Omaa Ewuhrẹ Odibọgba

Oka nọ O rọ November 11 Muhọ

Ole avọ 183

10 min: Iwhowhovia obonẹ. Iwhowhovia nọ a salọ no Odibọgba Uvie Mai ze. Ẹkwoma iroro-ejẹ nọ e rrọ ẹwẹ-obe avọ 8 na, ru odhesẹvia epanọ a re ro fi Awake! ọ November 22 na họ ada. Evaọ odhesẹvia na, dhesẹ oghẹrẹ nọ ma be rọ ruẹ ugho ru iruo akpọ-soso mai na.—Rri Uwou-Eroro Na ẹwẹ-obe avọ 2 hayo Awake! ẹwẹ-obe avọ 5.

15 min: Didi Azọhọ Ugho A Re Rẹro Riẹ Mi Enọ I Bi Kpohọ Iwuhrẹ Isẹri Jihova? Ẹme nọ a rẹ ta no ibroshọ Isẹri Jihova—Oghẹrẹ Ahwo Vẹ A Rrọ? Eme A Rọwo? ze, ẹwẹ-obe avọ 30, edhe-ẹme 1.

20 min: “Fi Obọ Họ kẹ Ọsẹro Uwuhrẹ Obe Ukoko Ra.”a Ọkpako ukoko nọ ọ rrọ ọsẹro Uwuhrẹ Obe Ukoko o re ru ei. Okenọ whọ te be ta kpahe edhe-ẹme avọ 3, ku eme jọ kugbe ei no obe ọ Isukulu Odibọgba na ze, ẹwẹ-obe avọ 70. Jiri ukoko na fiki ugogo edhere jọ nọ a be rọ tha ọruẹrẹfihọ uwuhrẹ obe na uke, re whọ rehọ ẹwo si iroro kpohọ abọ nọ a jẹ gwọlọ ẹnyaharo.

Ole avọ 114 gbe olẹ ekuhọ.

Oka nọ O rọ November 18 Muhọ

Ole avọ 78

10 min: Iwhowhovia obonẹ. Iyẹrẹ epanọ igho e nya. Ta kpahe ẹkpẹti na “I Woma kẹ Isase Gaga!”

10 min: Ẹkpẹti Onọ. Ọkpako nọ o te ziezi o re ru ei.

25 min: “Enọ I w’Uzou Uviuwou—Wha Yọrọ Emamọ Omaa Abọ-Ẹzi.” Nọ whọ tẹ ta eme-emuhọ kpẹkpẹe no edhe-ẹme avọ 1-3 ze no, ru ẹmeọta-kugbe ogbotu ọrọ edhe-ẹme avọ 4-13. Oke o tẹ riẹ, se edhe-ẹme avọ 7, 8, 11, gbe 12. Kiẹ ọyewọ ọvo hayo ivẹ jọ. Eme o fi obọ họ kẹ uviuwou rai no nọ a ro wo emamọ omaa okpakpatiẹ orọ iruẹru abọ-ẹzi? Omodawọ vẹ a bi ru fihọ onana? Erere vẹ a wo noi ze no? Rehọ eme nọ e rrọ edhe-ẹme avọ 14 ro kuhọ.

Ole avọ 31 gbe olẹ ekuhọ.

Oka nọ O rọ November 25 Muhọ

Ole avọ 16

10 min: Iwhowhovia obonẹ. Imava-orọo nọ i bi ruiruo kugbe evaọ usiuwoma ota a re ru odhesẹvia epanọ a rẹ rọ rehọ iroro-ejẹ nọ e rrọ ẹwẹ-obe avọ 8 na ro fi emagazini ọ December 1 gbe December 8 na họ ada. Ọzae na o re fi Uwou-Eroro Na họ ada, aye riẹ o ve fi Awake! họ ada.

