Omaa Ewuhrẹ Odibọgba

Oka nọ O rọ March 10 Muhọ

Ole Avọ 5

10 min: Iwhowhovia obonẹ. Iwhowhovia nọ a salọ no Odibọgba Uvie Mai ze. Ẹkwoma iroro-ejẹ nọ e rrọ ẹwẹ-obe avọ 8 na, ru odhesẹvia epanọ a re ro fi Awake! ọ March 22 na họ ada. Rehọ emagazini ivẹ kẹ ohwo na dede nọ ọvo whọ t’ẹme kpahe.

15 min: Kiẹ obe ọ Gọ Ọghẹnẹ na. Ẹme gbe iroro-ejẹ ogbotu. Dhesẹ ọruẹrẹfihotọ kẹ obe okpokpọ na nọ a re ro ruiruo wọhọ obe uwuhrẹ avivẹ na. (km-IS 6/00 ẹwẹ. 4 edhe. 5-6) Zizie ogbotu na re a kpahe fihọ eware nọ e rrọ obe na nọ a jẹ rehọ. Dhesẹ vevẹ nnọ abọ jọ obe na o rehọ enọ gbe ikereakere rọ kpakpa ọmọ-uwuhrẹ na re o roro didi kpahe Ẹme Ọghẹnẹ. Dhesẹ oriruo nọ ọ rrọ ẹwẹ-obe avọ 47-49, edhe-ẹme avọ 13 na.

20 min: “Wo Ọwhọ kẹ Oware Uwoma!”a (Edhe-ẹme 1-12) Nọ whọ tẹ ta kpahe edhe-ẹme avọ 6 no, ru odhesẹvia ọkpẹkpẹe ọrọ owhowho-uvie nọ ọ be rehọ obe-uzizie na ro zizie omoni riẹ, ọrivẹ, ibe ọmọ-isukulu, hayo ibe-oruiruo riẹ kpohọ Ekareghẹhọ na. Otẹrọnọ a re ghale obe-uzizie Ekareghẹhọ na ha, jọ a ghale iẹe nọ ewuhrẹ na ọ tẹ fa no.

Ole Avọ 19 gbe olẹ ekuhọ.

Oka nọ O rọ March 17 Muhọ

Ole Avọ 34

10 min: Iwhowhovia obonẹ. Iyẹrẹ epanọ igho e nya. Kareghẹhọ ahwo kpobi re a n’iyẹrẹ usiuwoma ota ọ ubro amara.

15 min: Erere Owo no 2003 Yearbook na Ze. Ẹme gbe iroro-ejẹ ogbotu. Ta kpahe ugogo-eme ọ “Ileta Nọ I No Obọ Ugboma Esuo na Ze” ọnọ a vi lele Odibọgba Uvie Mai ọrọ February 2003 na. Jiroro ọ idhere nọ ma sae rọ kpọ ahwo ọkpokpọ kpohọ ukoko Jihova jẹ tuduhọ ae awọ re a kpohọ iwuhrẹ.

20 min: “Wo Ọwhọ kẹ Oware Uwoma!” (Edhe-ẹme avọ 13-26) Onọ ọsẹro ukoko o re ru. Nọ whọ tẹ be ta kpahe edhe-ẹme avọ 14, ru odhesẹvia ọkpẹkpẹe ọrọ ọkpako ukoko nọ o ru iweze uduotahawọ bru oniọvo nọ oma o ga ha, ọ tẹ rehọ uvẹ na rọ edhere ẹwo dhesẹ epanọ oniọvo na ọ sai ro w’obọ evaọ iruo ibuobu ukoko na evaọ ezi Ekareghẹhọ Na.

Ole Avọ 53 gbe olẹ ekuhọ.

Oka nọ O rọ March 24 Muhọ

Ole Avọ 72

10 min: Iwhowhovia obonẹ. Ẹkwoma iroro-ejẹ nọ e rrọ ẹwẹ-obe avọ 8 na, ru odhesẹvia epanọ a re ro fi Uwou-Eroro ọ April 1 gbe Awake! ọ April 8 na họ ada.

15 min: Ẹgwọlọ ukoko na.

