Omaa Ewuhrẹ Odibọgba

Oka nọ O rọ May 13 Muhọ

Ole avọ 37

15 min: Iwhowhovia obonẹ. Iwhowhovia nọ a salọ no Odibọgba Uvie Mai ze. Ẹkwoma iroro-ejẹ nọ e rrọ ẹwẹ-obe avọ 8 na, ru re a ru odhesẹvia ọ epanọ a re ro fi Awake! ọ May 22 na họ ada. Evaọ odhesẹvia na, dhesẹ edhere nọ a rẹ rọ kpahe fihọ unoma na “Obọ mẹ o rọ oware.”—Rri omobe ọ Ebaibol E rọ Jiroro na, ẹwẹ-obe avọ 11-12.

15 min: “Eme Ma Rẹ Sai Wuhrẹ No Ai Ze?”a Fiobọhọ kẹ ahwo kpobi re a wo ovuhumuo ẹgwọlọ nọ a re ro fievahọ Jihova evaọ oke ẹbẹbẹ.

15 min: “Okokohọ Ubrotọ ‘Iwhowho Uvie Ajọwha’ ọ Isẹri Jihova ọrọ 2002.”* Ẹmeọta kpahe edhe-ẹme avọ 1-9 nọ okere-obe ukoko na o re ru. Nọ whọ tẹ be ta kpahe edhe-ẹme avọ 3, fodẹ ẹwho gbe edẹ okokohọ nọ a ghale ukoko rai fihọ.

Ole avọ 219 gbe olẹ ekuhọ.

Oka nọ O rọ May 20 Muhọ

Ole avọ 13

9 min: Iwhowhovia obonẹ. Iyẹrẹ epanọ igho e nya.

18 min: “Okokohọ Ubrotọ ‘Iwhowho Uvie Ajọwha’ ọ Isẹri Jihova ọrọ 2002.” Ẹmeọta kpahe edhe-ẹme avọ 10-19 nọ ọkpako ukoko jọ o re ru. Fiobọhọ kẹ ahwo kpobi re a wo ovuhumuo oware nọ o jẹ r’oja re ma muẹrohọ uruemu mai evaọ ẹgbede.

18 min: “Kọ Whẹ Yọ Oleleikristi nọ Ọ ‘Kpako’?” Ẹme nọ ọkpako ọ rẹ ta no Uwou-Eroro ọ August 15, 2000, ẹwẹ-obe avọ 26-29 ze (ọrọ Oyibo).

Ole avọ 169 gbe olẹ ekuhọ.

Oka nọ O rọ May 27 Muhọ

Ole avọ 208

12 min: Iwhowhovia obonẹ. Kareghẹhọ iwhowho-uvie re a n’iyẹrẹ usiuwoma ota ọ May rai. Ẹkwoma iroro-ejẹ nọ e rrọ ẹwẹ-obe avọ 8 na, ru re owhowho-uvie nọ ọ kpako no o ru odhesẹvia epanọ a re ro fi Uwou-Eroro ọ June 1 na họ ada who ve je ru re owhowho-uvie ọmaha o dhesẹ epanọ a re ro fi Awake! ọ June 8 na họ ada. Nọ a te ru odhesẹvia ọvuọvo no, kpahe fihọ epanọ a sai ro kuọ ikereakere jọ kugbe ẹmeọta na lọlọhọ.

15 min: “Kọ Ukoko Rai U Wo Ẹkwotọ Ologbo?” Ẹme gbe iroro-ejẹ ogbotu nọ ọsẹro usiuwoma ota o re ru. (Ikoko nọ i wo ẹkwotọ ọkakao a rẹ sae kiẹ uzoẹme na “Rehọ Oke Ra Ruiruo Ziezi” riwi, evaọ Odibọgba Uvie Mai ọrọ June 1999.) Dhesẹ epanọ ẹkwotọ ukoko na ọ rro te gbe abọ riẹ nọ a sai ru re evaọ ukpe iruo nọ u kpemu na. Dhesẹ epanọ a sai ro fi iroro-ejẹ nọ a kẹ na h’iruo evaọ obonẹ. Kiẹ omaa nọ a bi ru re a ruẹsi ru ẹkwotọ nọ a rẹ nya kẹse kẹse he na re evaọ obaro.

