Omaa Ewuhrẹ Odibọgba

MUẸROHỌ: Odibọgba Uvie Mai ọ te m’omaa Ewuhrẹ Odibọgba kẹ oka kpobi evaọ etoke okokohọ na. Ikoko e rẹ sai ru inwene wọhọ epanọ o gwọlọ re o k’uvẹ kẹ ekpohọ Okokohọ Ubrotọ “Rehọ Oruaro kẹ Ọghẹnẹ” na. Evaọ Ewuhrẹ Odibọgba urere taure a te ti kpohọ okokohọ na, rehọ iminiti 15 kiẹ igogo ithubro nọ e rrọ uko-obeva Odibọgba Uvie Mai ọrọ amara nana nọ i kie kpahe ukoko na riwi. Evaọ amara ọ February 2004, a te ruẹrẹ omaa Ewuhrẹ Odibọgba jọ soso họ re a rọ kiẹ igogo eme okokohọ na riwi. Evaọ omaruẹrẹhọ kẹ ẹmeọta ọyena, mai kpobi ma rẹ sai kere eme nọ i wuzou fihotọ eva okokohọ na, kugbe igogo eme nọ ma gwọlọ fihọ iruo evaọ uzuazọ omobọ mai gbe evaọ iruo odibọgba na. Kẹsena ma vẹ sae tuduhọ amọfa awọ ẹkwoma ẹta kpahe epanọ ma ro fi iroro-ejẹ eyena họ iruo no anwẹnọ ma ro no okokohọ na kpozi na.

Oka nọ O rọ September 8 Muhọ

Ole avọ 10

10 min: Iwhowhovia obonẹ. Iwhowhovia nọ a salọ no Odibọgba Uvie Mai ze. Ẹkwoma iroro-ejẹ nọ e rrọ ẹwẹ-obe avọ 8 na, ru odhesẹvia ọrọ epanọ a re ro fi Awake! ọ September 22 na họ ada. Evaọ odhesẹvia na, dhesẹ ọmọ-isukulu hayo ọyewọ nọ o bi se isẹi kẹ iticha isukulu.

10 min: Ileta Uwou-Ogha. Ẹmeọta-kugbe nọ owhowho-uvie nọ o kri no, mai fo ọkpako ukoko, gbe uzoge nọ ọ rrọ owhowho-uvie a re ru. Owhowho-uvie uzoge na ọ rẹ nọ owhowho-uvie nọ o kri no na sọ ọ ruẹ ileta nọ i no obọ uwou-ogha ze nọ e rrọ evaọ Odibọgba Uvie Mai na. Owhowho-uvie nọ o kri no na o ve ru ei vẹ kẹ owhowho-uvie uzoge na inọ ileta uwou-ogha na e jẹ hae jọ abọjọ Odibọgba Uvie Mai evaọ etoke ikpe ọ 1960 gbe 1970. Aimava a vẹ t’ẹme kugbe kpahe ileta nọ e rrọ ẹwẹ-obe ọsosuọ na, bi fi elo họ igogo-eme na.

25 min: “Izoge—Wha Bọ Emamọ Otọhotọ kẹ Obaro.”a Ọkpako ukoko o re ru ei, ẹkwoma enọ nọ a ruẹrẹ fihọ na. Nọ whọ tẹ be ta kpahe edhe-ẹme avọ 5, fi elo họ oghọghọ gbe eghale ọ iruo odibọgba oke-kpobi.

Ole avọ 170 gbe olẹ ekuhọ.

Oka nọ O rọ September 15 Muhọ

Ole avọ 199

10 min: Iwhowhovia obonẹ. Kareghẹhọ iwhowho-uvie re a nẹ iyẹrẹ usiuwoma ota ọ ubro amara September. Iyẹrẹ epanọ igho e nya.

15 min: “Omakugbe re Ma Jiri Jihova.” Rehọ enọ nọ a kẹ na ro ru ẹme na. Ta udu họ ahwo kpobi awọ re a jọ abọ na kpobi, no ohiohiẹ Edisoi-Oka rite uvo Ẹdoka. Fi ẹgba họ ẹgwọlọ nọ ma re ro fi eware nọ ma yo h’iruo viukpọ eyo ọvo. T’ẹme te ọjọriẹ obehru na kpahe oware nọ a m’omaa riẹ fihọ kẹ Ewuhrẹ Odibọgba jọ evaọ February 2004, onọ a te jọ ru ọkiẹkpemu okokohọ ubrotọ na. Ta udu họ ahwo kpobi awọ re a kere eme fihọ otọ.

20 min: “Wha Whẹ Omarokpotọ họ Oma.” Ru re ogbotu na a ta kpahe epanọ ikereakere na i ro kiekpahe ẹme na.

Ole avọ 58 gbe olẹ ekuhọ.

Oka nọ O rọ September 22 Muhọ

Ole avọ 7

10 min: Iwhowhovia obonẹ. Ẹkwoma iroro-ejẹ nọ e rrọ ẹwẹ-obe avọ 8 na, ru idhesẹvia ivẹ erọ epanọ a re ro fi Uwou-Eroro ọ October 1 gbe Awake! ọ October 8 na họ ada.

10 min: Ẹvẹ Ma Ru Te Evaọ Ukpe n’Ukpo? Ọsẹro usiuwoma ota na ọ rẹ kiẹ abọ jọ iyẹrẹ ukoko na ọrọ ukpe iruo ọ 2003 riwi. Jiri ukoko na fiki eware iwoma nọ a rugba.

