Omaa Ewuhrẹ Odibọgba

Oka nọ O rọ December 10 Muhọ

Ole avọ 205

13 min: Iwhowhovia obonẹ. Iwhowhovia nọ a salọ no Odibọgba Uvie Mai ze. Tuduhọ ahwo kpobi awọ re a rri ividio na To the Ends of the Earth evaọ omaruẹrẹhọ kẹ ẹmeọta kugbe evaọ Ewuhrẹ Odibọgba ọ oka ọ December 24 na. Ẹkwoma iroro-ejẹ nọ a kẹ fihọ ẹwẹ-obe avọ 8 na, ru odhesẹvia epanọ a re ro fiọ (1) Awake! ọ December 22 gbe (2) Uwou-Eroro ọ January 1 (iroro-ejẹ ọsosuọ) na họ ada.

12 min: “Ọruẹrẹfihotọ Okokohọ Okogho Ọkpokpọ.” Ẹmeọta. Whowho ẹdẹ okokohọ okogho n’ọtha na. Ahwo kpobi a rẹ daoma gaga re a zizie emọ-uwuhrẹ Ebaibol. Tuduhọ iwhowho-uvie nọ e te họ-ame he awọ re a roro gaga kpahe omarọkẹ Jihova rai nọ a re dhesẹ via eva okokohọ nọ ọ be tha na. Tuduhọ ahwo kpobi awọ re a jọ abọ okokohọ na kpobi kẹdẹ kẹdẹ.

20 min: “Eghale nọ I Re No Ovuhumuo Odhesẹ kẹ Uyoyou Jihova Ze—Abọ avọ 2.”a Okenọ whọ tẹ be ta kpahe edhe-ẹme avọ 2-6, zizie ukoko na re a gbiku eware uduotahawọ nọ a rọ ẹro ruẹ evaọ okenọ a jẹ ta usiuwoma idudhe, ẹkwoma ileta ikere, gbe ẹkwoma ifonu. Ru ọruẹrẹfihotọ re a ru odhesẹvia ọvo hayo ivẹ erọ oghẹrẹ nọ e via dẹẹ.

Ole avọ 222 gbe olẹ ekuhọ.

Oka nọ O rọ December 17 Muhọ

Ole avọ 211

10 min: Iwhowhovia obonẹ. Iyẹrẹ epanọ igho e nya. Dhesẹ ọruẹrẹfihotọ usiuwoma ota obọdẹ rọkẹ December 25 gbe January 1.

22 min: “Yọrọ Ẹme Ọghẹnẹ Gbagba.” Kuọ odhesẹvia jọ nọ o muẹro ọrọ edhere usiuwoma ota nọ o rrọ edhe-ẹme avọ 4 na kugbe ei. Who ve je ru odhesẹvia ọ edhere ẹmeọta jọ nọ a rẹ rọ jọ obonẹ tuduhọ hayo kru ahwo udu ga, enọ eware nọ e be via evaọ akpọ e be kuye. A rẹ sai gbiku eware jọ nọ a nya ku kpẹkpẹe. Ta kẹ ogbotu na re a kpahe fihọ oware nọ a je roro nnọ Ebaibol na nọ a re ro ruiruo u re ru usiuwoma nọ a be ta na mai w’ẹgba.

13 min: “Me Wo Evawere Kpahe Isẹri Jihova Ha.” Ẹmeọta kugbe ogbotu nọ a re ru no omobe ọ Epanọ A ro Muhọ Jẹ Ruabọhọ Ebaibol E rọ Jiroro ze, ẹwẹ-obe avọ 9-10. Otẹrọnọ ahwo a rẹ kake gaviezọ họ fikinọ mai yọ Isẹri Jihova, eme whọ rẹ sae ta? Kaki ru ọruẹrẹfihotọ kpahe re iwhowho-uvie na e rehọ eme obọrai dhesẹ iyo nọ a jiroro rai evaọ etẹ na.

Ole avọ 225 gbe olẹ ekuhọ.

Oka nọ O rọ December 24 Muhọ

Ole avọ 218

10 min: Iwhowhovia obonẹ. Dhesẹ ebe nọ a ti fihọ ada evaọ January gbe ebe nọ ukoko na u wo. Rehọ iroro-ejẹ nọ a kẹ evaọ ẹwẹ-obe avọ 8 na ro ru idhesẹvia ekpẹkpẹ ivẹ erọ emagazini nọ a re fihọ ada, ọjọ ẹkwoma Uwou-Eroro ọ January 1 (iroro-ejẹ avivẹ) na, ọdekọ kọ ẹkwoma Awake! ọ January 8 na. Jọ uzoge o ru ọjọ.

