Omaa Ewuhrẹ Odibọgba

MUẸROHỌ: Odibọgba Uvie Mai ọ te m’omaa Ewuhrẹ Odibọgba kẹ oka kpobi evaọ etoke okokohọ na. Ikoko e rẹ sai ru inwene wọhọ epanọ o gwọlọ re o k’uvẹ kẹ ekpohọ Okokohọ Ubrotọ “Iwhowho Uvie Ajọwha” na. Evaọ Ewuhrẹ Odibọgba urere taure a te ti kpohọ okokohọ na, rehọ iminiti 15 kiẹ igogo ithubro nọ e rrọ uko-obeva Odibọgba Uvie Mai orọ amara nana nọ i kie kpahe ukoko na riwi. Evaọ etoke amara February 2003, a te ruẹrẹ omaa Ewuhrẹ Odibọgba jọ soso họ re a rọ kiẹ igogo eme okokohọ na riwi. Evaọ omaruẹrẹhọ kẹ ẹmeọta ọyena, mai kpobi ma rẹ sai kere eme nọ i wuzou fihotọ eva okokohọ na, kugbe igogo eme nọ ma gwọlọ fihọ iruo evaọ uzuazọ omobọ mai gbe evaọ iruo odibọgba na. Kẹsena ma vẹ sae ruẹrẹ oma kpahe re ma dhesẹ epanọ ma ro fi iroro-ejẹ eyena họ iruo anwẹnọ ma ro no okokohọ na kpozi no. O te bọ omai ohwohwo ga re ma yo epanọ ma ro wo erere no emamọ ithubro nọ ma wo na ze.

Oka nọ O rọ September 9 Muhọ

Ole avọ 209

15 min: Iwhowhovia obonẹ. Iwhowhovia nọ a salọ no Odibọgba Uvie Mai ze. Ẹkwoma iroro-ejẹ nọ e rrọ ẹwẹ-obe avọ 8 na, ru idhesẹvia ivẹ erọ epanọ a re ro fi Awake! ọ September 22 na họ ada. Dhesẹ edhere nọ a rẹ rọ kpahe fihọ unoma na “Me wo evawere kpahe Isẹri Jihova ha.”—Rri omobe na Ebaibol E rọ Jiroro, ẹwẹ-obe avọ 9-10.

15 min: “Obọdẹ Uduotahawọ Rọkẹ Ohwohwo.” Ẹmeọta kẹ ogbotu. Bọ ẹruore kẹ ekpohọ okokohọ ubrotọ na. Ta udu họ ahwo kpobi awọ re a jariẹ evaọ abọ okokohọ na kpobi, no ohiohiẹ Edisoi-Oka rite uvo Ẹdoka.

15 min: “Hai Le Oware Ezi Ẹsikpobi.”a Fi ẹgba họ ẹgwọlọ re a nya lele ọruẹrẹfihotọ ẹko-iruo uwou nọ a ru kẹ erere mai na. Fiẹgba họ ekareghẹhọ ene nọ e rrọ edhe-ẹme avọ 2 na. Dhesẹ oware nọ o jẹ r’oja re ohwo kpobi o dhesẹ emamọ uruemu.

Ole avọ 115 gbe olẹ ekuhọ.

Oka nọ O rọ September 16 Muhọ

Ole avọ 163

10 min: Iwhowhovia obonẹ. Iyẹrẹ epanọ igho e nya.

15 min: “Ru Ẹgwọlọ Abọ-Ẹzi Ra Gba.” Ẹmeọta gbe iroro-ejẹ ogbotu. Ta kpahe oware nọ u je fo re ahwo kpobi a kezọ kẹ ọruẹrẹfihotọ okokohọ na ziezi. Fi ẹgba họ ẹgwọlọ nọ ma re ro fi eware nọ ma wuhrẹ họ iruo viukpenọ ma re yo ọvo. T’ẹme te ọjọriẹ obehru na kpahe oware nọ a m’omaa riẹ fihọ kẹ Ewuhrẹ Odibọgba jọ evaọ February 2003 na, onọ a te jọ ru ọkiẹkpemu okokohọ ubrotọ na. Ta udu họ ahwo kpobi awọ re a kere eme fihọ otọ. Ru re ahwo jọ a ta umutho eme jọ kpahe irere nọ a wo no ọruẹrẹfihotọ ukpe n’ukpo ze.

20 min: “Owowa Evaọ Ẹgọ gbe Osẹ.” Ọkpako ukoko o re ru ei, o re se edhe-ẹme ọvuọvo nọ a tẹ ta kpahe iẹe no. Fi obọ họ kẹ ahwo kpobi re a vuhu oware nọ u je w’uzou re ma yọrọ oma kpahe ẹgọ mai evaọ ẹgbede.

Ole avọ 169 gbe olẹ ekuhọ.

Oka nọ O rọ September 23 Muhọ

Ole avọ 107

10 min: Iwhowhovia obonẹ. Ẹkwoma iroro-ejẹ nọ e rrọ ẹwẹ-obe avọ 8 na, ru re ọkpako ukoko o ru odhesẹvia ọ epanọ a re ro fi Uwou-Eroro ọ October 1 na họ ada je ru re odibo oruiruo o dhesẹ epanọ a re ro fi Awake! ọ October 8 na họ ada. Nọ a te ru odhesẹvia ọvuọvo no, wariẹ ta uhiẹ-ẹme ọvo hayo ivẹ erọ eme emuhọ nọ a rọ kpare isiuru ọnọ o wo uwou na.

