Ẹme nọ Whọ rẹ Ta Kpahe Emagazini Na

Awake! Aug. 22

“Kọ whọ ruawa no ẹdẹjọ inọ ẹbẹbẹ enua ọrọ ohwo-akpọ ọ be vabọ no? [Kuvẹ kẹ uyo.] Ugogo oware jọ nọ o be wha ẹbẹbẹ na ze họ eware nọ a bi mu kufiẹ. Jesu o wuhrẹ ilele riẹ nnọ a mu eware kufiẹ hẹ. [Se Jọn 6:12.] Emagazini nana o dhesẹ epanọ elele ehri-izi Ebaibol o rẹ sai ro fi obọ họ kẹ iviuwou whaha uruemu ọ omu-kufiẹ.”

Uwou-Eroro Na Sept. 1

“Ahwo buobu a ta nnọ a fi ẹrọwọ họ Kristi Jesu. Dede na, kọ aikpobi a be rọ aro kele oriruo owoma riẹ evaọ idhere nọ a bi ro ru eware? [Kuvẹ kẹ uyo.] Uzoẹme nana u dhesẹ epanọ ma sae rọ raro kele Jesu wọhọ epanọ a tuduhọ omai awọ evaọ 1 Pita 2:21. [Se ikere na.] U mu omẹ ẹro nnọ o te kẹ owhẹ erere nọ who te se i.”

“Kọ who roro kpahe oware nọ u ru Jesu fihọ ohwo nọ ọ viodẹ te epanọ ahwo a rọ ta nnọ a rrọ ilele riẹ? [Kuvẹ kẹ uyo.] Muẹrohọ epanọ ewuhrẹ riẹ o kpomahọ ahwo nọ a jẹ kezọ kẹ e ẹdẹjọ. [Se Luk 4:22.] U mu omẹ ẹro nnọ whọ te gwọlọ riẹ viere kpahe iwuhrẹ Jesu gbe ekwakwa nọ e lẹliẹ e riẹ si ahwo urru. Emagazini nana o ti fi obọ họ kẹ owhẹ ru ere.”

Awake! Sept. 8

“Rọkẹ ahwo buobu nẹnẹ, uzuazọ o vọ avọ awa. [Se Ọtausiwoma Na 9:11.] Diẹse a sae jọ duku ọkpọvio nọ a rẹ sai fi eva họ? [Kuvẹ kẹ uyo.] Ahwo jọ a rẹ kpọ ovao bru ẹvagba. Kọ edhere nana ọ rẹ sai dhesẹ obaro ra? Diẹse whọ sae jọ duku evuẹ nọ a rẹ sai fi eva họ kpahe obaro na? Awake! nana ọ kẹ iyo na.”