15 min: “Jọ Oriruo Evaọ Uruemu Ezi.” Rehọ enọ nọ a kẹ na ro ru ẹme na. Fi ẹgba họ ẹgwọlọ nọ a re ro lele ọruẹrẹfihotọ iwou nọ a ru kẹ erere mai na. Dhesẹ oware nọ o rọ r’oja re ohwo kpobi o dhesẹ uruemu ezi.

10 min: “Fi Itee họ kẹ Omobọ Ra Rọkẹ Ukpe Iruo Okpokpọ Na.” Re a ruẹsi dhesẹ ẹnyaharo nọ a ru no, whọ rẹ sae nnọ sọ ahwo jọ a mu ẹme họ ẹkpahe no evaọ iwuhrẹ, sọ a to iwuhrẹ Ebaibol họ no, sọ a ru ọkobaro obufihọ no evaọ orọ ọsosuọ riẹ, hayo sọ a rehọ ọkobaro oke-kpobi evaọ ukpe iruo nọ u kpo.

Ole avọ 154 gbe olẹ ekuhọ.

Oka nọ O rọ September 29 Muhọ

Ole avọ 194

5 min: Iwhowhovia obonẹ. Kareghẹhọ iwhowho-uvie re a nẹ iyẹrẹ usiuwoma ota ọ ubro avivẹ amara September. Fodẹ ebe nọ a ti fihọ ada evaọ October.

10 min: “Ewuhrẹ Obe ọ Gọ Ọghẹnẹ Na.” Ẹme nọ ọsẹro uwuhrẹ obe ukoko o re ru. Si iroro kpohọ omaa uwuhrẹ na. Nọ whọ tẹ be ta kpahe edhe-ẹme avọ ene, ku eme jọ kugbei rono obe ọ Isukulu Odibọgba na ze, ẹwẹ-obe avọ 28, edhe-ẹme 1, gbe ẹwẹ-obe avọ 70.

15 min: “A Rrọ Oma Kọkọ Họ—Rekọ A Bi Ru Iruo Buobu Ghele.” Ku eme kugbei kpahe epanọ amọfa a sai ro fi obọ họ, no Awake! ọ August 22, 1990, ze, ẹwẹ-obe avọ 22-23, evaọ otọ uzoẹme-osese na “What Can Be Done?” (Eme A Rẹ Sai Ru?)

20 min: “Ẹgọ nọ A Ruẹrẹhọ Ziezi O Re Dhesẹ Adhẹẹ kẹ Ọghẹnẹ.”* Ọkpako ukoko o re ru ei. Rehọ enọ nọ a kẹ na ro ru ẹme na. Ru re oniọvo-ọmọzae nọ o re se ziezi o se edhe-ẹme ọvuọvo do lahwe.

Ole avọ 132 gbe olẹ ekuhọ.

Oka nọ O rọ October 6 Muhọ

Ole avọ 170

10 min: Iwhowhovia obonẹ. Amara nana ma te daoma gaga re ma mu ebe-iwuhrẹ Ebaibol họ. Kiẹ Odibọgba Uvie Mai ọrọ May 2002 riwi kpẹkpẹe, ẹwẹ-obe 1, edhe-ẹme 1.

15 min: “Mu Ẹro Họ Nọ Whọ Rọ Eware Ọsosuọ Karo!” Ẹme gbe iroro-ejẹ ogbotu nọ a re ru no Uwou-Eroro ọ September 1, 1998 (ọrọ oyibo), ẹwẹ-obe avọ 19-21 ze. Fodẹ edẹ ọ omaa iruẹru ukoko na nọ a ruẹrẹ họ emerae nọ e rrọ obaro tha na, jẹ ta udu họ ahwo na kpobi awọ re a kpoka họ edẹ na evaọ ukeledẹ rai. Zizie ogbotu na re a kpahe fihọ oware nọ a bi ru nọ eruẹrẹfihotọ abọ-ẹzi i gbe vru rai hi.

20 min: Ẹdadamu kẹ Otunyẹ Ọhwa. Kiẹ ọkpako ukoko hayo odibo oruiruo nọ a jọ uviuwou Oleleikristi yọrọ riwi. Ta ẹme te igogo-eme nọ a fodẹ evaọ Uwou-Eroro ọ February 15, 2003 (ọrọ oyibo). Didi otunyẹ oniọvo-ọmọzae na ọ rẹriẹ ovao dhe evaọ obọ isukulu? (ẹwẹ. 24 edhe. 3; ẹwẹ. 25 edhe. 4-5) Kọ ọ rẹriẹ ovao dhe okpomahọ oyoma jọ no obọ amọfa ze? (ẹwẹ. 26 edhe. 4-6) Kọ ọ gbẹ be rẹriẹ ovao dhe otunyẹ ọhwa nọ ọ kpako no na? Eme o fi obọ họ kẹe no nọ ọ be sai ro dikihẹ ga kẹ otunyẹ na? Evaọ ekuhọ ọkpẹkpẹe nọ who re ru rono Uwou-Eroro ọ August 1, 1999 (ọrọ oyibo), ẹwẹ-obe avọ 24-25 ze, fi elo họ irere nọ i re no emamọ usu nọ a rẹ yọrọ ze.

Ole avọ 26 gbe olẹ ekuhọ.

[Footnote]