Omaa Ewuhrẹ Odibọgba

Oka nọ O rọ October 14 Muhọ

Ole avọ 103

10 min: Iwhowhovia obonẹ. Iwhowhovia nọ a salọ no Odibọgba Uvie Mai ze. Tudu họ ahwo kpobi awọ re a kiẹ eme nọ a kere fihọ otọ no ọruẹrẹfihotọ okokohọ okogho nọ ọ vrẹ na ze evaọ omaruẹrẹhọ kẹ Ewuhrẹ Odibọgba oka n’otha. Ẹkwoma iroro-ejẹ nọ e rrọ ẹwẹ-obe avọ 7 na, ru odhesẹvia epanọ a re ro fi Awake! ọ October 22 na họ ada. Dhesẹ edhere jọ nọ a rẹ rọ kpahe fihọ unoma na “Mẹ riẹ kpahe iruo rai gaga no.”—Rri omobe na Ebaibol E rọ Jiroro, ẹwẹ-obe avọ 12.

15 min: Ẹgwọlọ ukoko na.

20 min: “Epanọ Esẹro ọ Uwuhrẹ Obe Ukoko A Re Ro Dhesẹ Isiuru.” Ẹmeọta-kugbe ọrọ enọ gbe iyo nọ ọsẹro Uwuhrẹ Obe Ukoko o re ru. Evaọ eme-emuhọ ra, ta kpẹkpẹe kpahe epanọ ọruẹrẹfihọ uwuhrẹ obe ukoko na o ro muhọ. (jv-E 237, edhe. 4) Ru ọruẹrẹfihotọ re iwhowho-uvie ivẹ hayo esa e ta kpahe epanọ a ro wo erere no isiuru nọ a dhesẹ kẹ ae no ẹkwoma Uwuhrẹ Obe Ukoko na.

Ole avọ 65 gbe olẹ ekuhọ.

Oka nọ O rọ October 21 Muhọ

Ole avọ 206

10 min: Iwhowhovia obonẹ. Iyẹrẹ epanọ igho e nya.

15 min: “Mai Yọ Ibe Iruiruo Ọghẹnẹ.” Ọsẹro usiuwoma ota na o re ru ẹme na. Ru re a se idhe-ẹme avọ 5 re whọ ruẹ nnọ a wo otoriẹ ẹme na ziezi.

20 min: “Dhozọ Ọghẹnẹ Jẹ Rehọ Oruaro Kẹ E.” (Evia. 14:7) Ẹmeọta gbe iroro-ejẹ ogbotu nọ a rẹ rọ kiẹ ọruẹrẹfihotọ okokohọ okogho nọ a ru evaọ enukpe nana riwi. Ziezi ukoko na re a gbiku eme jọ nọ i w’uzou nọ a wuhrẹ jẹ kpahe epanọ a sai ro fi ai họ iruo kẹ omobọ rai hayo wọhọ uviuwou. (A rẹ sae rọ abọjọ kẹ ahwo kpahotọ re ẹdẹ na o te te.) Ta kpahe abọ ọruẹrẹfihotọ nana: (1) “Fiobọhọ kẹ Ahwo Ọkpokpọ Bọ Ozodhẹ Ọghẹnẹ.” Ẹvẹ ma sai ro fi obọ họ kẹ ahwo nọ a wo isiuru nọ a kpohọ Ekareghẹhọ na re a nyaharo je zihe ruọ idibo Jihova nọ e rọ jajaja? (2) “Ozodhẹ Jihova U Dhesẹ Emukpahe Emuemu.” (w87-E 4/15 16-18) Ẹvẹ Itẹ 6:16-19 ọ sai ro fi obọ họ k’omai si oma no eware nọ Jihova o mukpahe—omoya, ọrueọta ilale ekwakwa-efe, aroza omawere nọ o kiehọ họ, itanẹte nọ a re ro ruiruo thọthọ? (3) “Si Kẹle Ahwo nọ Who You Kpekpe Viere.” Ma you Jihova, Jesu ahwo uviuwou mai, amọfa evaọ ukoko na; nọ ma te si kẹle ae, ẹvẹ o rẹ rọ thọ omai no akpọ na? (4) “Dhozọ Jihova, Orọnikọ Ahwo-Akpọ Họ.” Ẹvẹ ozọ eva nọ who re ru Jihova dha u ro fi obọ họ k’owhẹ fi ozodhẹ kparobọ no evaọ okenọ whọ tẹ be ta usiuwoma, rọ nya lele ehri-izi ọ Ọghẹnẹ eva iruo hayo isukulu, hayo rọ dadamu kẹ otunyẹ ọ ọga iruo re whọ siọ iwuhrẹ hayo ikokohọ ba ẹnya? (5) “Ru Eware Kpobi Rọkẹ Ọghẹnẹ Orro.” (Ol. 119:37; Hib. 4:13) Fikieme ozodhẹ Ọghẹnẹ u je ru omai whaha udi-oda vrẹta, eriwi ifoto ẹbẹba, hayo izieraha idhere efa nọ ma rẹ thọ? (6) “Gbẹ Hae Nya Evaọ Ozodhẹ Jihova.” Ẹvẹ Jihova ọ rọ ghale owhẹ no fiki uvẹ nọ whọ kẹ re ẹzi riẹ o ruiruo vọvọ evaọ uzuazọ ra?—Ol. 31:19; 33:18 34:9, 17; 145:19.