20 min: Isẹri Jihova—A rẹ Wha Ewoma Ziọ Ẹwho. Ẹme gbe iroro-ejẹ ogbotu. Ẹsejọ ma re wo uvẹ nọ ma re ro dhesẹ epanọ odibọgba gbe oriruo mai e rẹ rọ kẹ ẹwho na erere. Zizie ogbotu na re a kpahe fihọ eme nana: (1) Ma re wuhrẹ ahwo re a rria lele itee uruemu Ebaibol na. (2) Ma re wuhrẹ ahwo oruọzewọ gbe adhẹẹ kẹ udu-esuo. (3) Ma re wuhrẹ ahwo kpahe okugbe evaọ udevie uyẹ avọ uyẹ, orẹwho avọ orẹwho, itu uyerakpọ sa-sa. (4) Ma re fi obọ họ kẹ amọfa ru uzuazọ uviuwou rai woma viere ẹkwoma udu nọ ma rẹ ta họ ae awọ re a fi ehri-izi Ebaibol họ iruo. (5) Ma wuhrẹ idu ahwo buobu ẹriẹ se gbe ẹriẹ kere no. (6) Ma rẹ daoma re ma fi obọ họ kẹ amọfa evaọ etoke okpẹtu. (7) Ma ru abọ ologbo no evaọ ẹwhaze ọ ufuoma egagọ nọ ahwo kpobi a be re omawere riẹ.—Rri obe ọ Proclaimers, ẹwẹ-obe avọ 699.

Ole Avọ 121 gbe olẹ ekuhọ.

Oka nọ O rọ March 31 Muhọ

Ole Avọ 130

12 min: Iwhowhovia obonẹ. Kareghẹhọ ahwo kpobi re a n’iyẹrẹ usiuwoma ota urere amara ọ March rai. Fodẹ ebe nọ a ti fihọ ada evaọ April, je fi ẹgba họ iẹe ziezi nnọ a rẹ daoma gaga re a rehọ obe ọ Gọ Ọghẹnẹ na muọ ebe-uwuhrẹ Ebaibol họ kugbe ahwo nọ a wuhrẹ obe ọ Eriariẹ gbe ibroshọ Gwọlọ na no. Ta kpahe igogo-eme nọ e rrọ “Ọjọriẹ Ehaa Ekareghẹhọ” na.

13 min: Eware nọ a rọ ẹro ruẹ evaọ obonẹ. Zizie ukoko na re a gbiku emamọ eware nọ a reawere rai evaọ etoke erubuo iruo evaọ March na. Jiri ai kẹ omodawọ rai, jẹ ta udu họ ahwo kpobi awọ re a w’obọ vọvọ wọhọ epanọ iyero rai e kuvẹ te evaọ April.

20 min: “Jihova O Fo Ejiro Gaga.” Fi ẹgba họ epanọ Ekareghẹhọ na i w’uzou te. Dhesẹ epanọ ahwo kpobi a sai ro fi obọ họ kẹ amọfa re a jariẹ. Dhesẹ oware nọ a rẹ sai ru re a nya te enọ e siọ iruo Uvie ba no riẹriẹriẹ oma re a wariẹ ru isiuru rai kpokpọ. Zizie ogbotu na re a gbiku eware uduotahawọ nọ a rọ ẹro ruẹ no ehaa ukpe n’ukpo na ze.

Ole Avọ 173 gbe olẹ ekuhọ.

Oka nọ O rọ April 7 Muhọ

Ole Avọ 191

10 min: Iwhowhovia obonẹ. Ta kpahe “Ekareghẹhọ—Etoke nọ A re Ro Roro Didi.”

15 min: Epanọ a rẹ rọ Rehọ Ikereakere na Lele Ahwo Jẹ Iroro. Ẹmeọta kugbe ogbotu. Ẹvẹ ma sai ro wo ona nọ ma re ro lele ahwo jiroro ziezi evaọ odibọgba na? (1) Wo Eriariẹ Ikereakere na ziezi ẹkwoma uwuhrẹ omobọ ohwo nọ who re ru kẹse kẹse gbe iwuhrẹ enya. (2) Roro didi kpahe eware nọ who wuhrẹ, kiẹ kpahe izẹme no eriwo sa-sa ze. (3) Whọ gwọlọ oruvẹ oria ikere jọ ọvo ho rekọ gwọlọ epanọ Ikereakere na e rọ tha oruvẹ na uke. (4) Roro kpahe epanọ who ti ro ru ikereakere vevẹ kẹ oghẹrẹ ahwo sa-sa. (5) Roro kpahe epanọ whọ sae rọ kẹ ọtadhesẹ eme jọ.

20 min: “Epanọ Uzẹme na U Re Ro Ru Omai Emuyẹ.” Ku eme jọ kugbe ei no ẹkpẹti nọ ọ rrọ ẹwẹ-obe avọ 6 ọrọ Uwou-Eroro ọ October 1, 1998 na ze. Zizie ogbotu na re a kpahe fihọ epanọ uzẹme Ẹme Ọghẹnẹ o rọ wha ufuoma se ai no.

Ole Avọ 217 gbe olẹ ekuhọ.

[Footnote]