Omaa Ewuhrẹ Odibọgba

Oka nọ O rọ May 14 Muhọ

Ole avọ 3

12 min: Iwhowhovia obonẹ gbe Iwhowhovia nọ a salọ no Odibọgba Uvie Mai ze.

15 min: Ẹkpẹti Onọ. Ọkpako o re ru ẹme na.

18 min: “Okokohọ Ubrotọ ‘Otu-Iwuhrẹ Ẹme Ọghẹnẹ’ ọrọ Isẹri Jihova ọrọ 2001.” Okere-obe ukoko na o re ru uzoẹme nọ o rọ uko-obeva na evaọ edhere enọ-gbe-iyo, edhe-ẹme 1-10.

Ole avọ 31 gbe olẹ ekuhọ.

Oka nọ O rọ May 21 Muhọ

Ole avọ 52

10 min: Iwhowhovia obonẹ. Iyẹrẹ epanọ igho e nya.

20 min: Uwuhrẹ Uviuwou nọ O rẹ Wha Oghọghọ Ze. Ẹme gbe iroro-ejẹ ogbotu nọ ọkpako o re ru, rono Uwou-Eroro ọ August 1, 1997 (ọrọ Oyibo) ze, ẹwẹ-obe avọ 26-29.

15 min: “Okokohọ Ubrotọ ‘Otu-Iwuhrẹ Ẹme Ọghẹnẹ’ ọrọ Isẹri Jihova ọrọ 2001.” Ọkpako o re ru uzoẹme uko-obeva na evaọ edhere enọ-gbe-iyo, edhe-ẹme avọ 11-15. Fiẹgba họ epanọ u wuzou te re a kaki mi uvẹ evaọ obọ iruo re a sai w’uvẹ kpohọ okokohọ na evaọ edẹ esa na kpobi. Jiri ahwo kpobi rọkẹ ẹnya lele ọruẹrẹfihotọ Society na.

Ole avọ 105 gbe olẹ ekuhọ.

Oka nọ O rọ May 28 Muhọ

Ole avọ 58

10 min: Iwhowhovia obonẹ. Kareghẹhọ iwhowho-uvie re a n’iyẹrẹ usiuwoma ota ọ May rai.

15 min: “Eme-Emuhọ I Wuzou.” Lele ogbotu na t’ẹme kpahe uzoẹme na. Eme-emuhọ vẹ a ruẹ nọ i w’iruo no evaọ ẹkwotọ na? Okevẹ iwhowho-uvie e rẹ rọ ruẹrẹ oma kpahe je wuhrẹ eme-emuhọ rai kẹ usiuwoma ota? Ru re a ru idhesẹvia ivẹ hayo esa erọ eme-emuhọ nọ i w’iruo no evaọ obonẹ.

20 min: “Ẹme Ọghẹnẹ Ọ . . . Vọ Avọ Iruo.”a Fi idhesẹvia ivẹ nọ a ruẹrẹhọ ziezi bae, enọ i dhesẹ epanọ ovuẹ okpẹkpẹe osae rọ tẹro ahwo vi Ẹme Ọghẹnẹ.

Ole avọ 79 gbe olẹ ekuhọ.

Oka nọ O rọ June 4 Muhọ

Ole avọ 100

12 min: Iwhowhovia obonẹ. Kiẹ uzoẹme na “Ọwhọ nọ Ọ rẹ Kẹ Ibuobu Ajọwha” riwi.

15 min: “W’Obọ Vọvọ Evaọ Ivuẹvu Na.” Okenọ whọ tẹ be t’ẹme kpahe edhe-ẹme avọ 4, fi oriruo nọ ọ rọ Uwou-Eroro ọ October 1, 1996 na bae, ẹwẹ-obe avọ 17, edhe-ẹme avọ 10, nọ u dhesẹ oware nọ otujọ o bi ru re a ru odibọgba rai kẹre.

18 min: “Ma Jọ Ẹkwotọ Mai Ruiruo Ẹsibuobu No!” Ọsẹro usiuwoma ota na o re ru ẹme na. (Ikoko nọ i wo ẹkwotọ nọ a re jo ruiruo ẹsikpobi hi a sae kiẹ uzoẹme na “Emagazini I re Whowho Uvie Na,” evaọ Odibọgba Uvie Mai ọrọ April 1998 riwi.) T’ẹme kpahe oware nọ a rẹ sai ru evaọ obonẹ re a sai ru ẹkwotọ na viere evaọ okenọ a tẹ be jariẹ ruiruo. Gbiku oware nọ o via nọ o rọ 1997 Yearbook, ẹwẹ-obe avọ 204, gbe Uwou-Eroro ọ February 15, 1996 (ọrọ Oyibo), ẹwẹ-obe avọ 26. Fiẹgba họ epanọ u wuzou te re a wo emamọ okerefihotọ n’uwou ruọ uwou, re a zihe bru enọ e jọ uwou hu, gbe ẹkaki ru izihebro.

Ole avọ 142 gbe olẹ ekuhọ.

[Footnote]