Omaa Ewuhrẹ Odibọgba

Oka nọ O rọ June 9 Muhọ

Ole avọ 81

10 min: Iwhowhovia obonẹ. Iwhowhovia nọ a salọ no Odibọgba Uvie Mai ze. Ẹkwoma iroro-ejẹ nọ e rrọ ẹwẹ-obe avọ 8 na, ru odhesẹvia epanọ a re ro fi Awake! ọ June 22 na họ ada. Evaọ odhesẹvia na, rehọ emagazini ivẹ kẹ ohwo na dede nọ ọvo whọ t’ẹme kpahe. Ku ikere jọ kugbe ẹmeọta ra evaọ odhesẹvia na.

18 min: “Edhere nọ O Re Su Kpohọ Uzuazọ Ebẹdẹ Bẹdẹ—Kọ Who Duku Ei No?” Ẹme gbe iroro-ejẹ ogbotu nọ Ọsẹro Usiuwoma ota o re ru. Dhesẹ idhere nọ ibroshọ ọkpokpọ nana o ti ro w’iruo evaọ ẹkwotọ ukoko rai gbe epanọ a rẹ rọ rehọ iẹe ru ebe-iwuhrẹ Ebaibol. Ku odhesẹvia ọ usiuwoma n’uwou ruọ uwou ọrọ iminiti esa kugbe i ẹkwoma iwuhrẹ jọ evaọ ibroshọ na gbe ikere jọ nọ i w’obọ kpahe uzoẹme na. Tuduhọ ahwo awọ re a fi ibroshọ ọkpokpọ nana nọ a ru kẹ ẹkwotọ Africa na họ ada buobu re a jẹ rehọ iẹe ruiruo.

17 min: “Eriosehọ No Iruo Oyibo—Yọ Uvẹ Kpohọ Iruo Buobu?”a O tẹ lọhọ, ku ọkiẹriwo ọkpẹkpẹe jọ kugbe ei ọrọ owhowho-uvie nọ ọ rehọ eriosehọ no iruo oyibo ro wo abọ buobu evaọ iruo Jihova. Nọe kpahe enwene nọ o ru no gbe eghale nọ o wo noi ze.

Ole avọ 190 gbe olẹ ekuhọ.

Oka nọ O rọ June 16 Muhọ

Ole avọ 55

8 min: Iwhowhovia obonẹ. Iyẹrẹ epanọ igho e nya. Kareghẹhọ iwhowho-uvie re a n’iyẹrẹ usiuwoma ota ubro-amara ọ June.

12 min: Ẹgwọlọ ukoko.

25 min: “’Se Isẹri Fuafo’ avọ Osegboja.” Rehọ enọ nọ a kẹ na ro ru ẹme na. Nọ whọ tẹ ta kpahe edhe-ẹme avọ 5 gbe 6 no, ku odhesẹvia ọkpẹkpẹe kugbei ọrọ usiuwoma ọ oke-gheghe rọkẹ ohwo nọ ọ be r’ẹro te uwou-eki je fi omobe-ovẹvẹ na Kọ Whọ Gwọlọ Riẹ Kpahe Ebaibol na Viere? họ ada kẹe. Taure whọ tẹ te ta kpahe edhe-ẹme avọ 7 gbe 8, jọ a se idhe-eme ivẹ na do via.

Ole avọ 131 gbe olẹ ekuhọ.

Oka nọ O rọ June 23 Muhọ

Ole avọ 95

10 min: Iwhowhovia obonẹ. Ẹkwoma iroro-ejẹ nọ e rrọ ẹwẹ-obe avọ 8 na, ru idhesẹvia ivẹ kpahe epanọ a re ro fi Uwou-Eroro ọ July 1 gbe Awake! ọ July 8 na họ ada. Evaọ idhesẹvia ivẹ na, rehọ emagazini ivẹ na kẹ ohwo na dede nọ ọvo whọ t’ẹme kpahe. Evaọ odhesẹvia na jọ, dhesẹ owhowho-uvie nọ o bi ru isẹri ise iyẹrẹ.

20 min: Eme A rẹ Sai Ru Kpahe Elọhoma? Ẹme gbe iroro-ejẹ ogbotu nọ a re ru no Uwou-Eroro ọ November 15, 1999 ze (ọrọ oyibo), ẹwẹ-obe avọ 28-29, rite, je kugbe uzoẹme osese na “Maintaining a Good Attitude” (Ẹyọrọ Emamọ Iroro). Kiẹ uvi iroro-ejẹ avọ ohrẹ nọ u no Ikereakere ze nọ a kẹ na riwi. Ru ọruẹrẹfihọ kpahotọ re owhowho-uvie ọvo hayo ivẹ nọ i te ziezi a dhesẹ oware nọ u bi fi obọ họ kẹ ae yọrọ oghọghọ evaọ odibọgba rai.

15 min: “Usiuwoma Ota Evaọ Akpọ Nọ O Bi Dhe Enwenwene.”* Nọ whọ tẹ be ta kpahe edhe-ẹme avọ 2-3, nọ ogbotu na kpahe eware nọ e be via enẹna nọ a sai ro mu ẹmeọta họ evaọ ẹkwotọ ukoko na. Nọ whọ tẹ be ta kpahe edhe-ẹme avọ 4, ru odhesẹvia ọkpẹkpẹe jọ, ẹkwoma edhere ọvo jọ evaọ enọ a fodẹ na.

