Iwhowhovia
◼ Ebe nọ a ti fihọ ada evaọ August gbe September: Okugbe Evaọ Egagọ Ọghẹnẹ Uzẹme Ọvo Na, gbe Whọ Sae Ria Bẹdẹ Bẹdẹ eva Aparadase ọ Otọakpọ. Enana e gbẹ riẹ hẹ, a rẹ sai fi obe ewẹ-obe 192 ofa nọ u kri no họ ada. October: Efihọ-ada emagazini ọ Uwou-Eroro gbe Awake! na. Oria nọ a jọ duku isiuru evaọ ozihebro, a rẹ sae kẹ ọkparedẹ emagazini na. November: Eme Ọghẹnẹ Ọ Gwọlọ Mi Omai? hayo Eriariẹ Nọ I Re Su Kpohọ Uzuazọ Ebẹdẹ Bẹdẹ. Otẹrọnọ ahwo a wo enana no, a rẹ sai fi obe ofa họ ada.
◼ Evaọ owhowhovia nọ o romavia evaọ Odibọgba Uvie Mai ọrọ June 2001 nọ a ru kpahe ebe Braille, a t’ẹme obotọ na kpahe obe Organized to Accomplish Our Ministry na: “(iko ene; rọkẹ iwhowho-uvie nọ e te họ-ame he ọvo).” Enẹ o hae jọ: “(iko ene; rọkẹ iwhowho-uvie ọvo).”
◼ Ọsẹro ukoko na hayo omọfa nọ o vi ọ rẹ kiẹ igho ukoko na riwi evaọ September 1 hayo oke ofa nọ o kẹle riẹ. A te ru onana no, a ve whowho iei kẹ ukoko na nọ a te se iyẹrẹ epanọ igho e nya n’otha na no.
◼ Ma bi vi efọmo buobu ro se ukoko kpobi nọ a re ro ruiruo evaọ ukpe iruo ọ 2002 na. Iviena wha rehọ efọmo enana ruiruo avọ areghẹ. Ẹjiroro nọ a ro vi ai na ọvo a rẹ rehọ ae ru.
◼ Muhọ evaọ ukpe onana, ekobaro oke-kpobi a re kpohọ Isukulu Iruo Ekobaro ho ajokpanọ a te ikpe 16 no evaọ September 1 ọrọ ukpe nọ a ti kpohọ isukulu na. Rekọ ọmọ na ọ rẹ sae nya otẹrọnọ ọsẹ hayo oni riẹ nọ ọ rọ ọkobaro ọ te jọ eklase ọvona re.
◼ A re ru ekele ẹsiẹvo-ẹgbukpe ọrọ ebe gbe emagazini nọ e rọ ukoko na eva August 31, 2001, hayo oke ofa nọ o kẹle riẹ. Ikelakele nana o wọhọ onọ ọsẹro ebe na o re ru kamara kamara na, a ve kere unu rai fihọ efọmo ọ Literature Inventory (S-18) na. A rẹ sae riẹ unu emagazini nọ a wo mi esẹro emagazini nọ e rrọ ukoko ovuovo evaọ utu ebe Ọgwa Uvie na ze. Efọmo ọ Literature Inventory (S-18) esa i ti te ukoko ẹruọsa kpobi obọ. Iviena vi ọrọ ọsosuọ na se Society, u re lehie vi September 6 ha. Fi orọ avivẹ họ efale rai. A rẹ sae rehọ ọrọ avesa na ruiruo wọhọ obe iruo. U fo re okere-obe ukoko nọ o be sẹro ebe na ọ rẹro te ikelakele na. Okere-obe gbe ọsẹro ukoko nọ o be sẹro ebe na a rẹ whobọhọ efọmo na.
◼ No August 27, 2001, rite September 1, 2001, Society o ti kele ebe kpobi nọ a wo eva Ebẹtẹle ọ Igieduma. Fiki ikelakele nana, a te ruẹrẹ ebe nọ ikoko e yare họ kẹ evi evaọ etoke edẹ eyena ha.