhọ iwoho jọ evaọ obe okpokpọ na nọ e rẹ bọ ovuhumuo kẹ eruẹaruẹ Aizaya.

20 min: “April—Okenọ Ma re ro ‘Ruiruo Gaga jẹ Daẹgba Mai Kpobi.’” (Edhe-ẹme avọ 14-30) Ọsẹro usiuwoma ota na o re ru ẹme na. Ẹme nọ abọ riẹ jọ ọ rẹ jọ abọ enọ gbe iyo. Ahwo kpobi a rẹ m’omaa nọ u w’iruo re a w’obọ gaga evaọ odibọgba na evaọ etoke April. Dhesẹ omaa ọ iwuhrẹ kẹ usiuwoma ota nọ a ruẹrẹhọ kẹ amara na. Tuduhọ ahwo kpobi nọ o rẹ sae lọhọ kẹ awọ re a ru ọkobaro obufihọ jẹ rehọ obe-iruo ọkobaro obufihọ nọ ewuhrẹ na ọ tẹ fa no.

Ole avọ 188 gbe olẹ ekuhọ.

Oka nọ O rọ March 26 Muhọ

Ole avọ 204

10 min: Iwhowhovia obonẹ. Kareghẹhọ inievo na nọ u ri ti lehie hro họ re a kere odẹ fihọ otọ wọhọ ọkobaro obufihọ evaọ April. Tuduhọ ahwo kpobi awọ re a nya lele omaa isase Ebaibol Ekareghẹhọ rọkẹ April 3-8 na, wọhọ epanọ o rọ omobe Ẹkiẹriwo Ikereakere na Kẹdẹ Kẹdẹ—2001. Whowho ẹdẹ nọ a ti ro ru Uwuhrẹ Uwou-Eroro ọrọ ẹkpoka Ekareghẹhọ na. Wha jọ ovuẹ ogbotu obọdẹ na evaọ Ẹdoka ọnana, April 1 ọ thọrọ owhai ẹro ho, uzoẹme riẹ họ “Ono A rẹ Sai Siwi?” Tuduhọ ahwo kpobi awọ re a w’obọ evaọ odibọgba na evaọ ẹdẹ ọvona, a vẹ rehọ ere muọ April họ ziezi.

20 min: “J’Omai Kpobi Ma Kẹ Jihova gbe Ọmọ Riẹ Ọghọ.” Ẹmeọta Ikereakere ọwhọ nọ ọkpako o re ru. Tuduhọ ahwo kpobi awọ re a w’obọ ziezi evaọ iruẹru obọdẹ nọ a m’omaa riẹ kẹ April na jẹ daoma viere re a zizie ahwo ziọ Ekareghẹhọ na.

15 min: Ẹruẹrẹhọ Edhere Efihọ Ada Emagazini Mai. Ma ti fi Uwou-Eroro Na gbe Awake! họ ada evaọ etoke April. Kiẹ ẹwẹ-obe avọ 8, edhe-ẹme avọ 3 gbe ọrọ avọ 10 evaọ Odibọgba Uvie Mai ọrọ October 1996 na riwi. Fielo họ (1) uzoẹme jọ, (2) emamọ owọ-ẹme jọ, (3) onọ nọ o rẹ kpare isiuru, gbe (4) ikereakere ẹruoke jọ nọ a sai ro ruiruo ziezi ro fi emagazini ekpokpọ na ọvuọvo họ ada. Daoma re whọ rehọ ibroshọ Gwọlọ na hayo obe Eriariẹ na ro muọ iwuhrẹ Ebaibol họ kugbe ahwo nọ a wo isiuru. Kuhọ avọ odhesẹvia nọ a ruẹrẹhọ ziezi ọrọ epanọ a sai ro ru onana evaọ iweze ọsosuọ na.

Ole avọ 207 gbe olẹ ekuhọ.

Oka nọ O rọ April 2 Muhọ

Ole avọ 220

9 min: Iwhowhovia obonẹ. Kareghẹhọ iwhowho-uvie re a n’iyẹrẹ usiuwoma ota ọ March rai. Kiẹ “Ọjọriẹ Ehaa Ekareghẹhọ” na riwi.

18 min: “Uyoyou O be w’Omai Ta Usiuwoma Na.” Fielo họ ikereakere nọ e rọ uzoẹme na. Fi ẹjiroro nọ a kẹ evaọ Insight, Uko Avọ 2, ẹwẹ-obe 673, edhe-ẹme 1 na kugbei. Zizie owhowho-uvie jọ nọ o kri no evaọ iruo uvie na re o gbiku epanọ uyoyou kẹ Ọghẹnẹ o be rọ wọe re ọ ruabọhọ iruo usiuwoma ota na. Tuduhọ iwhowho-uvie kpobi awọ re a w’obọ evaọ iruo isẹri-ise na evaọ etoke April gbe kamara kamara ọfa kpobi.

18 min: “Fiobọhọ kẹ Amọfa Kpohọ Iwuhrẹ.” Uko-obeva Odibọgba Uvie Mai ọrọ June 1996, edhe-ẹme avọ 14-16, ọ kẹ iroro-ejẹ efa kpahe ẹkpọ emọ-uwuhrẹ Ebaibol kpohọ ukoko na. Dhesẹ epanọ a sae rọ kake rehọ te ibroshọ Gwọlọ na (uwuhrẹ avọ 5, edhe-ẹme avọ 7) gbe obe Eriariẹ na (uzou avọ 5, edhe-ẹme avọ 22) rọ tuduhọ ohwo awọ re o kpohọ ewuhrẹ. Re a dhesẹ onana, ru odhesẹvia nọ a ruẹrẹhọ ziezi ọrọ owhowho-uvie nọ o te ziezi nọ ọ be tuduhọ ọmọ-uwuhrẹ awọ avọ omosasọ re o roro gaga kpahe ẹnyaze iwuhrẹ.

Ole avọ 47 gbe olẹ ekuhọ.

[Footnote]