18 min: “Whọ be Rehọ Ibroshọ Gwọlọ na ro Muọ Ebe-Iwuhrẹ Họ?” (Ohwo kpobi ọ rẹ wha uko-obeva ọ Odibọgba Uvie Mai ọrọ January 2002 na lele oma ze kẹ ẹme nana.) Muhọ avọ owhowho-uvie nọ ọ ruẹrẹ oma kpahe ziezi nọ o re ru odhesẹvia epanọ a re ro mu uwuhrẹ họ, ẹkwoma oriruo nọ ọ rrọ edhe-ẹme avọ 3 na. O te ru ei no, fodẹ igogo abọ isiuru ibroshọ na jọ, je dhesẹ epanọ a rọ ruẹrẹ iẹe họ kẹ emuhọ ebe-uwuhrẹ. Dhesẹ aghare ẹkiẹriwo idhere ẹmeọta nọ a jiroro rai evaọ uko-obeva ọ January 2002 na. Nọ ogbotu na re a dhesẹ iroro-ejẹ nọ i w’iruo kẹ ae no. Kuhọ ẹkwoma ẹwariẹ odhesẹvia obehru na.

Ole avọ 93 gbe olẹ ekuhọ.

Oka nọ O rọ June 3 Muhọ

Ole avọ 178

15 min: Iwhowhovia obonẹ. Ru ọruẹrẹfihotọ re iwhowho-uvie jọ i gbiku irere nọ a wo fiki iruo ọkobaro obufihọ hayo ọrọ oke-kpobi na nọ a ru evaọ March, April, hayo May. Kiẹ Ẹkpẹti Onọ na riwi.

15 min: Epanọ Ebe Society E rọ Rehọ Efafa Ebaibol Efa Ruiruo. Ẹmeọta ọkpẹkpẹe nọ ọ rẹ karo kẹ ẹmeọta-kugbe ogbotu. Ebaibol na họ udu ẹmeọta mai. Ẹme Ọghẹnẹ o rrọ fikiere ma rẹ t’ẹme noi ze ẹsikpobi evaọ odibọgba mai. Evaọ abọ ologbo ọrọ ikpe udhusoi jọ, Ebaibol ọ King James Version, Douay Version ọrọ Roman Kathọlik, hayo efafa efa kpobi nọ i t’omai obọ ma ro wuhrẹ uzẹme na kpahe Jihova gbe ẹjiroro riẹ. Fibae, ma rehọ efafa nana enọ e mai lehie na ro whowho uzẹme na kpahe uyero iwhuowhu, usu nọ o rrọ udevie Ọghẹnẹ avọ Ọmọ riẹ, gbe oware nọ uthuru okakao jọ ọvo a je bi kpohọ odhiwu. Ahwo nọ a riẹ kpahe omai a tẹ jẹ riẹ nnọ ma gbẹ be rehọ efafa Ebaibol buobu ro ruiruo evaọ iruo usiuwoma ota akpọ soso mai. Fikiere, whọ rẹ ruẹ orukpẹre edẹ Ebaibol efa wọhọ AS, AT, By, ED, Int, KJ, Kx, JB, JP, NE, Ro, TEV, Yg, nọ a riobọhọ evaọ ebe mai. Dede na, anwọ 1961 ze ma reawere eroruiruo ọ New World Translation no, avọ efafa eme riẹ nọ a ru kpokpọ jẹ fa gbunu jẹ lọhọ ese. Ta kpahe unuovẹvẹ nọ a kẹ evaọ ukere Uwou-Eroro Na ọrọ October 1, 1997, ẹwẹ-obe avọ 16, edhe-ẹme avọ 2, gbe ẹwẹ-obe avọ 20 edhe-ẹme avọ 15 na. Ẹkwoma eroruiruo efafa efa nọ a riobọhọ evaọ ẹwẹ-obe avọ 39-43 ọrọ obe ọ Whọ Sae Ria Bẹdẹ Bẹdẹ eva Aparadase ọ Otọakpọ na, zizie ogbotu na re a dhesẹ oriruo epanọ ẹwawo efafa sa-sa o sai ro fiobọhọ evaọ ẹferevia ọrue ọ uwuhrẹ esanerọvo na gbe ewuhrẹ uzẹme na kpahe Ọghẹnẹ.

15 min: “Ẹrọwọ Mai Ọ rẹ w’Omai Ruiruo Ezi.” Okenọ whọ tẹ be ta kpahe edhe-ẹme avọ 2, kiẹ Osẹri ajọwha jọ riwi. Ru re owhowho-uvie na o dhesẹ oghẹrẹ nọ isẹri-ise kẹ amọfa e rọ rrọ odhesẹvia gbe ọbọga ẹrọwọ riẹ.

Ole avọ 56 gbe olẹ ekuhọ.

[Footnote]