Omaa Ewuhrẹ Odibọgba

Oka nọ O rọ April 9 Muhọ

Ole avọ 93

15 min: Iwhowhovia obonẹ. Salọ Iwhowhovia no Odibọgba Uvie Mai ze. Whowho unu ahwo nọ e nyaze Ekareghẹhọ ukoko na. Zizie ogbotu na re a gbiku eme ovuhumuo nọ enọ e nyaze evaọ orọ ọsosuọ rai a ta. Tuduhọ ahwo kpobi awọ re a rri ividio na The Bible—Its Power in Your Life evaọ omaruẹrẹhọ kẹ ẹmeọta na eva Ewuhrẹ Odibọgba ọ oka April 23 na.

30 min: “Ọruẹrẹfihotọ Ẹghale Ebe Mai nọ A Ru Lọhọ Na.” Ọkpako nọ o te o re ru uzoẹme na kugbe ogbotu na. T’ẹme kpahe ileta mai ọrọ September 21, 1999, ro se ikoko kpobi na. Kẹsena who ve ru re owhowho-uvie nọ ọ ruẹrẹ oma kpahe ziezi, nọ o wo ona o ru odhesẹvia epanọ a sai ro fi ovuẹ na h’iruo evaọ usiuwoma ota. Avọ emagazini ọkpokpọ nọ a ti fihọ ada evaọ urere-oka onana, owhowho-uvie na o re lele ọnọ o wo uwou na t’ẹme kpahe uzoẹme riẹ jọ. Nọ owhowho-uvie na o si iroro riẹ kpohọ igogo eme jọ evaọ emagazini na, ọnọ o wo uwou na ọ vẹ ta nọ: “Oyena u siuru.” Owhowho-uvie na ọ vẹ ta nọ: “Eva e te were omẹ re mẹ nyasiọ emagazini na ba k’owhẹ re whọ sae reawere isase uzoẹme onana gbe efa nọ e rọ emagazini na.” Ọnọ o wo uwou na ọ vẹ nọ inọ: “Br’igho?” Owhowho-uvie na ọ vẹ kuyo nọ: “Otẹrọnọ who ti sei, u wo unuigho ho. Whọ rẹ sae ruẹ evaọ ẹwẹ-obe nọ ọ t’ẹme kpahe enọ i whowho i rie na inọ emagazini ọnana yọ abọjọ ọrọ iruo ewuhrẹ Ebaibol akpọ-soso yọ azọhọ unevaze a be rọ thae uku. [Ta kpahe ẹme nọ ọ rọ ẹwẹ-obe avọ 5 ọrọ Awake! hayo obotọ ẹkpẹlobọ ẹwẹ-obe avọ 2 ọrọ Uwou-Eroro Na.] Mẹ yọ omọvo Isẹri Jihova nọ i bu vi ima ezeza nọ e be rehọ unevaze raha oke gbe ekwakwa rai re a ru iruo nana gba evaọ ekwotọ nọ i bu vi 230. Otẹrọnọ o were owhẹ re who ru umutho azọhọ jọ kẹ iruo na, ma ti dede iei rehọ.” Ọnọ o wo uwou na o re ru azọhọ je fi ugho na h’evaọ ẹnvẹlopu rọkẹ iruo akpọ-soso na. Owhowho-uvie na o ve dhesẹ ovuhumuo kẹ azọhọ nọ ọ kẹ na jẹ ta nọ ọ te wariẹ nyaze avọ ukere emagazini nọ e te nyaze. Evaọ odhesẹvia ọkpẹkpẹe avivẹ, dhesẹ epanọ owhowho-uvie ọ gbẹ rọ nyasiọ obe ba ha fikinọ ọnọ o wo uwou na, dede nọ o wo unevaze re ọ t’ẹme, o ghine wo isiuru kpahe ovuẹ Uvie na ha. Evaọ odhesẹvia ọkpẹkpẹe avesa, dhesẹ epanọ a sae rọ nyasiọ omobe-ovẹvẹ ba kẹ ohwo nọ o dhesẹ uvi isiuru rekọ o wo uvẹ obọnana ha, yọ o wọhọ nọ u fo ho evaọ etoke yena re a dhesẹ epanọ a be rọ tha iruo akpọ-soso mai uke. Owhowho-uvie na ọ vẹ yeyaa nọ o ti zihe ze evaọ okeofa nọ u kiehọ. Okenọ ọ tẹ wariẹ zihe ze, ọ vẹ daoma riẹ sọ ọnọ o wo uwou na o ghine wo isiuru kpahe iruo mai na yọ, o tẹ rọ ere, o ve dhesẹ epanọ odibọgba mai ọ rọ gbe epanọ a be rọ tha iruo na uke.

Ole avọ 72 gbe olẹ ekuhọ.

Oka nọ O rọ April 16 Muhọ

Ole avọ 145

10 min: Iwhowhovia obonẹ. Iyẹrẹ epanọ igho e nya. Urere-eka ivẹ ọvo i kiọkọ evaọ April, fikiere tuduhọ ahwo kpobi awọ re a w’obọ evaọ odibọgba na taure amara na o te ti re.

