Omaa Ewuhrẹ Odibọgba

Oka nọ O rọ August 11 Muhọ

Ole avọ 101

10 min: Iwhowhovia obonẹ. Iwhowhovia nọ a salọ no Odibọgba Uvie Mai ze. Ẹkwoma iroro-ejẹ nọ e rrọ ẹwẹ-obe avọ 8 na, ru idhesẹvia ivẹ erọ epanọ a re ro fi Uwou-Eroro ọ September 1 (iroro-ejẹ ọsosuọ) na gbe Awake! ọ August 22 na họ ada. Evaọ idhesẹvia ivẹ na, rehọ emagazini ivẹ kẹ ohwo na dede nọ ọvo whọ t’ẹme kpahe. Evaọ odhesẹvia na jọ, dhesẹ epanọ a rẹ sae kpahe fihọ ẹme nọ o re bru ẹmeọta dhe na “Obọ Mẹ O Rọ Oware.”—Rri omobe ọ Ebaibol E rọ Jiroro, ẹwẹ-obe avọ 11.

15 min: “Rọ Aro Kele Ewoma Jihova.”a Zizie ogbotu na re a gbiku kpẹkpẹe kpahe eware nọ a rọ ẹro ruẹ nọ i dhesẹ epanọ iruẹru ẹwo i ro rovie edhere kẹ isẹri-ise. Jiri ukoko na kẹ omodawọ rai re a fi obọ họ kẹ ibe enọ e rọwo.

20 min: “Eghale ọ Iruo Ọkobaro.” Rehọ enọ nọ a kẹ na ro ru ei. Zizie ọkobaro ọvo hayo ivẹ re a gbiku eghale nọ a wo no iruo ọkobaro ze no. Fodẹ nnọ ohwo kpobi nọ o wo isiuru kpahe iruo ọkobaro ọ sai wo obe-iruo ọkobaro mi okere-obe ukoko na.

Ole avọ 11 gbe olẹ ekuhọ.

Oka nọ O rọ August 18 Muhọ

Ole avọ 82

10 min: Iwhowhovia obonẹ. Iyẹrẹ epanọ igho e nya. Kareghẹhọ iwhowho-uvie re a n’iyẹrẹ usiuwoma ota ọ ubro-amara August.

15 min: “Iruo Nọ I re Ru Oma Sasa.” Kaki ru ọruẹrẹfihotọ kpahe re imava hayo imasa a dhesẹ epanọ odibọgba Oleleikristi na o bi ro ru ai oma sasa.

20 min: “Joma Ruẹrẹ Oria Egagọ Mai Ziezi.” (Edhe-ẹme 1-5) Rehọ enọ nọ a kẹ na ro ru ei. Nọ whọ tẹ be ta kpahe edhe-ẹme avọ 3 gbe 4, kiẹ omaa erufuọ Ọgwa Uvie orọ ukoko rai riwi. Kpọ iroro kpohọ ẹme kpobi nọ ọ gwọlọ ẹro-omuhọ. Jiri ukoko na kẹ omodawọ rai nọ a be rọ rehọ ẹro te oria nọ u fo kẹ egagọ uzẹme.

Ole avọ 114 gbe olẹ ekuhọ.

Oka nọ O rọ August 25 Muhọ

Ole avọ 175

10 min: Iwhowhovia obonẹ. Ẹkwoma iroro-ejẹ nọ e rrọ ẹwẹ-obe avọ 8 na, ru idhesẹvia ivẹ erọ epanọ a re ro fi Uwou-Eroro ọ September 1 (iroro-ejẹ avivẹ) na gbe Awake! ọ September 8 na họ ada. Evaọ idhesẹvia ivẹ na, rehọ emagazini ivẹ kẹ ohwo na dede nọ ọvo whọ t’ẹme kpahe. Dhesẹ ọsẹ hayo oni avọ ọmọzae ikpe-ikpegbọ riẹ nọ a bi wuhrẹ epanọ a re ro fi emagazini họ ada. A rẹ rọ omoke kpẹkpẹe wuhrẹ ẹme nọ a re ro fi emagazini na họ ada na taure a te ti ru odhesẹvia na.