20 min: “Obufihọ kẹ Amọfa re A Kẹ Jihova Orro.” Oke o tẹ riẹ, fodẹ owọ ẹme ọvo hayo ivẹ jọ nọ i re w’iruo ziezi evaọ obe ọ Reasoning From the Scriptures na, ẹwẹ-obe avọ 196-199.

15 min: Edikihẹ kẹ Uzẹme na Eva Obọ Isukulu. Kiẹ uzoge ọvo hayo ivẹ nọ e rrọ isukulu nọ i vuhu ẹgwọlọ nọ a re ro ru usu rai kugbe ibe emọ-eklase nọ e rrọ ukoko ho kpẹre. Ẹvẹ a jiroro nnọ a rẹ rọ rẹriẹ aro dhe use-abọ gbe urusio ọ ehaa orẹwho, ile-igbe gbe egwae otu isukulu, arozaha nọ ọ rrọ ọruẹrẹfihotọ isukulu hu, gbe uruemu ugbegbe? Dhunu te idhere nọ a jiroro nnọ a re ro se-isẹri evaọ obọ isukulu.

Ole avọ 171 gbe olẹ ekuhọ.

Oka nọ O rọ September 30 Muhọ

Ole avọ 116

5 min: Iwhowhovia obonẹ. Kareghẹhọ iwhowho-uvie re a n’iyẹrẹ usiuwoma ota ọ September rai.

10 min: Ẹgwọlọ Ukoko.

15 min: Eme O Ru Emagazini Mai Viodẹ? Ẹme gbe iroro-ejẹ ogbotu. Evaọ etoke October ma ti fi Uwou-Eroro Na gbe Awake! họ ada. Ta kpahe eware nọ e lẹliẹ emagazini na viodẹ: (1) E rẹ kpare odẹ Jihova kpehru. (2) E rẹ ta udu họ ahwo awọ re a fi ẹrọwọ họ Jesu. (3) I re whowho Uvie Ọghẹnẹ. (4) E rẹ kpọ iroro ahwo kpohọ Ebaibol na wọhọ obe udu nọ a re fi eva kpobi họ. (5) I re dhesẹ orugba eruẹaruẹ Ebaibol. (6) I re dhesẹ uvi otofa eware nọ e be via evaọ akpọ na. (7) I re dhesẹ epanọ a re ro thihakọ ebẹbẹ inẹnẹ. (8) E rẹ kpare isiuru ahwo kpobi. (9) E rẹ jọ uvumọ abọ evaọ esuo-ohrowo ho. Ru idhesẹvia ekpẹkpẹe ivẹ, enọ ọvuọvo rai o re dhesẹ epanọ a rẹ rọ rehọ ẹjiroro nana jọ mu ẹmeọta họ.

15 min: “Dhesẹ Ovuhumuo kẹ Ekwakwa nọ A Ruẹrẹhọ kẹ Iruo Ọghẹnẹ.” Ọkpako ukoko o re ru ei. Ku eme jọ kugbe ei kpahe eware nọ a mu ẹro họ no evaọ obonẹ gbe oware nọ ukoko na o rẹ sai ru re a rehọ ebe mai ruiruo evaọ edhere areghẹ. Ta udu họ ahwo kpobi awọ re a ru ayare ebe rai mu unu nọ a ghinẹ gwọlọ ọvo. Kareghẹhọ uvẹ-ọghọ nọ a re ro ru azọhọ unevaze rọ tha iruo akpọ soso na uke.—Rri “Ghale Kugbe Amọfa Wọhọ Epanọ Ẹgwọlọ Rai Ọ Rrọ,” evaọ Odibọgba Uvie Mai ọrọ July 2000, ẹwẹ-obe avọ 3.

Ole avọ 21 gbe olẹ ekuhọ.

Oka nọ O rọ October 7 Muhọ

Ole avọ 129

10 min: Iwhowhovia obonẹ.

15 min: Ẹvẹ Ma Ru Te Evaọ Ukpe n’Ukpo? Ẹme nọ ọsẹro usiuwoma ota o re ru. Ta kpahe abọ nọ ọ viodẹ evaọ iyẹrẹ ukpe iruo ọ 2002 ọrọ ukoko na. Jiri ahwo kpobi kẹ eware iwoma nọ a ru. Tọ ẹro vi epanọ ukoko na u ru te evaọ iwuhrẹ enya, ozihebro gbe ebe-iwuhrẹ Ebaibol, gbe evaọ iruo ọkobaro obufihọ, re whọ kẹ iroro-ejẹ jọ nọ i re fi obọ họ ru ẹnyaharo. Fi itee nọ a rẹ sai le mu họ kẹ ukpe n’otha na.

20 min: “Whaha Ilale ọ ‘Eware Ifofe.’” Nọ whọ tẹ ta kpahe edhe-ẹme avọ 4 no, ku eme jọ kugbe ei no uko-obeva Odibọgba Uvie Mai ọrọ November 1999, edhe-ẹme avọ 30-32 na ze. Nọ whọ tẹ be ta kpahe edhe-ẹme avọ 5 na, ku eme jọ kugbe ei no ẹkpẹti nọ ọ rrọ Uwou-Eroro ọ August 1 2000, ẹwẹ-obe avọ 6, edhe-ẹme avọ 2-3 ze. Ro fiba edhe-ẹme avọ 6 na, se edhe-ẹme avọ 18 evaọ uko-obeva Odibọgba Uvie Mai ọrọ November 1999 na.

Ole avọ 105 gbe olẹ ekuhọ.

[Footnote]