10 min: “Isukulu Odibọgba Esuo-Ọghẹnẹ ọrọ 2002.” Ẹme nọ ọsẹro Isukulu na o re ru. Tuduhọ ahwo kpobi awọ re a se ẹme nọ a kẹ rae gboja.

25 min: “Isẹri-Ise—Rite Oka Akpọ Na.” Ẹmeọta kugbe ogbotu. Tuduhọ ahwo kpobi awọ re a roro gaga kpahe oware ofa nọ a rẹ sai ru re a rehọ emamọ usi na nyate amọfa oma, evaọ oria rai hayo oria nọ ẹgwọlọ ologbo ọ rrọ. Riobọ kpohọ Odibọgba Uvie Mai ọrọ July 2001, ẹwẹ-obe avọ 4. Evaọ February ma te kiẹ ividio na Noah—He Walked With God. Hayo ta kpahe Emamọ Iriruo—Kọ Who Bi Wo Erere No Ai Ze? Ẹme nọ ọkpako o re ru no Uwou-Eroro ọ July 1, 2000 (ọrọ Oyibo) ze, ẹwẹ-obe avọ 19-21.

Ole avọ 24 gbe olẹ ekuhọ.

Oka nọ O rọ December 31 Muhọ

Ole avọ 140

8 min: Iwhowhovia obonẹ. Kareghẹhọ iwhowho-uvie re a n’iyẹrẹ usiuwoma ota ọ December rai. Otẹrọnọ ukoko rai u te nwene oke iwuhrẹ evaọ ukpe okpokpọ na, tuduhọ ahwo kpobi awọ re a kpohọ ewuhrẹ ẹsikpobi evaọ oke okpokpọ na. Wha ruẹ nnọ enọ i wo isiuru gbe enọ e siọ iruo uvie ba no riẹriẹriẹ a riẹ kpahe enwene na.

15 min: Wha Kẹ Ekpako Ukoko Ororokẹ nọ U Fo Rai. Idibo iruiruo ivẹ hayo esa a rẹ t’ẹme kpahe Uwou-Eroro ọ June 1 1999, ẹwẹ-obe avọ 28-29. A rẹ t’ẹme kpahe iruo ibuobu nọ o gbahọ nọ ekpako e rẹ rẹrote, te iruo okọ rai, ewha-iruo uviuwou, gbe iruo Ọghẹnẹ. Roro kpahe idhere nọ ahwo kpobi a sae rọ tuduhọ ae awọ, ru owha rai vovo, jẹ nya lele ọkpọvio rai. Idibo iruiruo na a rẹ rọwo nnọ ekpako na a bi ru iruo eghaghae yọ a fo re a “riwi ae kpehru gaga.”—1 Tẹs. 5:12, 13.

22 min: “Bọ Ẹgba Ereghẹ Ra.”* Ọkpako ọ rẹ rehọ edhere ọjaja ro ru ọkiẹkpemu ọ ọruẹrẹfihotọ ẹdẹ okokohọ obọdẹ nọ a ru evaọ ukpe iruo nọ u kpo na.

Ole avọ 195 gbe olẹ ekuhọ.

Oka nọ O rọ January 7 Muhọ

Ole avọ 20

10 min: Iwhowhovia obonẹ.

20 min: Rehọ Uzuazọ Ra Ruiruo Ziezi. Ahwo uviuwou a rẹ t’ẹme no Uwou-Eroro ọ October 1, 1998, ze, ẹwẹ-obe avọ 29-30. Ọsẹ na ọ gwọlọ nọ ahwo uviuwou na a le edhere nọ ọ rẹ wha oghọghọ se ai viukpọ ẹruore ofofe. A rẹ kiẹ ohrẹ Ikereakere nọ o rrọ uzoẹme na nọ i dhesẹ edhere nọ a re ro wo evawere, tẹrovi ẹgwọlọ nọ a re ro dhesẹ orimuo, fi itee eghaghae họ, je fievahọ Jihova. A rẹ fodẹ uvi inwene nọ a rẹ sai ru wọhọ uviuwou.

15 min: Muẹrohọ Ọgwa Uvie Mai Na. Ẹme nọ ọkpako o re ru. Muẹrohọ uyero Ọgwa Uvie na. Omaa vẹ a bi ru kẹ orufuọ taure ehaa Ekareghẹhọ na i te te? Aruẹrẹ vẹ o gwọlọ nọ a re ru re oke oyena u te te? Dhesẹ oghẹrẹ nọ ukoko na o sae rọ kẹ uketha. Fiẹgba họ ẹgwọlọ nọ ma rẹ rọ ruẹ nnọ oria egagọ mai u dhesẹ erru gbe adhẹẹ nọ ma bi dhesẹ kpahe uwou Jihova na.—Ol. 84:1.

Ole avọ 126 gbe olẹ ekuhọ.

[Footnote]