Rehọ Obe ọ Gọ Ọghẹnẹ na Ru Ebe-Iwuhrẹ Ebaibol

A ruẹrẹ obe ọ Gọ Ọghẹnẹ Uzẹme Ọvo Na họ re u fi obọ họ kẹ ahwo ọkpokpọ nyaharo evaọ uzẹme na, re o jẹ lẹliẹ ovuhumuo nọ a wo kẹ Jihova gbe ukoko riẹ diwi vi ere. A rẹ sae rehọ iẹe wuhrẹ emọ-uwuhrẹ Ebaibol wọhọ obe uwuhrẹ avivẹ. Odibọgba Uvie Mai ọrọ June 2000, ẹwẹ-obe avọ 4, o ta nọ: “Otẹrọnọ u muẹro inọ ohwo jọ o bi ru ẹnyaharo, makinọ o [kpẹlẹ], gbe nnọ o bi dhesẹ ovuhumuo kẹ oware nọ o bi wuhrẹ na, who re ru ewuhrẹ Ebaibol na haro evaọ obe avivẹ evaọ okenọ wha te wuhrẹ ibroshọ Gwọlọ na gbe obe Eriariẹ na reno. . . . Oghẹrẹ nọ o rrọ kpobi, ibroshọ Gwọlọ na gbe obe Eriariẹ na a rẹ kaki wuhrẹ tao. A re kele jẹ nẹ iyẹrẹ obe-uwuhrẹ Ebaibol, izihebro, gbe okenọ a raha ro ru ewuhrẹ na haro na, o tẹ make rrọ nọ ọmọ-uwuhrẹ na ọ họ-ame no taure a te ti wuhrẹ obe avivẹ na re.”

Ono ọfa ọ rẹ sai wo erere no obe-uwuhrẹ Ebaibol evaọ obe ọ Gọ Ọghẹnẹ na ze? Uzoẹme ovona o ta họ aro nnọ: “Otẹrọnọ whọ riẹ ahwo jọ nọ a wuhrẹ [Ibroshọ Gwọlọ na gbe] obe Eriariẹ na evaọ oke nọ u kpemu rekọ a gbẹ nyaharo te omaromudhe gbe ame-ọhọ họ, whọ rẹ sae rehọ udu-obọra nọ ae sọ a gwọlọ re a wariẹ muọ obe-uwuhrẹ Ebaibol rai họ.” Joma dao oma gaga re ma rọ obe ọ Gọ Ọghẹnẹ na muọ ebe-iwuhrẹ họ kugbe ahwo otiọye na evaọ April gbe May.