Ọkiẹkpemu Isukulu Odibọgba Ọghẹnẹ

Obe ọkiẹkpemu ọrọ eme nọ a ru eva Isukulu Odibọgba Ọghẹnẹ evaọ eka ọ May 7 rite August 20, 2001. Rehọ ẹwẹ-obe ọfa kere iyo enọ na nọ whọ sae kẹ kpobi evaọ umutho oke nọ a kẹ na.

[Muẹrohọ: Evaọ etoke ọkiẹkpemu na, Ebaibol na ọvo whọ rẹ sai rri rọ kẹ iyo enọ kpobi. Ebe nọ a fodẹ nọ i lele enọ na e rọ kẹ ekiakiẹ omobọ ra. Inọmba ẹwẹ-obe gbe edhe-ẹme e sae te rehọ oma via evaọ idhesẹ Uwou-Eroro Na kpobi hi.]

Kẹ iyo enọ nọ e rọ obotọ na Uzẹme hayo Ọrue:

1. Olẹ nọ a t’ẹme te evaọ Nehemaya 2:4 na yọ orọ oma-udhuo, nọ eware e be v’abọ no. [Isase Ebaibol ọ ẹkpoka; rri w86-E 2/15 ẹwẹ. 25 edhe. 8.]

2. A fa ubiẹme na “ukoko” no ubiẹme Griki na ek·kle·siʹa ze, ẹme nọ o wo ẹjiroro okugbe gbe obufihọ kẹ ohwohwo. [w99-E 5/15 ẹwẹ. 25 edhe. 4]

3. Ọmotọ Rom nọ Pọl ukọ na ọ rọ o kẹ riẹ uvẹ re ọ thọ odibọgba na evaọ abọ uzi jẹ wha emamọ usi na se udu-esuo nọ o mai kpehru evaọ Uvie Rom na. (Iruẹru 16:37-40; 25:11, 12) [w99-E 5/15 ẹwẹ. 31 edhe. 2]

4. Evaọ etoke nọ Job ọ rọ rria, ọye ọvo họ ohwo-akpọ nọ ọ jọ avọ ẹrọwọ kẹ Jihova. (Job 1:8) [Isase Ebaibol ọ ẹkpoka; rri w92-E 8/1 ẹwẹ. 31 edhe. 3-4.]

5. Uzẹme na inọ Sọl, hayo Pọl, ọ jẹ rọ ẹbọ uwou-owhre ko omariẹ u dhesẹ nọ ohwo okuẹku jọ gheghe ọ jọ. (Iruẹru 18:2, 3) [w99-E 5/15 ẹwẹ. 30 edhe. 2–​ẹwẹ. 31 edhe. 1]

6. Dede nọ Devidi ọ thọ izi ilogbo, Jihova ọ sae ta inọ “ọ jẹ rehọ eva riẹ kpobi lele omẹ” fikiọ uruemu ekurẹriẹ gbe emamọ ekwakwa Devidi. (1 Iv. 14:8) [w99-E 6/15 ẹwẹ. 11 edhe. 4]

7. Ajokpanọ oware jọ nọ ma y’eyaa riẹ o wọso Ikereakere na, ma rẹ dawo ẹgba mai kpobi re ma ru eyaa mai gba o tẹ make rọnọ uwhremu na ma ruẹ nọ ere oruo o rọ bẹbẹ. (Ol. 15:4) [Isase Ebaibol ọ ẹkpoka; rri w89-E 9/15 ẹwẹ. 28 edhe. 5.]

8. Olezi 22:1 o dhesẹ nọ evaọ otọ otunyẹ Devidi o ku ẹrọwọ riẹ fiẹ evaọ ubroke. [Isase Ebaibol ọ ẹkpoka; rri w86-E 8/15 ẹwẹ. 20 edhe. 19.]

9. Ẹsta o dhesẹ aghare ababọ-omorro fiki ifiare gbe ẹgọ iwoma nọ ọ yare he taure ọ tẹ te nyae ruẹ ovie na. Ọ kuvẹ re ohwo odidi obeva na, avọ “omaurokpotọ avọ ẹzi udhedhẹ” riẹ, u wo aruoriwo ovie na. (Ẹsta 2:15; 1 Pita 3:1-5) [Isase Ebaibol ọ ẹkpoka; rri w86-E 3/15 ẹwẹ. 24 edhe. 10.]