Ole avọ 171 gbe olẹ ekuhọ.

Oka nọ O rọ October 28 Muhọ

Ole avọ 110

8 min: Iwhowhovia obonẹ. Ta udu họ ahwo kpobi awọ re a kiẹ eme nọ a kere fihọ otọ evaọ ọruẹrẹfihotọ edẹ okokohọ obọdẹ na riwi evaọ omaruẹrẹhọ kẹ ẹmeọta kugbe eva Ewuhrẹ Odibọgba oka n’otha. Kareghẹhọ iwhowho-uvie re a si obọ no iyẹrẹ usiuwoma ota ọ October rai. Ẹkwoma iroro-ejẹ nọ e rrọ ẹwẹ-obe avọ 8 na, ru re oniọvo-ọmọtẹ o ru odhesẹvia epanọ a re ro fi Uwou-Eroro ọ November 1 na họ ada, who ve je ru re oniọvo-ọmọzae jọ o dhesẹ epanọ a re ro fi Awake! ọ November 8 na họ ada. Nọ a te ru odhesẹvia ọvuọvo no, fi ẹgba họ abọ jọ nọ o w’iruo ziezi evaọ odhesẹvia na.

12 min: Eware nọ a rọ ẹro ruẹ evaọ obonẹ. Zizie ukoko na re a gbiku eware isiuru nọ a rọ ẹro ruẹ evaọ okenọ a je se-isẹri ọnyakuo eva obọ iruo, obọ isukulu, okenọ a jẹ dẹ eware, gbe oke ofa.

25 min: “Ekpohọ Orẹwho Ofa Evaọ Edhere nọ O Wọso Uzi—Yọrọ Oma Kẹ Enwoma Idhere nọ E Riẹ.” Ẹmeọta-kugbe ọrọ enọ gbe iyo nọ ọkpako ukoko nọ o te ziezi o re ru. Ru re a se edhe-ẹme avọ 6, 7, 10.

Ole avọ 67 gbe olẹ ekuhọ.

Oka nọ O rọ November 4 Muhọ

Ole avọ 66

10 min: Iwhowhovia obonẹ. Kiẹ umutho iroro-ejẹ jọ no uko-obeva ọ Odibọgba Uvie Mai ọrọ January 2002 nọ a re ro fi ibroshọ Gwọlọ na gbe obe Eriariẹ na họ ada. Ru odhesẹvia edhere ọvo jọ.

