Omaa Ewuhrẹ Odibọgba

Oka nọ O rọ April 14 Muhọ

Ole avọ 20

15 min: Iwhowhovia obonẹ. Iwhowhovia nọ a salọ no Odibọgba Uvie Mai ze. Kareghẹhọ iwhowho-uvie re a nẹ iyẹrẹ usiuwoma ota ọ ubro amara April. Ẹkwoma iroro-ejẹ nọ e rrọ ẹwẹ-obe avọ 8 na, ru re a ru idhesẹvia ivẹ erọ epanọ a re ro fi Uwou-Eroro ọ May 1 (iroro-ejẹ ọsosuọ) gbe Awake! ọ April 22 na họ ada. Rehọ emagazini ivẹ kẹ ohwo na, dede nọ ọvo whọ ta ẹme kpahe.

10 min: Ẹkpẹti Onọ. Ẹme nọ ọkpako o re ru.

20 min: “Elo wọhọ ikpẹ.”a Kuhọ avọ ẹme iminiti isoi nọ who re ru no Uwou-Eroro ọ June 1, 1997 ze, ẹwẹ-obe avọ 26-27, edhe-ẹme avọ 8-13. Fi ẹgba họ oware nọ ma gbẹ ko ovuẹ Uvie na dhere he.

Ole avọ 134 gbe olẹ ekuhọ.

Oka nọ O rọ April 21 Muhọ

Ole avọ 25

10 min: Iwhowhovia obonẹ. Iyẹrẹ epanọ igho e nya.

15 min: A Kparobọ Ababọ Ẹme. Ẹme gbe iroro-ejẹ ogbotu. Emamọ uruemu Oleleikristi yọ isẹri ilogbo. O wọ erivẹ-orọo nọ e rọwo ho zihe ruọ egegagọ Jihova no. (1 Pita 3:1, 2) Gbiku eware nọ e via vrẹ no nọ e rrọ evaọ Uwou-Eroro ọ January 1, 1999, ẹwẹ-obe avọ 4; Uwou-Eroro ọ October 1, 1995, ẹwẹ-obe avọ 10-11 (ọrọ oyibo); gbe 1995 Yearbook, ẹwẹ-obe avọ 46. Ru ọruẹrẹfihotọ ẹruoke re imava hayo imasa e kpahe fihọ iyẹrẹ iwoma nọ a mu ẹro họ rono ẹnya lele ithubro Ebaibol ze evaọ abọ nana.

20 min: “Ru Uvẹ Kẹe.” Ku ọkiẹriwo omọvo hayo imava jọ nọ e be rehọ uvẹ seba-ẹrọo rai rọ wha iruo Uvie na haro ziezi kugbei. Jọ a ta kpahe oware nọ u bi fi obọ họ kẹ ae ruẹ evevọwẹ evaọ egagọ rai.

Ole avọ 35 gbe olẹ ekuhọ.

Oka nọ O rọ April 28 Muhọ

Ole avọ 51

10 min: Iwhowhovia obonẹ. Kareghẹhọ iwhowho-uvie re a nẹ iyẹrẹ usiuwoma ota April. Ẹkwoma iroro-ejẹ nọ e rrọ ẹwẹ-obe avọ 8 na, ru re a ru idhesẹvia ivẹ kpahe epanọ a re ro fi Uwou-Eroro ọ May 1 (iroro-ejẹ avivẹ) gbe Awake! ọ May 8 na họ ada.

35 min: “Kọ Whọ Sae Fialoma Ra Via?” Ẹme uduotahawọ avọ ọkpahefihọ ogbotu ẹkwoma iyo nọ a rẹ kpahe fihọ enọ nọ a ruẹrẹ fihọ kẹ edhe-ẹme avọ 11 gbe 16-21 na. Ta udu họ esẹgbini awọ re a fi obọ họ kẹ emọ rai re a fi iruo Ebẹtẹle họ ute rai. Kẹ iroro-ejẹ na inọ u fo re iviuwou a wuhrẹ uko-obeva nana kugbe evaọ uwuhrẹ uviuwou rai.

Ole avọ 197 gbe olẹ ekuhọ.

Oka nọ O rọ May 5 Muhọ

Ole avọ 120

10 min: Iwhowhovia obonẹ. Fodẹ ebe nọ a ti fihọ ada evaọ May. Ta kpahe “Rehọ Obe ọ Gọ Ọghẹnẹ na Ru Ebe-Iwuhrẹ Ebaibol.”

20 min: “Izihebro I Re Su Kpohọ Ebe-Iwuhrẹ Ebaibol.” Ọkpako ukoko o re ru ei, ẹkwoma enọ nọ a ruẹrẹ fihọ na. Zizie ogbotu na re a ku eware nọ a rọ ẹro ruẹ evaọ odibọgba na nọ e tha ẹme nọ a be ta na uke kugbe ei. Okenọ whọ tẹ be ta kpahe edhe-ẹme avọ 5, ru odhesẹvia oware nọ o via vrẹ no ọrọ epanọ a ro muọ obe-uwuhrẹ Ebaibol họ evaọ ẹkwotọ obonẹ.

15 min: Emamọ Iyẹrẹ—Yọ Ẹjiroro nọ A Rẹ Rọ Ghọghọ. (Itẹ 15:30) Ẹmeọta ogbotu nọ o re dhesẹ oware nọ ukoko na u le tobọ fiki ẹgba nọ a fihọ iruo eva March gbe April. Zizie ukoko na re a gbiku eware uduotahawọ nọ a rọ ẹro ruẹ evaọ abọ nana: (1) obọ nọ a fihọ kẹ ohwo nọ o dhesẹ isiuru re ọ ziọ Ekareghẹhọ na, (2) iruo ọkobaro obufihọ nọ a ru, (3) uduotahawọ nọ a kẹ owhowho-uvie nọ ọ se iruo Uvie ba no riẹriẹriẹ re ọ wariẹ muọ iruo họ kugbe ukoko na, (4) obufihọ kẹ ohwo ọkpokpọ re o muọ usiuwoma họ ẹta, gbe (5) ẹbọga isiuru ahwo nọ a kpohọ Ekareghẹhọ na. Ru ọruẹrẹfihotọ ẹruoke kẹ ekpahefihọ enana jọ. Jiri ukoko na, jẹ kẹ ahwo na kpobi uduotahawọ re a gbẹ ruabọhọ omodawọ nana evaọ obaro.

Ole avọ 126 gbe olẹ ekuhọ.

[Footnote]