Omaa Ewuhrẹ Odibọgba

Oka nọ O rọ July 8 Muhọ

Ole avọ 201

15 min: Iwhowhovia obonẹ. Iwhowhovia nọ a salọ no Odibọgba Uvie Mai ze. Ẹkwoma iroro-ejẹ nọ e rrọ ẹwẹ-obe avọ 4 na, ru idhesẹvia ivẹ sa-sa erọ epanọ a re ro fi Uwou-Eroro ọ August 1 (iroro-ejẹ ọsosuọ) gbe Awake! ọ July 22 na họ ada. Evaọ idhesẹvia ivẹ na, dhesẹ edhere ọfa sa nọ a rẹ rọ kpahe fihọ ẹme nọ a re ro bru ẹmeọta dhe na “Mai nọ e rrọ etenẹ Ileleikristi.”—Rri omobe na Ebaibol E rọ Jiroro, ẹwẹ-obe avọ 11.

10 min: Ẹkpẹti Onọ. Ẹme nọ ọkpako o re ru, o ve dhesẹ epanọ ẹme na o ro kie kpahe uyero oria rai.

20 min: Oma Oruẹrẹhọ re A Se Isẹri Ọnyakuo. Ẹmeọta ogbotu ọrọ obe na Our Ministry, ẹwẹ-obe avọ 93-94. Ẹkwoma iroro-ejẹ nọ e rrọ ẹwẹ-obe ọsosuọ uko-obeva Odibọgba Uvie Mai ọrọ January 2002 na, ru idhesẹvia ekpẹkpẹe ivẹ hayo esa erọ idhere nọ a re ro se isẹri ọnyakuo kẹ ọrara, ọrivẹ, omoni, hayo ogbẹrioma.

Ole avọ 139 gbe olẹ ekuhọ.

Oka nọ O rọ July 15 Muhọ

Ole avọ 144

10 min: Iwhowhovia obonẹ. Iyẹrẹ epanọ igho e nya.

15 min: Ẹgwọlọ ukoko.

20 min: Uvi Ẹjiroro nọ Ma rẹ rọ Rehọ Ebaibol na Ruiruo Evaọ Odibọgba Mai. Ẹmeọta gbe iroro-ejẹ ogbotu. Jesu ọ riẹ Ikereakere na jẹ ta ẹme no ai ze ẹsibuobu nọ o je wuhrẹ. (Luk 24:27, 44-47) O je wuhrẹ eme obọriẹ hẹ. (Jọn 7:16-18) O r’oja re ma rehọ Ẹme Ọghẹnẹ ruiruo re. U wo ogaga vi oware kpobi nọ ma rẹ ta no uzou mai ze. (Jọn 12:49, 50; Hib. 4:12) Omosasọ gbe ẹruore nọ Ikereakere na e rẹ kẹ i re si ahwo oruọzewọ urru. Ru ei fihọ ute ra re, o tẹ kawo, who se ikere Ebaibol ọvo jọ evaọ ẹmeọta ra. Dhesẹ nnọ a ku ikereakere jọ kugbe edhere ọ efihọ ada emagazini nọ a j’iroro riẹ evaọ amara nana. Yare eme jọ no ogbotu na ze kpahe epanọ a be rọ rehọ Ebaibol na ruiruo evaọ odibọgba na gbe iyẹrẹ nọ onana u wo no evaọ omarai gbe ahwo nọ a ta usiuwoma kẹ.

Ole avọ 215 gbe olẹ ekuhọ.

Oka nọ O rọ July 22 Muhọ

Ole avọ 47

10 min: Iwhowhovia obonẹ. Ọyewọ avọ ọmọ nọ a bi ru iruo kugbe evaọ usiuwoma ota a re ru odhesẹvia epanọ a rẹ rọ rehọ iroro-ejẹ nọ e rrọ ẹwẹ-obe avọ 4 na ro fi emagazini ọ August 1 (iroro-ejẹ avivẹ) gbe August 8 na họ ada. Ọjọ o re fi Uwou-Eroro Na họ ada, ọdekọ o ve fi Awake! na họ ada. Ta udu họ esẹgbini awọ re a rọ ẹmẹrera wuhrẹ emọ rai re a nya haro evaọ odibọgba na.