15 min: “Dhesẹ Iroro Egbagba nọ Urere na U Bi Si Kẹle Na Ẹgwọlọ ukoko na.”* Nọ whọ tẹ be ta kpahe edhe-ẹme avọ 3 gbe 4, zizie iwhowho-uvie re a ta kpahe itee abọ-ẹzi nọ a bi le enẹna. Ku eme jọ kugbe ei rono ẹwẹ-obe avọ 176 ọrọ obe ọ Gọ Ọghẹnẹ na ze.

20 min: Kru Ẹro Ga re Whọ Ta Usiuwoma. (1 Tẹs. 2:2) Ẹme gbe iroro-ejẹ ogbotu. Dhesẹ oware nọ ahwo buobu a jẹ dhozọ re a wha ovuẹ usiuwoma Uvie na bru amọfa. Onana o rrọ ere rọkẹ ahwo nọ a maki ru iruo na kri no dede. Gbiku eware jọ nọ a rọ ẹro ruẹ nọ e rrọ Uwou-Eroro ọ December 1, 1999, ẹwẹ-obe avọ 20; Uwou-Eroro ọ December 15, 1999 (ọrọ oyibo), ẹwẹ-obe avọ 25; gbe Uwou-Eroro ọ April 1, 1996 (ọrọ oyibo), ẹwẹ-obe avọ 31. Zizie ogbotu na re a gbiku epanọ a ro kru udu ga ro whowho emamọ usi na okenọ udu u je bru rai. Kuhọ ẹkwoma uduotahawọ re a wo ẹgba no obọ Jihova ze, onọ a si no Uwou-Eroro ọ January 1, 2000, ẹwẹ-obe avọ 15-16 ze.

Ole avọ 125 gbe olẹ ekuhọ.

Oka nọ O rọ September 1 Muhọ

Ole avọ 84

5 min: Iwhowhovia obonẹ. Kareghẹhọ iwhowho-uvie re a nẹ iyẹrẹ usiuwoma ota urere amara ọ August. Fodẹ ebe nọ a ti fihọ ada evaọ September.

10 min: Ẹgwọlọ ukoko na.

12 min: Eyaa Ra Inọ Who Ti Zihe, Kọ Who Bi Ru Ei Gba? Ẹme gbe iroro-ejẹ ogbotu rono Uwou-Eroro ọ September 15, 1999 (ọrọ oyibo), ẹwẹ-obe avọ 10-11, evaọ otọ uzoẹme na “Other Ways to Keep Our Promises” (Idhere Efa nọ Ma re ro Koko Eyaa Mai). Okenọ ma tẹ ruẹ ahwo nọ a dhesẹ isiuru evaọ odibọgba mai, ma re ru ọruẹrẹfihotọ nọ ma rẹ rọ ruabọhọ ẹmeọta na evaọ oke ofa. Kọ ma bi ghine zihe wọhọ epanọ ma yaa? Kiẹ ehri-izi Ebaibol nọ e rẹ wọ omai koko eyaa mai riwi. Zizie ogbotu na re a gbiku eware nọ a rọ ẹro ruẹ nọ i dhesẹ nnọ a wo oghale fikinọ a zihe ẹruoke.

18 min: “Joma Ruẹrẹ Oria Egagọ Mai Ziezi.” (Edhe-ẹme 6-12) Rehọ enọ nọ a kẹ na ro ru ei. Fi egba họ epanọ u wuzou te re a rọ ẹro te Ọgwa Uvie na ziezi, fielo họ ẹkpẹti nọ ọ rrọ ẹwẹ-obe avọ 5 na. Ku iyẹrẹ ekpẹkpẹ jọ kugbe ei kpahe uyero Ọgwa Uvie rai, jẹ fodẹ omaa aruẹrẹ kpobi nọ wha bi ru.

Ole avọ 41 gbe olẹ ekuhọ.

[Footnote]