15 min: “Dhesẹ Uzẹme Kpahe Jesu Via kẹ Amọfa.” Ku eme jọ kugbe ei no obe ọ Isukulu Odibọgba na ze, ẹwẹ-obe avọ 278. Tudu họ ahwo kpobi awọ re a hwa obe-ewuhrẹ na ziọ Ewuhrẹ Odibọgba oka n’otha rọkẹ ẹme na “Isukulu nọ E rẹ Thomai Kpahe kẹ Eware nọ E Mae r’Oja.”

20 min: “Dhesẹ Uvi Isiuru kẹ ‘Enọ I Wo Esẹ Hẹ.’” Rehọ iminiti esa t’ẹme emuhọ kpahe eriwo Jihova kpahe emọ nọ i wo esẹ hẹ, rono edhe-ẹme 1 na jegbe Insight, Uko 1, edhe-ẹme avọ 816 ze. Ẹkwoma enọ gbe iyo, ta kpahe abọ uzoẹme na nọ o kiọkọ. Fi elo họ idhere efa nọ amofa a sae rọ kẹ uketha gbe uduotahawọ. Nọ whọ tẹ be ta kpahe edhe-ẹme avọ 3-4, ku eme kpẹkpẹe kugbe ei no Awake! ọ October 8, 1995 ze, ewẹ-obe avọ 8-9.

Ole avọ 142 gbe olẹ ekuhọ.

Oka nọ O rọ December 2 Muhọ

Ole avọ 213

8 min: Iwhowhovia obonẹ. Kareghẹhọ iwhowho-uvie re a n’iyẹrẹ usiuwoma ota ọ November rai. Rehọ oke kpẹkpẹe rọ kiẹ edhere ẹmeọta nọ a sai ro fi obe ọ Ozae nọ Ọ Mae Rro na họ ada.—Rri Odibọgba Uvie Mai ọrọ June 1998, ẹwẹ-obe avọ 8.

12 min: Use-Abọ nọ O Rẹriẹ Aro Dhe Enọ E Rrọ Ọyewọ Ọvo. Ọkpako ọ rẹ kiẹ omọvo hayo imava jọ nọ e rrọ ọyewọ ọvo (hayo enọ ezae hayo eyae rai e rrọ Isẹri hi) riwi re ọ ruẹ epanọ a bi ro thihakọ ebẹbẹ nọ i kpomahọ ewuhrẹ, ẹwhọkuo, gbe ọkpọvio abọ-ẹzi emọ rai. Ẹvẹ a be sae rọ rẹrote ewha-iruo uviuwou je kpohọ iwuhrẹ gbe usiuwoma ota kẹse kẹse? Fi elo họ iroro-ejẹ jọ nọ a kẹ fihọ obe ọ Evawere Uviuwou na, ẹwẹ-obe avọ 104-110. Wọhọ epanọ a ta evaọ ẹwẹ-obe avọ 113-115 na, fodẹ uvi idhere nọ amọfa a sae ro fi obọ họ.

25 min: “Isukulu nọ E rẹ Thomai Kpahe kẹ Eware nọ E Mae r’Oja.” Ẹmeọta-kugbe ogbotu nọ ọsẹro isukulu na o re ru. Bọ ajọwha kẹ ọruẹrẹfihọ ọkpokpọ isukulu na, onọ u ti muhọ evaọ January. Si iroro kpohọ abọ sa-sa ọrọ “Omaa Isukulu Odibọgba Esuo-Ọghẹnẹ ọrọ 2003” na, evaọ uko-obeva ọ Odibọgba Uvie Mai ọrọ October 2002. Dhesẹ ute nọ a rẹ rọ ruọ isukulu na, wọhọ epanọ a dhesẹ fihọ obe ọ Isukulu Odibọgba na, ẹwẹ-obe avọ 282, jẹ tudu họ ahwo nọ a ti fi odẹ h’otọ họ re a ru ere otẹrọnọ a te.

Ole avọ 127 gbe olẹ ekuhọ.

[Footnote]