17 min: “Dhesẹ Uvi Ovuhumuo kẹ Ebe Mai”a Fi ẹgba họ epanọ u w’uzou te re a vuhu uvi isiuru taure a tẹ te rọ obe kẹ ohwo nọ ma be ta usiuwoma kẹ. O te dhesẹ umutho isiuru ọvo a sae kẹe omobe-ovẹvẹ.

18 min: Ẹvẹ Mẹ Sae Rọ Whaha Enwoma ọ Itanẹte? Ẹmeọta gbe iroro-ejẹ ogbotu ro no uko-obeva ọ Odibọgba Uvie Mai ọrọ November 1999 ze, ẹwẹ-obe avọ 3-6, edhe-ẹme 1-31. Fodẹ ẹta ọ eroruiruo odode ọrọ itanẹte, je dhesẹ epanọ a rẹ rọ whaha ekie ruọ ẹta na. Zizie ogbotu na re a ta kpahe epanọ a ro wo erere no efihiruo ohrẹ nana ze no.

Ole avọ 61 gbe olẹ ekuhọ.

Oka nọ O rọ July 29 Muhọ

Ole avọ 54

10 min: Iwhowhovia obonẹ. Kareghẹhọ iwhowho-uvie re a n’iyẹrẹ usiuwoma ota ọ July rai.

15 min: “Okpomahọ Ividio Nọ I Re Se Isẹri.” Ẹmeọta ogbotu. Rri te enẹna, ma kiẹ ividio 11 riwi no evaọ ọruẹrẹfihọ Ewuhrẹ Odibọgba na. Nọ whọ ta kpẹkpẹe kpahe iriruo nọ a fodẹ eva uzoẹme na no, ta kẹ iwhowho-uvie na re a gbiku obokparọ nọ a wo no evaọ ividio nọ a dhesẹ kẹ amọfa.

20 min: “Wha Wo Okugbe Ọvo.” Okenọ whọ tẹ be ta kpahe edhe-ẹme avọ 3, ku eme jọ kugbe i ro no Awake! ọ April 22, 2000, na ze, ẹwẹ-obe avọ 9-10. Ku eme jọ kugbe edhe-ẹme avọ 4 na ro no Uwou-Eroro ọ April 1, 1995 (ọrọ Oyibo) ze, ẹwẹ-obe avọ 16-17, edhe-ẹme avọ 4-6.

Ole avọ 81 gbe olẹ ekuhọ.

Oka nọ O rọ August 5 Muhọ

Ole avọ 38

10 min: Iwhowhovia obonẹ.

20 min: “Ekokohọ Ahwo No Evẹrẹ Kpobi Ze.” Ku eme jọ kugbe i ro no Uwou-Eroro ọ April 1, 2002, (ọrọ Oyibo) ze, ẹwẹ-obe avọ 24. U te fo, dhesẹ kpẹkpẹe oware nọ a bi ru re a fi obọ họ kẹ enọ e rrọ ẹkwotọ rai nọ a rẹ ta evẹrẹ efa, je ru odhesẹvia edhere ẹmeọta nọ ọ rrọ edhe-ẹme avọ 4 na.

15 min: Eware nọ a rọ ẹro ruẹ evaọ obonẹ. Zizie ogbotu na re a gbiku eware ọbọga nọ a rọ ẹro ruẹ evaọ ekpohọ okokohọ okogho hayo ọrọ obọdẹ, iruo ọkobaro obufihọ, hayo abọ owo evaọ iruo abọ-ẹzi efa nọ a ru evaọ udevie ukpe na.

Ole avọ 184 gbe olẹ ekuhọ.

[Footnote]