13 min: A Be Vuoma Usiuwoma Na Ha. (Rom 1:16) Uzoge jọ ọ wha ẹbẹbẹ jọ bru ọsẹ riẹ. Uzoge na ọ be gwọlọ dhesẹ oma riẹ via wọhọ omọvo Isẹri Jihova ha fiki ozọ nnọ ehwa riẹ i ti se ei ẹkoko. Ọsẹ na o yere uzoge na fiki oruọzewọ nọ o dhesẹ evaọ ẹme na. O gbiku oware nọ Pita o ru okejọ fiki otunyẹ ọhwa. (Mat. 26:69-74) Ọsẹ na ọ rẹ kẹ ohrẹ nana: Ma rẹ vuoma vievie he inọ mai yọ Ileleikristi. (Mak 8:38) O rẹ kẹ erere re ma dhesẹ oma mai via wọhọ Osẹri eva obọ isukulu. Who te ru iticha ra riẹ onana, ibuobu e rẹ rọ adhẹẹ kẹ orọwọ ra yọ a rẹ daoma re a se owhẹ ba esifihọ iruẹru nọ e were owhẹ hẹ. U re ru ei bẹbẹ kẹ izoge ugbarugba re a tunye owhẹ ruọ ekpehre uruemu. Ibe emọ-eklase ra a te riẹ oware nọ who gbe wo usu ọmọtẹ hayo ọmọzae ha, nọ who gbe bi kuomagbe arozaha-omosasọ nọ i w’obọ kugbe ewuhrẹ isukulu hu, hayo w’obọ evaọ iruẹru ọ oke nọ isukulu e fa no ho. Oke o tẹ riẹ, ọsẹ gbe uzoge na a rẹ t’ẹme no uzoẹme osese na ze “Publicly Declaring Your Friendship With God” (Ewhowho Ẹgbede ọrọ Usu Ra Kugbe Ọghẹnẹ) evaọ obe ọ Young People Ask na, ẹwẹ-obe avọ 315-318. Ọmọ uzoge na ọ vẹ kẹ uyere fiki ohrẹ uwoma na.

22 min: “Wha Rehọ Omarai kẹ Ọghẹnẹ—Mudhe kẹ Ẹdhọ.” (Jem. 4:7) Ẹkwoma enọ nọ a fihọ etenẹ na, ọkpako ukoko o re ru ẹmeọta-kugbe ogbotu ọjaja kpahe ọruẹrẹfihotọ ẹdẹ okokohọ obọdẹ nọ a ru evaọ ukpe iruo n’ukpo na. Zizie ukoko na re a dhesẹ epanọ a ro fi eware nọ a wuhrẹ na h’iruo no. (Whọ sae rọ abọ jọ kẹ ahwo kpahotọ.) Fi elo họ abọ nana ọruẹrẹfihotọ na: (1) “Omarokpotọ kẹ Ọghẹnẹ Evaọ Akpọ nọ Ọ Rrọ Igbo.” Fikieme ma jẹ jaja aro vi re ma whaha egbefẹ akpọ na? (2) “Edhesẹ Omarokpotọ kẹ Ọghẹnẹ Wọhọ Ahwo Uviuwou.” Fikieme ẹgwọlọ ọkpakpata ọ jẹ rrọ ukoko Jihova re a bọ okugbe uviuwou na ga? Ẹvẹ ma sai ro ru ere? (3) “Fiobọhọ kẹ Ilele Ekpokpọ re A Dikihẹ Ga Evaọ Abọ Jihova.” Ẹvẹ ma sai ro fi obọ họ kẹ ahwo ọkpokpọ re a fi ezadhe nọ e be dawo ẹrọwọ rai kparobọ? (4) “Oware nọ U Dhesẹ re A Mudhe kẹ Ẹdhọ.” Eme họ usiavẹ kẹ edikihẹ mukpahe Ẹdhọ avọ obokparọ? Ẹvẹ ẹgọ ẹmo ọ abọ-ẹzi nọ a dhesẹ evaọ Ahwo Ẹfẹsọs 6:11-18 na ọ rẹ rọ thọ omai? (w92-E 5/15 21-23) (5) “Izoge nọ I bi Mudhe kẹ Ukumuomu na avọ Obokparọ” gbe “Izoge nọ I bi Wo Erere no Omarokpotọ kẹ Ọghẹnẹ Ze.” Kọ didi ona jọ Setan o bi ro ruiruo nọ Izoge i re mudhe kẹ hrọ? Eghale vẹ i re te izoge ẹkwoma oma nọ a re ro kpotọ kẹ Jihova? (w90-E 8/1 13-14, edhe. 15-17) (6) “Erere Owo no Omarokpotọ kẹ Ọghẹnẹ Ze.” Dhesẹ epanọ Ileleikristi i re ro dhesẹ omarokpotọ kẹ egọmeti, kẹ enọ i w’uzou iruo, evaọ uviuwou, gbe evaọ ukoko Ileleikristi na. Didi ekwakwa i re fi obọ họ kẹ ae ru ere?

Ole avọ 185 gbe olẹ ekuhọ.