10. Dede nọ eware i re woma kẹ irumuomu, ma rẹ riẹ ai ihri hi re ma daoma raro kele ai. Ikpoye, ma rẹ “hẹrẹ ỌNOWO,” orọnikọ ma rẹ gwọlọ oruthọ họ rekọ, ukpoye, ma re dhomamu fievahọ iẹe re ọ j’owọ k’omai evaọ ẹruoke riẹ. (Ol. 37:5, 7) [Isase Ebaibol ọ ẹkpoka; rri w86-E 8/15 ẹwẹ. 21 edhe. 17.]

Kẹ iyo enọ nọ e rrọ obotọ na:

11. Ẹvẹ Ẹzra avọ ethabọ riẹ a ro ‘fi otofa họ’ Uzi na? (Neh. 8:8) [Isase Ebaibol ọ ẹkpoka; rri w86-E 2/15 ẹwẹ. 26 edhe. 4.]

12. Eme “evawere ỌNOWO na” i re no ze? (Neh. 8:10) [Isase Ebaibol ọ ẹkpoka; rri w86-E 2/15 ẹwẹ. 26 edhe. 9.]

13. Fikieme a rọ ghale ahwo nọ “e rọwo nọ a rẹ ria Jerusalem”? (Neh. 11:2) [Isase Ebaibol ọ ẹkpoka; rri w86-E 2/15 ẹwẹ. 26 edhe. 12.]

14. Fikieme Ẹsta ọ jẹ raha oke re ọ tẹ te ta ugogo ẹjiroro riẹ rọkẹ ovie na? (Ẹsta 5:6-8) [Isase Ebaibol ọ ẹkpoka; rri w86-E 3/15 ẹwẹ. 24 edhe. 18.]

15. Didi enọ ilogbo ivẹ a k’iyo rai evaọ obe Job? [si-E ẹwẹ. 95 edhe. 1]

16. Fikieme ohrẹ Ẹlifaz u je whrehe udu Job nọ o gbẹ sae tuduhọ iẹe awọ họ? (Job 21:34; 22:2, 3) [Isase Ebaibol ọ ẹkpoka; rri w95-E 2/15 ẹwẹ. 27 edhe. 5-6.]

17. Eme họ olezi? [si-E ẹwẹ. 101 edhe. 2]

18. Didi “eware idiodi” erẹwho na a gbẹ rọ “eroro,” wọhọ epanọ a kere fihọ Olezi 2:1? [Isase Ebaibol ọ ẹkpoka; rri w86-E 8/15 ẹwẹ. 20 edhe. 5.]

19. Didi uwuhrẹ kpahe ababọ ọriẹwẹ ma rẹ sai wuhrẹ no odibọgba Filip nọ o w’obọ kpahe ahwo Sameria gbe oletu Ẹtiopia na ze? (Iruẹru 8:6-13, 26-39) [w99-E 7/15 ẹwẹ. 25 edhe. 2]

20. Ẹvẹ Job o ro dhesẹ imuẹro riẹ inọ Ọghẹnẹ ọ te kpare iẹe no uki ze, onọ o riwi wọhọ oria ẹkodhere ro no ebẹbẹ riẹ? (Job 14:7, 13-15) [Isase Ebaibol ọ ẹkpoka; rri w00-E 5/15 ẹwẹ. 27 edhe. 7–​ẹwẹ. 28 edhe. 1.]

Fodẹ ẹme hayo eme nọ a gwọlọ re ihie-eme ọvuọvo obotọ na e tẹ gb’unu:

21. Ẹsta 8:17 o ta nọ ahwo na a je “se oma rai nọ ae ahwo Ju”; epọvo na o rọ nẹnẹ, “ _________________________ ” ọrọ “igodẹ efa” na a dhẹgbalọ _________________________  na no. (Evia. 7:9; Jọn 10:16; Zek. 8:23) [Isase Ebaibol ọ ẹkpoka; rri w86-E 3/15 ẹwẹ. 25 edhe. 14.]

22. Wọhọ epanọ Iruẹru 1:7 u dhesẹ, dede nọ Jihova o wo isiuru gaga kpahe _________________________ , ẹdẹ ọvunu-oguo riẹ ọ te nyaze wọhọ _________________________ , evaọ okenọ ahwo a rẹro riẹ hẹ. (2 Pita 3:10) [w99-IS 6/1 ẹwẹ. 5 edhe. 1-2]

23. Wọhọ Mọdekae, okenọ a te bi guegue uzuazọ ohwo, eme ọ odibo Ọghẹnẹ i re dhesẹ nọ o wo ẹrọwọ fihọ _________________________ nọ Jihova ọ rẹ sae kẹ gbe inọ o wo _________________________ fihọ ọkpọvio Ọghẹnẹ kpahe epanọ eware kpobi e be via. (Ẹsta 4:14) [si-E ẹwẹ. 91 edhe. 3]