15 min: Ẹgwọlọ ukoko.

20 min: “Eme nọ E rọ Lọlọhọ jẹ rọ Vevẹ E Mai Woma.” Fi ẹjiroro jọ bae rono uzoẹme na ze “Joma Duobọ họ Ugogo Ẹme Na!” evaọ Odibọgba Uvie Mai ọrọ July 1999, ẹwẹ-obe avọ 4. Ru odhesẹvia ọlọlọhọ ọkpẹkpẹe ọvo hayo ivẹ.

Ole avọ 146 gbe olẹ ekuhọ.

Oka nọ O rọ April 23 Muhọ

Ole avọ 163

5 min: Iwhowhovia obonẹ.

15 min: “Omaa-Oma Haro—Rọkẹ Eme?” Ẹmeọta. Fi igogo-eme nọ i fo kugbei no Uwou-Eroro Na ze ọrọ November 1, 2000 (ọrọ Oyibo), ẹwẹ-obe avọ 18-21.

25 min: “Okpomahọ Ividio na The Bible—Its Power in Your Life.” Ẹmeọta ogbotu. Emejabọ whọ gbẹ nya lele iroro-ejẹ nọ a kẹ evaọ oware nọ o via nọ a gbiku riẹ fihọ 1997 Yearbook, ẹwẹ-obe avọ 54, edhe-ẹme 1 na ha, kpahe emamọ eroruiruo ọrọ ekasẹte ividio Society na? Evaọ June ma te kiẹ ividio na riwi, Jehovah’s Witnesses Stand Firm Against Nazi Assault. Hayo, t’ẹme kpahe uzoẹme na “Kọ Ebaibol na O Wuhrẹ Ẹrọwọ Kpahe Otatha?” Ẹme nọ ọkpako o re ru no Uwou-Eroro, ọ September 1, 1996 (ọrọ Oyibo), ẹwẹ 4-7 ze.

Ole avọ 202 gbe olẹ ekuhọ.

Oka nọ O rọ April 30 Muhọ

Ole avọ 215

10 min: Iwhowhovia obonẹ. Kareghẹhọ iwhowho-uvie re a n’iyẹrẹ usiuwoma ota ọ April rai. Iwuhrẹ ọ obe uwuhrẹ a rẹ nọ mi ahwo kpobi evaọ utu rai re a sai ku iyẹrẹ na kugbe evaọ May 6.

15 min: “Se Isẹri Wọhọ Emamọ Ọrivẹ.”a Fodẹ idhere efa nọ ma sai ro se isẹri ẹkwoma uruemu mai.—Rri Uwou-Eroro Na ọrọ November 1, 1997, ẹwẹ-obe avọ 30, edhe-ẹme avọ 16.

20 min: Ekobaro A Bi Fiobọhọ k’Amọfa. Ẹme gbe ekiẹriwo nọ ọsẹro usiuwoma ota o re ru. Kiẹ ọruẹrẹfihotọ Ekobaro A Re Fiobọhọ k’Amọfa na riwi wọhọ epanọ a dhesẹ evaọ Odibọgba Uvie Mai ọrọ September 1998, ẹwẹ-obe avọ 4 na. Fodẹ eware ọbọga jọ nọ a ru gba no evaọ ukoko rai. Kiẹ ọkobaro jọ nọ o fiobọhọ k’ohwo jọ no gbe owhowho-uvie nọ a fiobọhọ kẹ no riwi. Dhesẹ epanọ aimava a ro wo erere no ẹkwoma iruo i ru kugbe evaọ odibọgba na. Zizie amọfa re a rehọ uvẹ ọruẹrẹfihotọ ọnana ro ruiruo evaọ emerae nọ e be tha na.

Ole avọ 216 gbe olẹ ekuhọ.

Oka nọ O rọ May 7 Muhọ

Ole avọ 84

10 min: Iwhowhovia obonẹ.

15 min: “Eware Kpobi E rẹ Lọlọhọ eva Obọ Ọghẹnẹ.” T’ẹme kpẹkpẹe kpahe oware nọ a ta evaọ obe Proclaimers na, ẹwẹ-obe avọ 443, nọ u dhesẹ epanọ a ta usiuwoma na te evaọ 1935 rọ wawọ iyẹrẹ nọ e rọ Yearbook ọkpokpọ na. Dhesẹ epanọ orro ulogbo onana o rọ wọhọ oware nọ o lọhọ vẹre he.

20 min: “W’Obọ ‘Whawha’ Evaọ Odibọgba Ra.” Zizie iwhowho-uvie ivẹ hayo esa re a gbiku eware nọ a reawere rai evaọ obufihọ kẹ amọfa wọhọ epanọ a jiroro riẹ evaọ edhẹ-ẹme avọ 3-5 na.

Ole avọ 80 gbe olẹ ekuhọ.

[Footnote]