Ole avọ 15 gbe olẹ ekuhọ.

Oka nọ O rọ June 30 Muhọ

Ole avọ 3

10 min: Iwhowhovia obonẹ. Kareghẹhọ iwhowho-uvie re a n’iyẹrẹ usiuwoma ota urere-amara ọ June. Kiẹ ebe nọ a ti fihọ ada evaọ July gbe August riwi. Ta kpahe ibroshọ ivẹ jọ nọ ukoko na u wo. Ru re a ru idhesẹvia nọ a ruẹrẹ oma kpahe kẹ ziezi erọ epanọ a re ro fi ai họ ada evaọ odibọgba na.

15 min: “Odibọgba Oleleikristi na—Iruo nọ E Mai w’Uzou kẹ Omai.” Tudu họ izoge awọ re a roro kpahe eghale nọ a rẹ sae reawere rai nọ a tẹ ruọ iruo odibọgba oke-kpobi. Ku eme jọ kugbe ei rono uzoẹme osese na ze “When Culture and Conscience Clash” (Okenọ Uruemu-Ẹwho gbe Obroziẹ-Iroro I te Kpeke), evaọ Uwou-Eroro ọ November 1, 2000 (ọrọ oyibo), ẹwẹ-obe avọ 19-20.

20 min: Rehọ Ẹme Ọghẹnẹ Ru Iruo Ziezi rọ Ta Usiuwoma Uvie na. Ẹmeọta ogbotu nọ ọkpako ukoko o re ru. Ma rẹ daoma ta ẹme ọbọga nọ o no Ikereakere ze kẹ ohwo kpobi nọ ma nya ku evaọ odibọgba mai. Dede na, o gwọlọ re ma ru vi ikere Ebaibol nọ ma se ọvo. O gwọlọ re ma fotọ, kẹ oriruo, je dhesẹ efihiruo ikere na. Dhesẹ epanọ a sai ro ru onana, ẹkwoma ikereakere jọ nọ a fodẹ evaọ obe ọ Reasoning na, edhe-ẹme avọ 154-155, evaọ otọ uzoẹme osese nọ a kere ibiẹme riẹ jẹlẹ na “Human rulers are not providing what mankind urgently needs” (Isu ahwo-akpọ a bi ru eware nọ ahwo-akpọ a mae gwọlọ kẹ ae he). Nọ whọ tẹ ta ẹme na no, ru re owhowho-uvie nọ ọ ruẹrẹ oma kpahe ziezi o ru odhesẹvia epanọ a rẹ rọ rehọ ikerakere ọvo ru iruo ziezi evaọ ozihebro, ọ rẹ kẹ otofa okpẹkpẹe, oriruo ọlọlọhọ, gbe efihiruo ọkpẹkpẹe nọ o re dhesẹ kẹ ọnọ o wo uwou na epanọ esuo Uvie ọ te rọ kẹe erere. Mu odhesẹvia na họ ẹkwoma owhowho-uvie na nọ o re se ikereakere na. Nọ a te ru odhesẹvia na no, wariẹ kiẹ epanọ a rọ fotọ, kẹ oriruo, je dhesẹ efihiruo ikereakere na. Ta udu họ ahwo kpobi awọ re a bọ ona nọ a rẹ rehọ Ẹme Ọghẹnẹ ru iruo ziezi.

Ole avọ 171 gbe olẹ ekuhọ.

Oka nọ O rọ July 7 Muhọ

Ole avọ 165

5 min: Iwhowhovia obonẹ.

15 min: Eware nọ a rọ ẹro ruẹ evaọ obonẹ. Gbiku hayo ru odhesẹvia eware nọ iwhowho-uvie ukoko na e rọ ẹro ruẹ evaọ okenọ a je (1) se isẹri kẹ ahwo uyẹ sa-sa hayo ahwo nọ a be ta ẹvẹrẹ ọfa hayo (2) se isẹri evaọ oke ofa nọ u te no usiuwoma n’uwou ruọ uwou hayo orọ iyẹrẹ no. Ta udu họ ahwo kpobi awọ re a rehọ omobe ọ Good News for All Nations na gbe efọmo ọ Please Follow Up (S-43) na ru iruo ziezi evaọ oke nọ a tẹ nya ku ahwo nọ a be ta ẹvẹrẹ ọfa.—Rri Iwhowhovia erọ Odibọgba Uvie Mai ọrọ September 1999, ẹwẹ-obe avọ 2.

25 min: “Edhesẹvia Odẹ Ọghẹnẹ.”* Rehọ enọ nọ a kẹ na ro ru ẹme na. Nọ whọ te ta kpahe edhe-ẹme avọ 4, ku eme jọ kugbe ro no ẹkpẹti na ze “Making Known the Name of God” (Edhesẹvia Odẹ Ọghẹnẹ), onọ o rrọ ẹwẹ-obe avọ 124 orọ obe ọ Proclaimers na. Ru re owhowho-uvie nọ ọ riẹ ona ziezi o ru odhesẹvia ọ ozihebro. Ẹkwoma ikereakere ivẹ hayo esa nọ e rrọ obe ọ Reasoning na, ẹwẹ-obe avọ 196-197 nọ who re ro ruiruo, dhesẹ oware nọ u ro w’uzou re a riẹ jẹ rehọ odẹ-oma Ọghẹnẹ ruiruo.

Ole avọ 197 gbe olẹ ekuhọ.

[Footnote]