24. Uvi ẹmeọta-kugbe o rẹ sae lọhọ ẹkwoma ẹrorọsuọ, evaifihọ, gbe ewo otoriẹ ohwohwo, yọ ekwakwa enana e rẹ romavia evaọ okenọ a te rri orọo wọhọ usu _________________________ yọ imava na a wo uvi _________________________ re a ru orọo na kparobọ. [w99-E 7/15 ẹwẹ. 21 edhe. 3]

25. Emamọ otunyẹ ọhwa o rẹ sai fiobọhọ k’omai fi uruemu ezi gbe itee abọ-ẹzi họ _________________________ jẹ rọ ere fiobọhọ k’omai gọ Jihova avọ _________________________ . [w99-E 8/1 ẹwẹ. 24 edhe. 3]

Salọ uyo ogbagba evaọ uhie-eme ọvuọvo nọ e rọ obotọ na:

26. Ẹkeria nọ Mọdekae ọ “keria unuighẹ ovie na” u dhesẹ inọ ọ jọ (irọwa ovie na; omọvo iletu ọ Ahasuerọs Ovie na; ọnọ ọ jẹ hẹrẹ re o lele ovie na t’ẹme). (Ẹsta 2:19, 20) [Isase Ebaibol ọ ẹkpoka; rri w86-E 3/15 ẹwẹ. 24 edhe. 9.]

27. Wọhọ epanọ a kere fihọ Job 19:25-27, Job o dhesẹ ẹrọwọ inọ ọ te “ruẹ Ọghẹnẹ” fikinọ (a te kẹe eruẹaruẹ; a te kpare iẹe kpohọ uzuazọ obọ odhiwu; ibiaro otoriẹ riẹ i ti rovie kẹ uzẹme na kpahe Jihova). [Isase Ebaibol ọ ẹkpoka; rri w94-E 11/15 ẹwẹ. 19 edhe. 17.]

28. A rẹ mae kareghẹhọ Job fiki (uyoyou; ẹwo; akothiho) riẹ. (Jem. 5:11) [si-E ẹwẹ. 100 edhe. 41]

29. Ekere obe Ilezi na o rehọ oware wọhọ ikpe (udhusoi akuasa; udhusoi akuasoi; odu). [si-E ẹwẹ. 101 edhe. 4]

30. U muẹro inọ (Devidi; Asaf; Ẹzra) họ ọnọ o kere whremu evaọ obe Ilezi na. [si-E ẹwẹ. 102 edhe. 6]

Salọ ikereakere nọ i kiehọ ihie-eme obotọ na:

Neh. 3:5; Ol. 12:2; 19:7; 37:23, 24; 2 Pita 3:15

31. U re no omai eva ze re ma rọ oma mai ruiruo orọnikọ ma rẹ rehọ omoya sienẹ h’emu hu, bi riwi iruo egaga wọhọ nọ i re si adhẹẹ n’omai oma. [Isase Ebaibol ọ ẹkpoka; rri w86-E 2/15 ẹwẹ. 25 edhe. 12, 19.]

32. Oleleikristi ọ sai “kie” evaọ abọ eware idhọvẹ, irẹro nọ i te obọ họ, gbe enwene oyoma evaọ abọ uzi hayo uyero ugho, rekọ avọ obufihọ ẹzi Ọghẹnẹ gbe egegagọ iyoyou Riẹ, o re “kie kpare ohọe” evaọ abọ-ẹzi hi. [Isase Ebaibol ọ ẹkpoka; rri w86-E 11/1 ẹwẹ. 30 edhe. 14.]

33. Odiri Ọghẹnẹ o ru rie lọhọ k’omai re ma riẹ ẹjiroro riẹ jẹ kpọ izuazọ mai re ma sai wo eghale eyaa riẹ. [w99-IS 6/1 ẹwẹ. 5 edhe. 3]

34. Ma tẹ gwọlọ usu Ọghẹnẹ, ma rẹ jọ oruọzewọ evaọ abọ-ẹzi, ababọ eviẹhọ. [Isase Ebaibol ọ ẹkpoka; rri w89-E 9/15 ẹwẹ. 26 edhe. 7.]

35. Ẹmeoyo kẹ uzi Ọghẹnẹ o rẹ jaja ẹwẹ ohwo je fiba ewoma ohwo. [Isase Ebaibol ọ ẹkpoka; rri w00-IS 10/1 ẹwẹ. 21 edhe. 4.]