Omaa Ewuhrẹ Odibọgba

Oka nọ O rọ February 11 Muhọ

Ole avọ 6

12 min: Iwhowhovia obonẹ. Iwhowhovia nọ a salọ no Odibọgba Uvie Mai ze. Tuduhọ ahwo kpobi awọ re a kiẹ Emuhọ 6:1 rite 9:19 riwi je rri ividio ọ Noah—He Walked With God (Noa—O Lele Ọghẹnẹ Nya) na evaọ omaruẹrẹhọ kẹ ẹmeọta-kugbe evaọ Ewuhrẹ Odibọgba ọrọ oka February 18 na.

20 min: “Whowho Ẹme Ọghẹnẹ na Vọvọ.”a (Edhe-ẹme 1-13) Ọsẹro ukoko na o re ru ei. Ẹmeọta ọjaja ọrọ oware nọ ma gwọlọ nọ ma re le t’obọ evaọ March gbe obaro. O gwọlọ re ohwo kpobi ọ rehọ ukeledẹ nọ a fihọ uko-obeva na rọ ma omaa nọ u re w’iruo nọ a re ro w’obọ evaọ odibọgba na te epanọ o rẹ sae lọhọ te evaọ March. Tuduhọ ahwo kpobi nọ o sae lọhọ kẹ awọ re a ru ọkobaro obufihọ evaọ amara yena. Okenọ whọ tẹ be ta kpahe edhe-ẹme avọ 7-8, yare ẹkpahefihọ mi ogbotu na re a ta kpahe eghale nọ ahwo nọ a ru ọkobaro evaọ ezi Ekareghẹhọ nọ o kpo na a reawere rai. Whowho nnọ ebe nọ a re ro fi odẹ hotọ kẹ iruo ọkobaro obufihọ e te jariẹ nọ ewuhrẹ nana ọ tẹ fa no.

13 min: Ta kpahe “Omaa Okpokpọ orọ Ẹdẹ Okokohọ Obọdẹ.” Whowho ideti ọ ẹdẹ okokohọ obọdẹ n’ọtha na, jẹ tuduhọ ahwo kpobi awọ re a jariẹ evaọ etoke ọruẹrẹfihotọ na kpobi. Tuduhọ iwhowho-uvie na awọ re a zizie ahwo ọkpokpọ nọ a wo isiuru gbe emọ-uwuhrẹ Ebaibol.

Ole avọ 49 gbe olẹ ekuhọ.

Oka nọ O rọ February 18 Muhọ

Ole avọ 95

10 min: Iwhowhovia obonẹ. Iyẹrẹ epanọ igho e nya.

15 min: “Ohwo Kpobi Ọ Sai Wuhrẹ no Ekasẹte Noah—He Walked With God Ze.” (Noa—O Lele Ọghẹnẹ Nya.) Nya ruọ ẹmeọta ividio ọ Noah na kugbe ogbotu na ovavo, ẹkwoma enọ nọ a fihọ ẹkpẹti nọ ọ rrọ ẹwẹ-obe nana ọvo. Evaọ April ma te kiẹ ividio ọ Young People Ask—How Can I Make Real Friends? na. Hayo, t’ẹme kpahe “Do You View Violent Ones as God” (Kọ Who bi Rri Ahwo Ozighi Wọhọ Epanọ Ọghẹnẹ O Rri Rai?) A re ru ei no Uwou-Eroro Na ọrọ April 15, 2000 (ọrọ Oyibo) ze, ẹwẹ-obe avọ 26-29.

20 min: “Whowho Ẹme Ọghẹnẹ na Vọvọ.” (Edhe-ẹme avọ 14-23) Ọsẹro usiuwoma ota o re ru ei. Kiẹ omaa obọdẹ nọ a bi ru evaọ obonẹ rọkẹ erubuo iruo evaọ March riwi. Dhesẹ omaa iwuhrẹ kẹ usiuwoma ota nọ a m’omaa riẹ kẹ amara na soso. T’ẹrovi ẹwariẹ rọwo ze ọrọ ahwo nọ a siọ iruo uvie ba no gbe obufihọ kẹ emọ gbe emọ-uwuhrẹ Ebaibol re a te wọhọ iwhowho-uvie nọ e te họ-ame he. Whowho edẹ ahwo nọ a ruọ ọkobaro obufihọ evaọ March, jẹ tuduhọ amọfa awọ re a rehọ oma olẹ roro kpahe epanọ a re ro ku oma gbe ai.

Ole avọ 215 gbe olẹ ekuhọ.

Oka nọ O rọ February 25 Muhọ

Ole avọ 174

15 min: Iwhowhovia obonẹ. Ru idhesẹvia ekpẹkpẹe ivẹ erọ emagazini nọ a re fihọ ada—ọjọ ẹkwoma Uwou-Eroro ọ March 1 (iroro-ejẹ ọsosuọ) na ọdekọ kọ ẹkwoma Awake! ọ February 22. Ru re uzoge o ru ọvo rai jọ. Kareghẹhọ iwhowho-uvie re a n’iyẹrẹ usiuwoma ota ọ February rai.

30 min: “Kọ Who bi Fi Eware nọ Who Wuhrẹ Evaọ Okokohọ Ubrotọ ọrọ ‘Otu-Iwuhrẹ Ẹme Ọghẹnẹ’ na h’Iruo?” Ẹmeọta ogbotu kpahe ọruẹrẹfihotọ okokohọ na, ọnọ owuhrẹ ọ Uwuhrẹ Uwou-Eroro na o re ru. Nọ who te ru ẹme-emuhọ uminiti ovo no, ghale iminiti 8-10 rọkẹ ọruẹrẹfihotọ okpẹdẹ ọvuọvo. Dhesẹ igogo-eme nọ e rrọ otọ uzoẹme-osese ovuovo kpẹkpẹe, whọ vẹ yare ẹkpahefihọ no obọ ogbotu na ze kpahe (1) epanọ a rọ daoma fi uthubro na h’iruo no, (2) epanọ a ro wo erere no ere oruo ze no, gbe (3) oware nọ a roro nọ u fo nọ a re ru. Rehọ enọ iroro ro ru ẹmeọta-kugbe na jọ jajaja. Fiobọhọ kẹ ahwo na kpobi re a vuhu ẹgwọlọ nọ a rẹ rọ rehọ eware nọ a wuhrẹ no ruiruo.

Ole avọ 151 gbe olẹ ekuhọ.

Oka nọ O rọ March 4 Muhọ

Ole avọ 207

5 min: Iwhowhovia obonẹ.

12 min: “Ẹme nọ Whọ rẹ Ta Kpahe Emagazini Na.” Nọ iwhowho-uvie kpahe oghẹrẹ nọ abọ Odibọgba Uvie Mai nana o ro fiobọhọ kẹ ae gaga thomakpahe no evaọ epanọ a rẹ rọ gba izoẹme emagazini na kugbe eware ebẹbẹ nọ e be via evaọ oke urere nana. Didi eware ahwo jọ a nyaku no evaọ omosasọ nọ a wha se ahwo gbe obufihọ kẹ ae evaọ eduku iyo nọ i no Ebaibol ze rọkẹ enọ nọ e rrọ idhọvẹ? Evaọ idhesẹvia ekpẹkpẹe ivẹ, dhesẹ epanọ a re ro fi Uwou-Eroro ọ March 1 (iroro-ejẹ avivẹ na) gbe Awake! ọ March 8 na họ ada.

12 min: Rehọ Obe Eriariẹ na Muọ Ebe-Uwuhrẹ Họ. Evaọ etoke March ma gwọlọ re ma daoma gaga muọ ebe-iwuhrẹ Ebaibol họ. Ta kpẹkpẹe kpahe oware nọ a rọ ẹro ruẹ nọ a gbiku riẹ evaọ Odibọgba Uvie Mai ọrọ December 2000 na, ẹwẹ-obe avọ 3, edhe-ẹme avọ 8. Otẹrọnọ ohwo jọ o muọ obe-uwuhrẹ họ kẹle na evaọ obe Eriariẹ na, ru odhesẹvia ọrọ epanọ a ro woi na dẹẹ. Kareghẹhọ ahwo kpobi “Iroro-ejẹ nọ A re ro Fi Obe ọ Eriariẹ na Họ Ada,” onọ o rrọ uko-obeva Odibọgba Uvie Mai ọrọ January 2002 na. Rehọ obe na ru odhesẹvia ọvo jọ evaọ usu iroro-ejẹ nọ e rrọ ẹwẹ-obe avọ 6 ọrọ uko-obeva na evaọ otọ “Edhere ọ Emuhọ Ovavo” na.

16 min: “Fikieme Ma jẹ Ruabọhọ Usiuwoma Ota?” Kuhọ ẹkwoma ọkiẹriwo ọ owhowho-uvie ọvo hayo ivẹ nọ e ruabọhọ usiuwoma ota te ikpe buobu no. Nọ re a dhesẹ iroro rai via kpahe oware nọ o soriẹ nọ a jẹ gbẹ ruabọhọ iruo nana gbe oghẹrẹ nọ o rọ kẹ ae erere no.

Ole avọ 223 gbe olẹ ekuhọ.

[Footnote]